Освобожденная от боевиков крепость Крак де Шевалье в Сирии

Мухамедсадыр: Сирияга адам жөнөткөнүмө өкүнүп отурам

267
(жаңыланган 09:42 13.01.2015)
Ош шаарынын тургуну Мухамедсадыр Стамбул каналы аркылуу Сирияга 60га жакын киши жиберсе, анын жарымына жакыны кыргызстандыктар болгон.

БИШКЕК, 12-янв — Sputnik. УКМКнын Ош шаардык жана Ош облустук башкы башкармалыгы декабрдын аягында Стамбул шаары аркылуу Сириядага согушка адамдарды жиберип жүргөн 21 жаштагы Кыргызстандын жаранын Түркиядан алып келди. 

Ош шаарынын жараны Мухамедсадыр Сирияга баш-аягы 60ка жакын адамды жиберген. Атайын кызматтардын атайын операциясынан кийин ал Түркиядан алып келинип, учурда убактылуу кармоо жайында. Аталган башкармалыктын кызматкерлери бул боюнча иликтөө-иштерин жүргүзүп жатат. 

Мухамедсадыр Ош шаарында төрөлүп, мектепти да ушул жерден аяктаган. Үч бир тууган, атасы отставкадагы полковник, энеси үй кожойкеси. Ал Түркияга сооданын сырларын дагы жакшылап үйрөнүп, иштеп, 2015-жылдын жазында Ошко кайтып, ишкер болуу кыялы менен кеткен. Бирок, орто жерден жихадчылардын торуна түшүп, тагдыры таптакыр башка нукка өзгөрдү…

"Хамза" деген каймана аты бар Мухамедсадыр менен көзмө-көз жолугуп, бир нече суроолорду бергенге мүмкүнчүлүк түзүлдү. Мурда диний медреседе окуп, диний билим алган эмес. 2012-жылы Түркияга бир тууган агасынын чакыруусу менен кетип, тери саткан жайда иштеп баштаган. Стамбулдан аны бир жылдан кийин бул жакта коңшу жашап, кийин Түркияга чыгып кеткен "Халид" деген каймана аттуу Махмуд Рахимов кылмыштуу ишке тарткан. 

© Sputnik / Нургуль Максутова
Ош шаарынын тургуну Мухамедсадыр Стамбул каналы аркылуу Сирияга 60га жакын кишини жөнөткөн

Мухамедсадыр Сирияга кыргызстандык, тажикстандык жанан өзбекстандык балдарды жөнөтүп тургандыгын айтып берди. 

"Сирияга барганга мүмкүнчүк жаралбай калды. Стамбул аркылуу Сирияга жөнөткөндөрүмдүн 30-35тейи Ош, Жалал-Абад жана Баткенден келген мен тааныган балдар эле, ал эми беркилери чоочун балдар болучу. Бул ишиме азыр өкүнүп турам", — деп айтып берди ал. 

Алардын схемасы боюнча Сирияга кете турган балдар анын батирине келип, 2-3 күн жашап турган. "Хамза" аларды Стамбулдун жаңы бөлүгүнөн эскисине кемеге отургузуп алып өтүп, Кайнаржы деп аталган аймакка жеткирип, автобус менен Сирияга киригизип кетүүчү өзбекстандык кишилердин колуна өткөрүп берип келген.

Мухамедсадыр жиберген адамдар Сириядан даярдыктан өткөндөн кийин 2-6 ай аралыгында кайтып келип, көбү Россияга өтүп турган. Алардын тартиби боюнча кайтып келгендерден андан ары эмне кыла тургандыгына кызыгып, суроо бергенге тыюу салынып, жалаң каймана ат менен иштөө талабы коюлган. Мухамедсадырдын милдети — беркилердин курсагын тойгузуп, Стамбул ичинде жеткир деген жерине алып барып, ары-бери коштоп жүрүү болгон. 

Ал жихадга кошкон салымын кишилерди жибергеним деп эсептеп келгендигин айтат. Махмуд Рахимов анын батирине 300 түрк лирасы (150 доллар) көлөмүндө акча төлөп берип турган. "Хамза" "Алла үчүн, соопчулук үчүн деп кылган "кызматына" акча алган эмес". 

Мухамедсадыр мусулман динине каршы келген ишке аралашып алганын, жаңылгандыгын айтты.

