Кыргызстанка вызволена из трудового рабства в Казахстане

50-60 уйдун кыгын тазалап, сарайда күн көргөн Жумагүл

751
(жаңыланган 11:21 10.02.2015)
Жумагүл Жусуп кызы үч-төрт жылдан бери Алматы облусунун айылдарынын биринде эмгек кулчулугунда жүргөн. Ал 50-60 уйдун кыгын тазалап, кыштын күнү сарайда түнөчү.

БИШКЕК, 9-фев — Sputnik. "Замандаш" ассоциациясынын Алматы облусундагы өкүлдөрү, башкы консул жана Казакстанда эмгектенген кыргызстандыктардын жардамы менен үч-төрт жылдан бери Алматы облусунун Енбекшиказак районунун Маловодное айылында 50-60 уйду багып жүргөн 25 жаштагы Жумагүл Жусуп кызы эмгек кулчулугунан бошотулду.

Мени куткарып кеткилечи

Жумагүлдү бошотуу аракеттери кандай жүргөнүн Sputnik сайтынын кабарчысына ассоциациянын Алматы шаарындагы өкүлү Туратбек Аманбаев буларды айтып берди.

— 4-февраль күнү Алматыдагы бир мекендешибиз жумуш издеп Алматы облусунун Енбекшиказак районунун Маловодное деген жерине барып калган. Ал жак ээн талаа болгондуктан Совет доорунда мал багуу үчүн салынган сарайлар көп. Ошол сарайлардын биринен ал Жумагүл менен таанышып калат. Ал бул жакта кулчулукта жүргөнүн, аны куткарып кетүүсүн суранган. Тигил жараныбыз, болгон окуяны Алматыдагы мекендештерибиз – Кубаныч Акунов менен Алмаз Кадыровго айткан. Бул балдар мага кайрылып, кулчулукта жүргөн мекендешибизди кантип куткарып алсак болот дешти. Биз Алматыдагы башкы консулдукка кайрылып, анын кызматкерлери, аймактык милиция болуп, кулчулукта жүрөт деген мекендешибиз кармалган жакка бардык. Ал жер шаардан бир топ эле алыс. Барсак, сарайдын ээлери сыртта жүргөн экен. Алардан сурасак эч нерсе билбейбиз деди. Бир аздан кийин "бул сарайда уйларды карап жинди кыз жүрөт" деп калды. Ал жакка Жумагүл өзүн Ырысгүл деп тааныштырган экен. Бизди көргөндө эле "мени алып кеткени келдиңерби? Мен силер менен кетем" деп калды.

Кубаныч Акунов
3-4 жылдан бери Казакстанда кулчулукта жүргөн Жумагүл бошотулду

Казак жарандарынын айтымында, алар Жумагүлдү талаада жүргөн жеринен алып келишкен. Курсагын тойгузуп, кийимин кийгизип жумуш жасатып койгонбуз дешти. Сарайдын ээсине барып, "Кандай болгон күндө да, бул кыз силердин кол алдыңарда иштеген, эмгек акысын беришиңизди талап кылам" дедим. Ал 10 миң теңге көлөмүндө акча берди.

Аны түз эле консулдукка алып келдик. Себеби, Жумагүлдүн эч кандай документи жок болчу. Консулдуктан документтерин даярдадык. Казак-кыргыз чек арасынан өтүүгө башкы консул абдан жакшы жардам берди. 

"Апамды абдан сагындым"

Жумагүл биздин кабарчыга апасын абдан сагынганын, анын жалгыз тилеги туугандарын жана апасын көрүү экенин айтты.

"Апамды абдан сагындым. Жалгыз тилегим апамды жана туугандарымды көрүү", — дейт ал. Жумагүл март айында 25 жашка толот.

Ал ошондой, Казакстанда көргөн күндөрү абдан оор болгонун, ага кол көтөргөн учурлар болгонун айтып берди. 

