Площадь имени В.И.Ленина в городе Октябрьский

Башкырстандагы жол кырсыгына кабылган кыргызстандыктын абалы оор

43
(жаңыланган 15:22 05.02.2015)
Башкыртстанда беш киши каза болгон ири жол кырсыгында жабырланган мекендешибиздин абалы оор бойдон калууда.

БИШКЕК, 5-фев — Sputnik. "Автожол кырсыгына кабылган Кыргызстан жаранынын абалы оор", — деп билдирди КРдин Россиядагы элчилигинин экинчи катчысы Айымкан Кулукеева Sputnik маалымат сайтына.

Шаршембинин түнүндө Башкыртстандын Октябрь шаарында ири жол кырсыгы катталган. КР өзгөчө кырдаалдар министрлигинин маалыматында "Газель" үлгүсүндөгү кичи автобус жолдун маңдайына чыга калып, оор жүктөрдү ташуучу "Вольво" автоунаасы менен кагышкан. 

Кырсыктан кыргызстандык беш адам каза болуп, эки киши Октябрь шаарындагы №1 ооруканага жаткырылган. 

Жабыр тарткандардын бири Носиржан Нурматов Кыргызстандын жараны экендигин элчиликтен тастыкташты. Учурда анын абалы оор бойдон калууда, бирок, кырсыктан алган жаракаты толугу менен аныктала элек. Жабырланган экинчи адам Александр Кислицындын акыбалы боюнча маалымат учурда такталууда. 

Кырсык болгон жерде учурда КРдин дипломатиялык ведомствосунун тапшырмасы менен Оренбург шаарындагы ардактуу консул Таалайбек Жандаров, Самара шаарындагы диспоранын лидери Акылбек Кудуев жана Башкырстандагы кыргыздардын диаспорасынын жетекчиси Соно Алиева жүрөт.

43
Белгилер:
Носиржан Нурматов, Соно Алиева, Акылбек Кудуев, Таалайбек Жандаров, Октябрь шаары, Башкырстан
Тема боюнча
Кыргызстандын 5 жараны Башкыртстандагы жол кырсыгынан каза болду
Жолдо бараткан фура. Архив

Жүрөктү түшүрөт! Бишкек Ош жолунда фура жеңил унааны коюп кете жаздаган видео

30
(жаңыланган 13:27 13.06.2021)
Видеодон жүк ташуучу унаа каршы тилкеге чыга калганын, ал коюп кете жаздаган жеңил унаадагы жүргүнчүлөр коркуп кеткенин байкоого болот.

БИШКЕК, 13-июн. — Sputnik. Бишкек — Ош унаа жолунда жүк ташуучу автоунаа жеңил унааны коюп кете жаздады.

Жүрөк үшүн алган видео "Короче" Telegram каналына жарыяланды. Анда окуя 11-июнь күнү саат 17:00дө болгону жазылат.

Видеодон жүк ташуучу унаа каршы тилкеге чыга калганын, аны көргөн жеңил унаадагылар коркуп кеткенин байкоого болот. Видеонун автору ИИМге айдоочуну таап, жазасын берүүнү өтүнгөн.

ИИМдин Жол кыймылы коопсуздугун камсыздоо башкы башкармалыгынын өкүлү Тилек Оторов Sputnik агенттигине окуя көзөмөлгө алынганын жана такталып жатканын билдирди. Толук маалымат кийинчерээк берилери убадаланды.

30
Белгилер:
Бишкек - Ош жолу, кырсык, видео, жол, унаа, авто
Тема боюнча
Жалал-Абаддагы үрөй учурган жол кырсык. Маркумдардын аты-жөнү такталды
Жалал-Абаддагы болгон жол кырсыгы

Жалал-Абаддагы үрөй учурган жол кырсык. Маркумдардын аты-жөнү такталды

534
(жаңыланган 21:21 12.06.2021)
Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

БИШКЕК, 12-июн. – Sputnik. Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек. Бул тууралуу облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев Sputnik Кыргызстан агенттигине билдирди.

  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон
    © Фото / Зульфия Тургунова
1 / 3
© Фото / Зульфия Тургунова
Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек

Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган. Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон.

Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

Набыт болгондор:

  • Ш.Б. аттуу эркек киши (жашы белгисиз) — Базар-Коргон районунун Кеңеш айыл аймагынын Сейитказы айылынын жашоочусу. Анын 22 жаштагы К.А. аттуу уулу;
  • Э.У. аттуу 52 жаштагы аял — Базар-Коргон районунун Акман айыл өкмөтүнүн Колот айылынын жашоочусу. Анын 19 жаштагы Ш.О. аттуу уулу;
  • С.Н. аттуу 26 жаштагы жаран — Сузак районунун Калмак-Кырчын айылынын тургуну;

Набыт болгон бир аял менен эркектин ким экени азырынча тактала элек. Булардын баары тең Honda Odyssey үлгүсүндөгү жеңил автокөлүктө жүргүнчү катары Бишкектен Ошту көздөй бара жатышкан.

Жеңил унаанын 26 жаштагы Б.К. аттуу айдоочусу Кочкор-Ата шаардык ооруканасынын хирургия бөлүмүнө жаткырылган. Ал эми Өзбекстандын Наманган облусунун Үч-Коргон районунун Кучай айылынын 34 жаштагы жашоочусу, жеңил унаанын жүргүнчүсү ошол эле оорукананын жандандыруу бөлүмүнө түшкөн.

534
Белгилер:
жүк ташуучу унаа, жол кырсык, Жалал-Абад
Тема:
2021-жылдын башынан бери Кыргызстанда болгон жол кырсыктар
Тема боюнча
Ошто эки унаа кагышып, өспүрүм бала оор абалда ооруканага жеткирилди. Сүрөт
Жети-Өгүздө жол кырсыгынан үч киши көз жумду. Үрөй учурган каргашанын сүрөтү
Основатель Amazon и Blue Origin Джефф Безос на 33-м космическом симпозиуме в Колорадо-Спрингс, штат Колорадо, США. 5 апреля 2017 года

11 мүнөт үчүн 28 миллион доллар. Безос менен космоско учуучу орун сатылды

0
(жаңыланган 13:29 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

0
Белгилер:
АКШ, Жефф Безос, учуу, космос, аукцион