"Мен жаңылыптырмын, муну азыр түшүнүп, өкүнүп отурам. Өзгөчө, ата-энеме кыйын болду. Алардын абалын көргөн сайын жаман ишке баргандыгымды түшүнүп бара жатам. Бир иш кылардан мурда ата-энеден сурап, алар туура деп тапса гана, батасын алып иш кылыш керек экен. Азыркы жаштардын көбү азгырыкка чакырган видеону көрүп кызыгып, кетип жатышат. Ал жакка кызыгып барардын алдында ата-эненин алдынан өтүп, алар менен сүйлөшүү керектигин айтам. Мендей болуп кеткендер 20-30 жаш курагындагы адамдар. Көпчүлүгү кайтып келгенден кийин аттиң деп жатышат", — деди Мухамедсадыр.

Ал башка иш түшкөндө ата-энеңден башка эч ким жардамга келбестигине көзү жеткендигин да кошумчалап, кошунасына алданып, радикалдашып кеткенин айтты. 

"Досторуң канчалык көп болгону менен, башыңа кыйын иш түшкөндө ата-энеңден башка эч ким сага жардам бербейт экен. Мени бул жаман ишке ушул жердеги эле кошунам тартты. Туура эмес кылыптырмын. Башында "Алла үчүн соопчулук иш жасап жатасың деп айтса, ишене бериптирмин. Эми мындан ары башка жолго, туура жолго түшүшүм керек", — деди Мухамедсадыр биз менен болгон сүйлөшүүсүндө. 

Биз жогоруда сөз кылган Мухамедсадыр диний сабатынын жоктугунан, диний радикалдашуунун курмандыгы болду. Эгерде бул жаатта өлкөдө олуттуу кадамдар жасалбаса, мындай тенденциянын арбышы турган иш. Андыктан, өлкөдө жихадизмдин өөрчүшүнө каршы күрөшүү боюнча учурда УКМК тарабынан бир топ иштер жасалууда. Ош облустук жана Ош шаардык башкы башкармалыгы тарабынан бир топ террористтик топтор табылып, коопсуздандырылды жана бул жаатта аталган кызмат ишин улантууда.

267
Тема боюнча
Сириядагы согушка кишилерди Стамбул аркылуу жөнөткөн каналда 7-8 адам иштейт
Мамбеталиев: азгырылган жарандарды Сирияга жөнөтүп туруучу төрт багыт табылды
Сирия БУУдан Израилге каршы санкцияларды киргизүүнү талап кылды
Сирияга согушчандарды үгүттөп жүргөн топ Тажикстанда кармалды
Жаза аткаруу мамлекеттик кызматынын төрагасынын биринчи орун басары Таалайбек Нуралиев. Архивдик сүрөт

Коррупцияга шектелген ЖАМК жетекчисинин орун басары Нуралиев кызматтан алынды

82
(жаңыланган 16:02 25.09.2021)
Нуралиев августтун башында кармалган. Анын иш бөлмөсүнөн жана үйүнөн акча каражаты, курал-жарак жана соттолгондор жасаган буюмдар табылган.

БИШКЕК, 25-сен. — Sputnik. Жаза аткаруу мамлекеттик кызматынын төрагасынын биринчи орун басары Таалайбек Нуралиев кызматтан алынганын ЖАМКтын маалымат кызматы кабарлады.

Буйрукка 16-сентябрда юстиция министри Асел Чынбаеванын сунушу менен министрлер кабинетинин башчысы Улукбек Марипов кол койгон.

Нуралиев августтун башында кармалган. Ал соттолгон жарандарды мөөнөтүнөн мурда бошотуу, абактагы шарттарын жеңилдетүү, ошондой эле орто звенодогу жетекчилердин мыйзамсыз аракеттерин жаап-жашырып жүргөнү үчүн системалык түрдө акча алып келгени айтылган.

Сотко чейинки өндүрүштүн алкагында 2-август күнү Нуралиевдин иш бөлмөсүн тинткенде 3500 доллар, 59 000 сом, уюлдук телефон жана майда калибрдеги курал чыккан.

Ал эми жашаган үйүн текшергенде ТТ үлгүсүндөгү тапанча жана жылмакай курал табылган. Аны менен катар абакта отурган соттолуучулар тарабынан жасалган стол, отургуч, кылыч, бычак, сандык, нарда сыяктуу буюмдар болгон.

