Жогорку соттун төрайымынын тууганы алдамчылыкка шектелип жатат
(жаңыланган 09:22 29.01.2015)
Жогорку соттун төрайымы Феруза Жамашеванын Нурсултан Акимбаев аттуу тууганы Оштон алдамчылыкка шектелип кармалган.БИШКЕК, 29-янв — Sputnik. Кыргызстандын Жогорку сотунун төрайымынын тууганы кармалганын биздин кабарчыга Ош шаардык ички иштер башкармалыгынан билдиришти.
Тергөөгө ылайык, кармалган жаран батирдин документтерин жасалмалап, аны сатып жиберген.
"Жабыр тарткандардын айтымында, 2014-жылдын сентябрь айында шектелип жаткан жаран 18 миң долларга шаардагы үйлөрдүн бирин саткан. Үйдүн документтери нотариустан жасалмаланган. Андан сырткары ал 1994-жылы туулган жарандын үйүн алдып туруп сатып жиберген", — деп билдирди милиция кызмакерлери.
Кылмыш жаза кодексинин 166-беренеси "Алдамчылык" боюнча кылмыш иши козголду. Учурда Ош шаардык ИИБдин кызматкерлери тергөө иштерин жүргүзүүдө.
Белгилер:
Жалал-Абадда бизнесмендерди сабап, коркуткан шектүүлөрдүн бири кармалды
(жаңыланган 17:29 20.04.2021)
Министрликтен билдиргендей, кылмышкерлер бизнесмендерди ээн талаага алып барып ур-токмокко алып турган.БИШКЕК, 20-апр. — Sputnik. Милиция Кыргызстандын түштүгүндө бизнесмендерди өз көзөмөлүнө алууга аракет жасаган топ бар экенин кабарлады.
Маалыматка караганда, кылмыштуу топ "салык" төлөөдөн баш тарткан ишкерлер менен коммерсанттарды эл жок жерге алып барып сабап коркутуп турушкан.
"Жалал-Абадда апрель айынын башында үч киши 29 жаштагы ишкерди күчкө салып машина менен алып кетишкен. Аны ээн жерге алып барып акча талап кылып сабашкан", — дешти ИИМден.
©
Фото / пресс-служба МВД
Шектүү
Факты боюнча Кылмыш-жаза кодексинин 266-беренеси ("Бейбаштык") менен сотко чейинки өндүрүш иши башталган. 16-апрель күнү Жалал-Абаддан 29 жаштагы шектүүлөрдүн бири кармалган. Ал кылмыштуу топтун мүчөсү катары ИИМдин каттоосунда турат. Милиция учурда шериктерин издеп жатат.
Белгилер:
Чыңгыз Айтматовдун жубайы Мария Айтматова каза болду
(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.
Маркум быйыл июль айында 79 жашка чыкмак.
Айрым маалыматтарга караганда, Мария Айтматова ооруканада көз жумган.
Эскерте кетсек, Чыңгыз Айтматов экөөнүн Ширин жана Эльдар аттуу балдары бар.
Белгилер:
Бишкектин айрым бөлүгүндө электр жарыгы болбойт. График
(жаңыланган 17:53 20.04.2021)
Электр энергиясы баш калаанын көчөлөрүндө да, конуштарда да өчүрүлөт. Бул оңдоо иштерине байланыштуу экени айтылды.БИШКЕК, 20-апр. — Sputnik. Эртең, 21-апрелде, Бишкектин бир катар районунда электр энергиясы өчүрүлөт. Маалымат "Түндүк электр" ишканасынын сайтына чыкты.
Бул күнү мекеменин кызматкерлери турак үйлөрдүн чубалгыларын, трансформаторлорду оңдоп, бак-дарактарды бутайт.
График:
- 9:00дөн 17:00гө чейин — Токтоналиев көчөсүндөгү №320 үй жана Тынчтык конушунда;
- 9:00дөн 18:00гө чейин — Чүй жана Манас проспектилеринде, Калык Акиев көчөсүндө, Жаш гвардия, Фрунзе, Исанов, Мурманский көчө кесилиштеринде жана Балбан-Таймаш конушунда;
- 9:30дан 17:00гө чейин — №9 кичи райондогу №6 көп кабаттуу үйдө жана №10 кичи райондогу №21/1 үйдө;
- 9:30дан 18:00гө чейин — Жибек жолу проспектисинде жана Тоголок Молдо көчөсүндө;
- 9:30дан 19:00гө чейин — №5 кичи районунун айрым бөлүгүндө (№2-5, 19/2, 19/3 үйлөрдө);
- 9:40тан 18:00гө чейин — Гоголь көчөсүндөгү №92 үйдө жана Огонбаев көчөсүндөгү №222 үйдө;
- 10:00дөн 17:00гө чейин — Бакай-Ата конушунун айрым бөлүгүндө (Алмамбет жана Бакай-Ата көчөлөрү);
- 13:00дөн 17:00гө чейин — Аламедин-1 кичи районундагы №3 үйдө.
Белгилер: