Наручники

Кара-Суунун кармалган имамы 2006-жылы өлтүрүлгөн имам Камаловдун баласы болуп чыкты

292
(жаңыланган 17:34 10.02.2015)
Ош облусунун Кара-Суу районундагы мечиттердин биринин имамы эл арасында диний-экстремисттик уюмдун идеясын жайылтып жана Сирияга кетүүгө үндөп жүргөн.

БИШКЕК, 10-фев Sputnik. ИИМдин 10-башкы башкармалыгы диний-экстремисттик идеясын жайылтып жана Сирияга кетүүгө үндөп жүргөндүгү үчүн кармаган карасуулук имам, 2006-жылы атып өлтүрүлгөн Рафик Камаловдун баласы экендигин диний эксперт Мамед Мырзабаев айтып берди. Бул маалыматты ИИМдин10-башкы башкармалыгынын жетекчиси Рафик Мамбаталиев тастыктады.  

ИИМдин маалымат кызматы 10-февралда тараткан маалыматында Кара-Суу районундагы мечиттердин биринин имамы эл арасында диний-экстремисттик уюмдун идеясын жайылтып жана Сирияга кетүүгө үндөп жүргөндүгү үчүн кармалгандыгын билдирген. 

ИИМдин 10-башкы башкармалыгы Ош жана Баткен облустары боюнча санкция берилген 22 дарек боюнча тинтүү иштерин жүргүзгөн учурда, аталган шаардагы мечиттердин биринин имамынан экстремисттик адабияттар табылган.

"Кармалгандардын арасында Кара-Суу шаарынын имамы да бар. Ал жаштар арасында диний-экстремисттик уюмдун идеясын жайылтып жана Сирияга кетүүгө үндөп жүргөн. Анын радикалдуу салафизмди тутунгандыгы аныкталды", — деп билдирди ИИМдин маалымат кызматынан. 

Бул боюнча Sputnik Ислам таануу боюнча илимий-изилдөө институтунун директору Мамед Мырзабаевдин пикирин сурадык.

"Бул өзгөчө мааниге ээ жана кооптуу. Кармалган имам 2006-жылы атып өлтүрүлгөн Рафик Камаловдун баласы. Мечит да Рафик Камаловдуку, анын баласы имам болуп калган. Ал илгертеден бери эле Кара-Сууда өзүм билемдик кылып, күч органдарын кенебей келген имам. Анын "Хизб-ут-тахрир" экстремисттик уюмунун идеологиясын илгертеден бери эле таратып келгендиги ачык, өзүнүн мечитинде жыйындарды ачыктан ачык эле өткөрүп келген. Мунун тарапташтары көп болгондугу үчүн мамлекет буга чейин эч нерсе кыла албай келген. Мамлекеттин мындай кылуусу тобокелдүү бир кадам болду. Бул токтолуп калбайт, анын тарапташтары тарабынан нааразычылык жаратышы мүмкүн", — деди Мырзабаев. 

Биздин маектеш имамдын кармалышын тобокелдүү деп баа берүүсүнүн себебин төмөнкүчө түшүндүрдү. 

"Тобокел дегенимдин себеби, мамлекет иштеп турган имамды албаш керек эле. Мамлекет буга баштатан даярданып, мечитти кайрадан каттоодон өткөрүп, башка имамды даярдап туруп, анан кийин алыш керек болучу. Бир жагынан мамлекет да бул имамга болушунча чыдады да, анан акыркы кадамга барды, бирок, бул бир имамды камап коюу менен чечиле турган маселе эмес. Биринчиден, мындай көйгөй башка жерде бар экендигин да билиш керек. Экинчиден, системалуу түрдө муфтият менен мамлекет акырындап имамдарды алмаштыруусу зарыл. Бул маселени имамдардын жаңы муунун тарбиялап чыгуу аркылуу чечиш керек", — деди Мырзабаев. 

ИИМдин 10-башкармалыгынын жетекчиси Рафик Мамбеталиев 2006-жылы атып өлтүрүлгөн Рафик Камаловдун баласы экендигин тастыктады. 

"Кара-Суу шаарынындагы Аc-Сарахси мечитинин имамы Камалов Рошат Мухамад Рафикович. Ал Рафик Камаловдун баласы", — деп билдирди Рафик Мамбеталиев Sputnik маалымат сайтына. 

Эксперт мамлекет менен чогуу иш алып бара турган жаңы муундагы имамдардын зарылдыгын, болбосо, мамлекет оңго тартса, алар солго тартып жаткандыгын кошумчалады.

ИИМдин маалымат кызматы кармалган имам убактылуу кармоо жайына киргизилгенин билдирди.