"Казакстанда көргөн күндөрүм оор болду. Мени башка-көзгө чапкылап да сабашты. Сарайда уй багып, аларды саап жүрдүм. Кышында ал жак абдан суук болчу", — дейт ал. 

Жумагүл мектепке барбагандыктан кат-сабаты жоюлган эмес. 

Түрдүү жолдор менен алдап барып кулчулукка сатып жибергендер көп

Алматы шаарында 24 жылдан бери соода-сатык менен алектенген Алмаз Кадыров Жумагүлдү эмгек кулчулугунан бошотууга салым кошкондордун бири. Анын айтымында, көпчүлүк кишилерди түрдүү жолдор менен алдап алып келип, кулчулукка сатып жибергендер көп.

"Жумагүлдү Нуриля деген аял бул жакка алып келип, сатып жиберген. Аны бул жактан жакшы жумуш таап берем деп алып келген экен. Кулчулуктан бошоткондон кийин ага Алматыдагы кыргызстандыктар да жакшы жардам беришти. Базарда иштеген мекендештер 40 миң сомдой акча жана Жумагүлдүн кийим-кечегин сатып беришти. Аны машинем менен Кыргызстанга алып келдик", — деди ал.

Алмаз Кадыровдун айтымында, Жумагүлдүн сабаты жоюлган эмес жана ал болгон окуяларды толугу менен эстей албайт. 

"Куткарууга барганда аймактык милиция арыз жаз деди. Жумагүл тамга тааныбагандыктан жаза албасын айтты. Ата-энеси жаш кезинде ажырашып кетиптир. Үч эжеси бар экенин айтып атат. Атасы Араванда, апасы Ноокат районунда турат дейт", — деди Алмаз Кадыров.

Жумагүлгө жардам берген дагы бир мекендешибиз Кубанычбек Акуновдун айтымында, Жумагүл мончодо жашачу. 

"Жумагүл башында сарайдын ээсинин үйүндө, андан кийин мончодо жашаган. Эртең мененки саат жетиден кечки саат сегизге чейин 50-60 уйдун кыгын чыгарчу экен. Үйдүн ээси ага нан жана желим бөтөлкөгө чай куюп берчү экен. Башында мончого жатып жүрүптүр, кийин күн суук болгондо сарайда мал менен чогуу жатчу. Мончодогу эки мышыгы күн сууктаганда ал жакта тоңуп өлүп калыптыр", — деди ал. 

Жумагүлдүн апасы табылды

Коңшу Казакстанда оор күндөрдү башынан өткөргөн Жумагүлдүн тууган-туушкандарын издөөгө "Замандаш" ассоциациясы да чоң көмөк берген. Жумагүл болгон окуяларды так эстей албагандыктан анын ар бир айткан маалыматы текшерилип, акыры анын апасы табылды.

Ассоциациянын өкүлү Талант Бекбаев Жумагүлдүн апасы табылганын айтат.

"Бүгүн түштөн кийин жолго чыктык. Азыр Жумагүлдүн апасынын жашаган жерин так тактап жатабыз. Ал Ноокат районунда турары аныкталды. Буюрса кызды апасы менен жолуктурабыз", — деди ал.

Кыргызстандын Акыйкатчы институтунун маалыматы боюнча кулчулукка сатылып кеткен жарандардан былтыр 2014-жылы эки гана кайрылуу түшкөн. Адистердин айтымында, кулчулукка сатылып кеткен жарандар уялгандыктан арыз менен көп кайрыла беришпейт.

Мындай терс көрүнүштөрдүн алдын алуу үчүн мектепте атайын сабактар өтүлсө, кандайдыр бир таасир болмок деген пикирин Алмаз Кадыров айтат. Себеби, мектепти бүтүп, чет жактан жумуш издеген жаштар кулчулукка сатылып, алданып калып жатканын кошумчалады.

