Жогорку соттун төрайымынын тууганы алдамчылыкка шектелип жатат

© Sputnik / Табылды КадырбековАрхив: папка с уголовным делом
Архив: папка с уголовным делом - Sputnik Кыргызстан
Жазылуу
Жогорку соттун төрайымы Феруза Жамашеванын Нурсултан Акимбаев аттуу тууганы Оштон алдамчылыкка шектелип кармалган.

БИШКЕК, 29-янв — Sputnik. Кыргызстандын Жогорку сотунун төрайымынын тууганы кармалганын биздин кабарчыга Ош шаардык ички иштер башкармалыгынан билдиришти.

Тергөөгө ылайык, кармалган жаран батирдин документтерин жасалмалап, аны сатып жиберген. 

"Жабыр тарткандардын айтымында, 2014-жылдын сентябрь айында шектелип жаткан жаран 18 миң долларга шаардагы үйлөрдүн бирин саткан. Үйдүн документтери нотариустан жасалмаланган. Андан сырткары ал 1994-жылы туулган жарандын үйүн алдып туруп сатып жиберген", — деп билдирди милиция кызмакерлери.

Кылмыш жаза кодексинин 166-беренеси "Алдамчылык" боюнча кылмыш иши козголду. Учурда Ош шаардык ИИБдин кызматкерлери тергөө иштерин жүргүзүүдө.

Жаңылыктар түрмөгү
0