Рафик (Мухаммадрафик) Камалов 2006-жылы август айында атайын кызматтардын антитеррордук операциясында жок кылынган.    

292
Белгилер:
Кыргызстан, Кара-Суу шаары, Рафик Мамбеталиев, имам, Мамед Мырзабаев, Рафик Камалов, ИИМдин 10-башкармалыгы, 'Ислам мамлекети' террордук тобу
Тема боюнча
Серепчи: кыргызстандыктар ИМде эмес, Россияда кызмат өтөгөнү жакшы
Малайзияда Skype аркылуу ИМдин согушчанына турмушка чыккан кыз кармалды
Кыргызстандын жарандарын Сирияга жиберип, үгүттөгөн жигит 4 жылга кесилди
Мухамедсадыр: Сирияга адам жөнөткөнүмө өкүнүп отурам
Суучул издөө иштери учурунда. Архив

Кечээ Ош шаарында 10 жашар бала сууга чөгүп кетти

57
(жаңыланган 11:05 04.08.2021)
Адам өмүрүн алган окуя Ош шаарына караштуу Амир-Тимур кичи районундагы "Южный" деп аталган каналда болгон.

БИШКЕК, 4-авг. — Sputnik. Кечээ Ош шаарында 10 жаштагы бала каналга агып кетип, каза болуп калды. Бул туурасында ӨКМдин маалымат кызматынан кабарлашты.

"Кырсык Ош шаарындагы Амир-Тимур кичи районунда болгон. Каналга 10 жаштагы эркек бала түшүп кетип, аны издеген төрт куткаруучу сөөктү кечки саат 11лерге чукул тапты", — деп айтылат маалыматта.

ӨКМ кызматкерлери баланын сөөгүн туугандарына өткөрүп беришкен.

57
Белгилер:
Кыргызстан, Ош шаары, суу, куткаруучу, издөө
Тема боюнча
Куткаруучулар Чычкан суусуна агып кеткен аялды издеп жатат
Чоң-Алай. Архив

Чоң-Алайда жер титиреди

45
Жердин термелүүсү Чоң-Алай районунун Кара-Кабак, Ачык-Суу айылдарында 2,5 балл, Кашка-Суу, Жайылма айылдарында 2 баллга чейин сезилген.

БИШКЕК, 4-авг. — Sputnik. Кечээ кечинде Ош облусунун аймагында очогунда күчү 3,5 баллга жеткен жер титирөө катталган. Бул тууралуу өлкөнүн Сейсмология институтунун маалыматына таянып, Өзгөчө кырдаалдар министрлиги билдирди.

Жер титирөө 3-августта саат 20:06да катталган. Силкинүү Чоң-Алай районунун Кара-Кабак, Ачык-Суу айылдарында 2,5 балл, Кашка-Суу, Жайылма айылдарында 2 баллга чейин сезилген.

Жер титирөөдөн жабыркагандар жана кыйроолор катталган эмес.

45
Белгилер:
жер титирөө, ӨКМ, Ош облусу, Чоң-Алай
Тема боюнча
Баткенде 17 үйдүн короосун суу каптап, жолдор жуулуп кеткен. Селдин видеосу
Аткаминерлер. Архив

Бишкектин мэринин милдетин аткаруучу өзүнө кеңешчи жана аппарат башчысын дайындады

0
(жаңыланган 21:15 04.08.2021)
Жаңы дайындалган аппарат жетекчи буга чейин өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген.

БИШКЕК, 4-авг. — Sputnik. Бишкек мэриясында кадрдык өзгөрүүлөр болуп, эки кызматка жаңы адамдар келди.

Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды. Буга чейин ал өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген. Аппараттын жаңы башчысы Талас облусунун тургуну.

Директор Государственной инспекции по экологической и технической безопасности при Правительстве Кыргызской Республики (ГИЭТБ) Мырзабек Жыпаркулов во время визита к президенту. 12 июня 2020 года
© Пресс-служба президента КР / Султан Досалиев
Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды

Ал эми Бишкек шаарынын мэринин кеңешчиси болуп Азамат Абсаттаров дайындалды. Буга чейин ал Ош шаарынын мэринин маалымат катчысы эле.

Тиешелүү буйруктарга борбор калаанын мэринин милдетин аткаруучу Таалайбек Сарыбашов кол койгон.

0
Белгилер:
Бишкек, мэр, кеңешчи, аппарат, жетекчи, дайындоо
Тема боюнча
Сарыбашов ишке киришери менен Бишкек мэриясында иштеген уулун жумуштан алды
Бактыбек Кудайбергенов президенттин иш башкаруучусу болду