Нуралиев УКМКнын убактылуу кармоочу жайына киргизилген.

82
Белгилер:
ЖАМК, Таалайбек Нуралиев, кызмат, бошотуу, коррупция
Тема боюнча
Туйгунаалы Абдраимов тергөөгө келип туруу милдеттемесин алып сурактан чыкты
Асмандагы бүркүт. Архивдик сүрөт

Кубада урунган эки бүркүттүн айынан учак кайра конууга мажбур болду. Видео

151
(жаңыланган 12:25 25.09.2021)
Окуяда эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылып кеткен.

БИШКЕК, 25-сен. — Sputnik. Кубада Azur Air авиакомпаниянын Boeing-767-300 учагы жерден көтөрүлгөндө эки бүркүт урунган окуя катталды. Бул тууралуу TourDom.ru порталына таянып "Известия" жазды.

Кырсыктын кесепетинен жалын чыгып, жүргүнчүлөр дүрбөлөңгө түшкөн. Экипаж аргасыздан кайра конгон.

Куштун бири аба кемесинин тумшук жагына урунса, экинчиси учактын оң жактагы кыймылдаткычына келип тийген. Эч бир жүргүнчү жабыркаган эмес. Деген менен чукул тормоз берилгендиктен учактын дөңгөлөгү жарылган.

"Коопсуздукту камсыздоо үчүн командачы учакты токтотуу чечимин кабыл алган. Аба кемеси кайрадан токтоочу жайына келип конгон", — деген авиакомпаниянын өкүлү.

Авиакомпания Кубага резервдеги учакты жиберген.

151
Белгилер:
Куба, бүркүт, учак
Тема боюнча
Подмосковьеде аскер учагынын кулаганы видеого түшүп калган
Кыргызстандык Айваз Оморканов. Архивдик сүрөт

Кыргызстандык Оморканов эл аралык хоккей федерациясына вице-президент болуп шайланды

12
(жаңыланган 20:49 25.09.2021)
Шайлоо ишемби күнү Санкт-Петербургдагы IIHF конгрессинде өткөн. 68 жаштагы франциялык Люк Тардиф IIHF федерациясынын президенти болсо, кыргызстандык вице-президент болуп шайланды.

БИШКЕК, 25-сен. — Sputnik. Кыргызстандык Айваз Оморканов шайба менен ойнолчу хоккей боюнча эл аралык федерациянын Азия жана Океания боюнча жаңы вице-президенти болуп шайланды. Бул тууралуу РИА Новости жазды.

Шайлоо ишемби күнү Санкт-Петербургдагы IIHF конгрессинде өткөн. 68 жаштагы франциялык Люк Тардиф IIHF федерациясынын президенти болду. Ал уюмду 1994-жылдан бери жетектеп келген Рене Фазелдин ордуна келди.

Посмотреть эту публикацию в Instagram

Публикация от IIHF (@iihfhockey)

Оморканов Азия жана Океания боюнча вице-президент болуп шайланды. Маалымат агенттиги менен маектешкен кыргызстандык спортчу шайлоодо жеңишке жеткени ал үчүн күтүүсүз болгонун билдирген.

"Албетте, бул жеңиш мен үчүн дагы, Рене Фазел менен атаандашым Томас Вуга дагы сюрприз болду. Азия жана Океания боюнча вице-президент болуу мен үчүн сыймык. Тилекке каршы, Азияда хоккей жакшы өнүккөн эмес, мен кызматтык мөөнөтүмдүн соңуна чейин болгон күч аракетимди жумшайм. Өз презентациямда Мартин Лютер Кингдин "Менин кыялым бар" деген кебин өз атымдан эмес, бүткүл Азиянын атынан айттым. Мен элди Азияда эмне болуп жатканына көңүл бурууга чакырып, өзгөрүүлөр керек экенин белгиледи", - деди Оморканов.

Шайлоонун жыйынтыктары окулуп жатканда Фазель жыйындар залындагы кыйкырык үндөн чочуп кеткен. Кийин Оморканов жеңишине болгон кубанычын жашыра албай кыйкырганы маалым болду.

12
Белгилер:
хоккей, шайлоо, президент
Тема боюнча
Сүрөй албасак да сүйө алдык. Спорт державасына айлануунун жолу