Полицейские на страже на пересечении Томпкинс авеню и Миртл Ave 21

АКШда 2014-жылы полиция кызматкерлеринин колунан каза тапкандар

22
(жаңыланган 09:25 23.01.2015)
2014-жылы АКШда полиция кызматкерлери тарабынан бир нече кара түстүү адам өлтүрүлүшү өлкөнүн бүтүндөй аймагында тополоңду жаратты.

БИШКЕК, 23-янв — Sputnik. 2014-жылы Америка Кошмо Штаттарында бир нече африкалык-америкалык адам полиция колдуу болуп өлгөн. Адам өлтүрүүгө байланыштуу кенен маалыматты Sputnik сайтынын бетинен караңыз.

7-апрелде Лос-Анжелестин чыгыш тарабында тартип сакчылары 30 жашар Жон Винклерге жаңылыш ок атып алышкан. Полиция кызматкерлери жабыр тарткан адам кол салуучу деп болжоп, ага кызматтык куралынын огу түгөнгүчө атышкан. Андан мурдараак полицияга квартиралардын биринде колуна бычак кармаган бир шектүү киши жүрөт деген кабар келген. Аталган жерге барган тартип сакчылары байкоо алдындагы квартирадан эки адам чуркап чыгып аларды көздөй бет алганын көрүшкөн. Экөөнүн бири кансырап, ал эми анын артынан Винклер чуркап келаткан. Аны билдирүүдө айтылган кол салуучу экен деп полиция кызматкерлери ага карай ок атышкан. 30 жашар киши төрт жеринен жарадар болуп, кечирээк ооруканада көз жумган. Кийинчерээк дайын болгондой, каза болгон менен кошо дагы эки адамды квартирада бычакчан Александр МакДональд деген киши кармап турган экен. 

Июль айында Нью-Йоркто Дэниэл Панталео аттуу полиция кызматкери 43 жашар куралсыз Эрик Гарнер аттуу кара адамды кармоого аракет кылып жатып муунтуп таштаган. Интернетте бир топ полиция кызматкерлери көчөдө мыйзамсыз тамеки сатат деген шек менен Гарнерди токтотуп жатканы көрсөтүлгөн видео пайда болгон. Панталео колго түшүрүүгө аракет кылып Гарнерди мойнунан оролто кармаган. Шектенүүчү астмадан деми кыстыгып, аба жетпей жатканын айтканга аракеттенгени айкын угулат. Кечирээк ал ооруканада каза болгон. Гарнер алты баланын атасы болчу. Куралсыз африкалык-америкалыктын полиция тарабынан өлтүрүлүшү нааразылыктарды жаратты. 

9-август күнү Фергюсон шаарында (Миссури штаты) полиция кызматкери Даррен Уилсон 18 жашар кара түстүү Майкл Браунду бир нече жолу аткан. Анын алдында жаш бала полицияга баш ийбей аны менен мушташа кеткен. Браун андан бир нече мүнөт болгон талоончулукка тиешеси бар деп шектелген. Ноябрда эл өкүлдөрүнүн түзүлгөн сотчулардын тобу полиция кызматкер Уилсонду күнөөсүз деп тапкан.

9-октябрда Сент-Луисте (Миссури штаты) кызмат милдетин аткарбай турган убакта кара түстүү 18 жашар Вондеррит Майерс деген баланы атып салган. Ал полициянын маалыматы боюнча, окту биринчи чыгарган. Бирок Майерстин туугандары анын куралы жок болчу деп билдиришти. 

20-ноябрда болсо полиция кызматкери Нью-Йорктун Акаи Герли аттуу тургунун өзүнүн кызыныкына тепкичтен көтөрүлүп бара жаткан жеринен өлтүргөн. Анын дос кызы берген көрсөтмөгө ылайык, полиция кызматкери тепкичтен бир дабышты угуп, эч эскертүүсүз эле атып жиберген. Герли көкүрөгүнө тийген октон ооруканага жеткенден кийин көз жумган.

22-ноябрда Кливленддин балдар аянтчасында ак түстүү тартип сакчылары африкалык-америкалык Тамир Райсты колунда кармап турган оюнчук тапанчанын айынан атып ташташкан. Полиция кызматкерлери кичине баланын колундагы оюнчукту чыныгы тапанча менен алмаштырып алышкан экен. Медициналык сот экспертизасынын чыгарган бүтүмү боюнча баланын көкүрөгүнө тийген ок артерияга, ичеги карынга жана жанбаш сөөгүнө доо кетирген.

5-декабрда ак түстүү полиция кызматкери Аризон штатында 34 жашар кара түстүү жаранды жаңылыш атып алган. Полициянын офицери киши колун чөнтөгүнө салып баратканын көрүп эки жолу атып жиберген. Тартип сакчысы африкалык-америкалыктын куралы болуш керек деп болжогон, бирок анын чөнтөгүндө болгону дары гана бар болчу. Ок атууга чейин полиция кызматкери менен тиги киши мушташа кеткен. Себеби тартип сакчысы аны дүкөндүн жанында баңги сатып жатат деп шектенген.

22
Белгилер:
Лос-Анжелес, Сент-Луис, Нью-Йорк, Миссури штаты, Аризона штаты, Фергюсон, Кливленд, АКШ, Жон Винклер, Эрик Гарнер, Дэниэл Панталео, Даррен Уилсон, Майкл Браун, Вондеррит Майерс, Акаи Герли, Тамир Райс, Киши өлтүрүүлөр, полиция
Кишенделген жаран. Архив

45 миң доллар пара алган. Капиталдык курулуш башкармалыгындагы аткаминер кармалды

133
(жаңыланган 18:00 07.12.2021)
Колго түшүрүлгөн аткаминер буга чейин Транспорт министрлигинде иштеген. Ал УКМКнын убактылуу кармоочу жайына киргизилди.