751
Белгилер:
кулчулук, "Замандаш" ассоциациясы, Кубанычбек Акунов, Алмаз Кадыров, Талант Бекбоев, Жумагүл Жусуп кызы, Казакстан
Тема боюнча
Казакстандан кулчулуктан бошотулган Жумагүлдүн энеси табылды
Казакстанда кулчулукта жүргөн 25 жаштагы кыз куткарылды
Жалал-Абад шаарында эл аралык террордук уюмдун мүчөлөрү колго түшүрүлдү

УКМК: Жалал-Абадда эл аралык террордук уюмдун мүчөлөрү кармалды

149
(жаңыланган 13:04 20.10.2020)
Шектүүлөрдүн жанынан уурдалган акча, жасалма чет элдик валюталар, ток менен уруучу аппарат жана бычак сыяктуу далил буюмдар алынган.

БИШКЕК, 20-окт. — Sputnik. Жалал-Абад шаарында эл аралык террордук уюмдун мүчөлөрү колго түшүрүлдү. Бул тууралуу Улуттук коопсуздук мамлекеттик комитетинин коомчулук менен байланыш бөлүмү кабарлады.

Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам издөө иш-чараларынын жүрүшүндө кармалган. Алар Кыргызстандын жарандары Б.О. жана Э.К. болуп чыгышты.

В Джалал-Абаде задержаны члены международной террористической организации
© Фото / пресс-служба ГКНБ
Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам-издөө иш-чараларынын жүрүшүндө кармалган

Такталгандай, кармалган адамдар 19-октябрь күнү эртең менен ишкерге кол салып 400 миң сом өлчөмүндөгү акчасын уурдап кетишкен.

Бишкекте элди террордук уюмга азгырган чет элдик кармалды. Сүрөт

Жанынан уурдалган акча каражаты, жасалма чет элдик валюталар, ток менен уруучу аппарат жана бычак менен сайылуучу нерселер далил зат катары табылды.

"Кармалгандар Сириянын аймагындагы мыйзамсыз куралдуу топтордун ишмердүүлүгүнө катышып жана эл аралык террордук уюмдардын башчыларынын көрсөтмөсү менен ЭТУ мүчөлөрүнө каржылык колдоо көрсөтүү үчүн талап-тоноочулукту уюштуруу максатында Кыргызстандын аймагына келишкен", — деп айтылат маалыматта.

Сотко чейинки өнүрүштүк материалдар Кылмыш жана жоруктардын бирдиктүү реестрине катталган. Кармалгандар Жалал-Абад шаардык милициянын тергөө камак жайына киргизилди. Иликтөө уланууда.

149
Белгилер:
кармоо, шектүү, мүчө, террордук уюм, УКМК
Тема боюнча
УКМК: коррупциялык иштерге күбө болгондор үчүн ишеним телефондор иштей баштады
УКМК ЖЭБ кызматкерлеринин пара алган мыйзамсыз схемасын аныктады
Чоң Алай району. Архив

Чоң Алайда күчү 4,5 баллга жеткен жер титирөө болду

65
(жаңыланган 10:45 20.10.2020)
Жер силкинүү райондун бир нече айылында сезилди. Табигый кырсыктан жабыркагандар жана кыйроолор катталган жок.

БИШКЕК, 20-окт. — Sputnik. Ош облусунун аймагында очогунда күчү 4,5 баллга жеткен жер титирөө катталды. Бул тууралуу ӨКМ Сейсмология институтунун маалыматына таянуу менен кабарлады.

Жаратылыш кырсыгы кечээ, 19-октябрь күнү, саат 16:17де болгон.

Ала-Букадагы алтын кен ишканасында өрт чыкты. Видео

Жер титирөө Чоң Алай районунун Ачык-Суу, Жайылма айылдарында 2 балл, Кызыл-Эшме, Кара-Шыбак, Жар-Башы айылдарында 3 балл, Кашка-Суу айылында 4 баллга чейин сезилген.

Силкинүүдөн жабыркагандар жана кыйроолор катталган жок.

65
Белгилер:
жер титирөө, Алай району, Ош, ӨКМ
Тема боюнча
Кыргызстанда күчү 5 баллга жеткен жер титирөө болду
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

106
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

106
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы