Татарстандын борбор шаары Казань шаарындагы Адмирал соода борборунда чыккан өрт

Казань шаарында болгон өрттөн Кыргызстандын жараны каза болду

87
(жаңыланган 19:28 12.03.2015)
Татарстандын борбор шаары Казань шаарындагы "Адмирал" соода борборунда чыккан өрттөн Россиянын жарандыгын алган кыргызстандык Үмүт Ташмаматова каза болду.

БИШКЕК, 12-мар. — Sputnik. Казань шаарындагы ири соода борборунда чыккан өрттөн кыргызстандык жаран каза болгонун Кыргызстандын Россиядагы элчилиги билдирди.

Татарстандын борбор калаасындагы соода борборундагы өрт шаршемби күнү күндүз болгон. Анын кесепетинен бир канча киши каза болуп, 36 киши жабыр тартса, 14 киши ооруканага жаткырылган. Алдын ала маалыматтарга ылайык, өрт газ баллон жарылгандыктан жана электр зымдарынан чыккан болушу мүмкүн. 

1 / 5
Татарстандын борбор шаары Казань шаарындагы "Адмирал" соода борборунда чыккан өрт

Татарстандын Өзгөчө кырдаалдар министрлигинен билдиришкендей, каза болгондордун арасында Россиянын жарандыгын алган кыргызстандык Үмүт Ташмаматова да бар. Ал 1977-жылы туулган. Анын сөөгүн куткаруучулар урандылардын алдынан алып чыгышкан.

Ruptly
Кара түтүн Казандагы "Адмирал" соода борборунан көтөрүлдү
87
Белгилер:
Кыргыз Республикасынын Россиядагы элчилиги, Үмүт Ташмаматова, Казань, Татарстан
Пикирлер