БИШКЕК, 7-дек. — Sputnik. Бишкек шаарынын мэриясына караштуу Капиталдык курулуш башкармалыгынын (ККБ) башчысынын орун басары У.У.К. пара алуу фактысы боюнча кармалды. Бул тууралуу УКМКнын маалымат кызматы кабарлады.

  • Задержанный замначальника Управления капитального строительства мэрии У. У. К., по подозрению в получении взятки в размере 45 тысяч долларов в период исполнения обязанностей замглавы Минтранса. 07 декабря 2021 года
    Бишкек шаарынын мэриясына караштуу Капиталдык курулуш башкармалыгынын (ККБ) башчысынын орун басары У.У.К. пара алуу фактысы боюнча кармалды
    © Фото / пресс-служба ГКНБ КР
  • Задержанный замначальника Управления капитального строительства мэрии У. У. К., по подозрению в получении взятки в размере 45 тысяч долларов в период исполнения обязанностей замглавы Минтранса. 07 декабря 2021 года
    Билдирмеге караганда, У.К.К. транспорт жана коммуникациялар министринин орун басарынын милдетин аткарып турган учурда опузалоо жолу менен 45 миң доллар каражат алган.
    © Фото / пресс-служба ГКНБ КР
1 / 2
© Фото / пресс-служба ГКНБ КР
Бишкек шаарынын мэриясына караштуу Капиталдык курулуш башкармалыгынын (ККБ) башчысынын орун басары У.У.К. пара алуу фактысы боюнча кармалды

Билдирмеге караганда, У.К.К. транспорт жана коммуникациялар министринин орун басарынын милдетин аткарып турган учурда опузалоо жолу менен 45 миң доллар каражат алган. Бул факт аныкталып, шектүү сотко чейинки өндүрүштүн алкагында кармалган. Ага Жазык-процесстик кодексинин 94-беренеси боюнча иш козголгон. Аткаминер УКМКнын тергөө камак жайынын убактылуу кармоочу жайына киргизилгени кошумчаланды.

У.У.К. буга чейин транспорт министринин орун басары болуп иштеп, Балыкчы — Корумду унаа жолунун реконструкциясына байланышкан ызы-чууга тиешеси бар экени айтылып кызматтан алынган.

 

133
Белгилер:
Капиталдык курулуш башкармалыгы, аткаминер, Транспорт жана жолдор министрлиги, пара, УКМК
Тема боюнча
Октябрь райондук милициясынын жетекчисинин орун басары үй камагына чыкты
Тышта иштеп жүргөн мигранттардын балдарына Хизб-ут-Тахрир диний экстремисттик уюмунун (ДЭУ) идеологиясын окуткандар кармалды

УКМК мигранттардын балдарын окуткан экстремисттик топту кармады. Видео

189
(жаңыланган 16:18 07.12.2021)
Жашы жете элек балдар ыйгарым укуктуу камкордук жана көзөмөл органынын өкүлдөрүнүн катышуусунда текшерүү иш-чараларынан кийин жакын туугандарына өткөрүп берилди.

БИШКЕК, 7-дек. — Sputnik. Тышта иштеп жүргөн мигранттардын балдарына "Хизб-ут-Тахрир"* диний экстремисттик уюмунун (ДЭУ) идеологиясын окуткандар кармалды. Бул тууралуу УКМК билдирди.

Маалыматка караганда, аталган уюмдун активдүү мүчөлөрүнүн жашаган жеринде тинтүү жүргүзүлгөн. Натыйжада 24 жаштагы М.А. жана 27 жаштагы Т.Б. аттуу жарандардын үйүнөн жана жашаган жеринен көп сандагы диний адабияттар, конспектилер, электрондук китептер, уюлдук телефон, теократиялык мамлекеттин ("Халифат") Конституциясынын долбоору жазылган брошюра, ноутбук, флешка жана күндөлүк табылган.

"Шектүүлөр жашы жете элек балдарга мыйзамсыз негизде диний билим берүү уюштурганы аныкталды. Иликтөө маалында батирде Кыргызстандын ар кайсы аймактарынан 10 жаштан 17 жашка чейинки жети бала болгон. Алардын көбү эмгек мигранттарынын балдары экендиги аныкталды", — деп айтылат маалыматта.

Жүргүзүлгөн иликтөө иш-чараларынын жыйынтыгы менен М.А. УКМКнын тергөө абагынын убактылуу кармоочу жайына киргизилди. Ал эми жашы жете элек балдар ыйгарым укуктуу камкордук жана көзөмөл органынын өкүлдөрүнүн катышуусунда текшерүү иш-чараларынан кийин жакын туугандарына өткөрүп берилди.

Азыркы учурда сотко чейинки өндүрүш боюнча тергөө иштери уланууда.

* — Кыргызстан, Россия жана башка бир катар мамлекеттерде тыюу салынган уюм.

189
Белгилер:
УКМК, Хизб ут-Тахрир, экстремисттик уюм, мигранттар, бала, окутуу, кылмыш
Тема боюнча
"Хизбут-Тахрир" экстремисттик уюмунун Кызыл-Кыядагы лидерлери кармалды
Спецназ өспүрүмдөрдү үгүт ишине тарткан экстремисттик топту колго түшүрдү. Видео
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме