Сотрудники МВД

Америка жараны Ошто диний абал туурасындагы маалымат топтоп жүргөн жеринен кармалды

73
(жаңыланган 12:45 30.03.2015)
АКШнын жараны Умар Фарукту кармаганда андан "Хизб-ут-Тахрир" диний экстремисттик уюмунун жакында кармалган лидерине козголгон кылымыш иши боюнча тергөө документтеринин, террористтик топтор боюнча документтердин көчүрмөсү жана экстремисттик адабияттар табылган. Бул туурасында УКМК билдирди.

БИШКЕК, 28-мар. — Sputnik. Ош облусунда диний абал туурасындагы маалымат топтоп жүргөн жеринен Умар Фарук аттуу америка жараны кармалды деп билдирди УКМКнын маалымат кызматынан. 

Маалыматта аны карап, текшерип жатканда "Хизб-ут-Тахрир" диний экстремисттик уюмунун жакында кармалган лидерине козголгон кылымыш иши боюнча тергөө документтеринин, террористтик топтордун кээ бир боюнча документтердин көчүрмөсү жана улут аралык бөлүп жарууга жана жихадга чакырган диний-экстремисттик, террордук мүнөздөгү DVD-дискке жазылган видеоматериалдар табылгандыгы айтылган.

"Бул адам Ош облусунун аймагындагы диний жагдай туурасында маалыматтарды мыйзамсыз топтоп жүргөн", — деп кошумчалашты аталган ведомстводон. 

Аталган факты боюнча, теологиялык экспертизанын жыйынтыгынын негизинде Ош облусунун жана Ош шаарынын УКМКнын тергөө органдары тарабынан кылмыш иши козголуп, Умар Фарукка КРдин Кылмыш жаза кодексинин бир нече беренелери боюнча күнөө тагылууда. Алар 297-берене (Конституциялык түзүмдү күч менен өзгөртүү), 28-берене (Кылмыш далалаты) жана 299-беренелер (Улуттук, расалык, диний же регион аралык кастыкты козутуу). 

Тергөө иштеринин жүрүшүндө Умар Фарук андан табылган тергөө документтеринин көчүрмөлөрүн "Бир дүйнө Кыргызстан" укук коргоо уюмунун кеңсесинин юристи, КР жараны Вахитовдон алгандыгын айткан. Андан сырткары Умар Фаруктун жанынан аталган укук коргоо уюмунун борборунун менеджери Салиевдин визиттик карточкасы табылган. 

Козголгон кылмыш ишинин объективдүү жана ар тараптуу изилдениши үчүн 27-мартта Ош шаардык сотунан Вахитов менен Салиевдин жашаган жай менен иш ордуна тинтүү жүргүзүүгө санкция алынган. Жыйынтыгында, диний маанайдагы DVD-дискттер, флешкалар, баракчалар жана брошюралар табылган.

Валерьян Вахитов ИИМдин 10-башкы башкармалыгы 2015-жылдын 10-февралында эл арасында диний-экстремисттик уюмдун идеясын жайылтып жүргөн деп таап, эки айга, 9-апрелге чейин камалган Кара-Суу шаарындагы "Аc-Сарахсий" мечитинин имамы Рошад Камаловдун үч жактоочусунун жактоочусунун бири. Жактоочу буга чейин имам мыйзамсыз камалды деген нааразылыгын айтып келген.

73
Белгилер:
экстремизм, "Бир дүйнө Кыргызстан", Хизб ут-тахрир, Валерьян Вахитов, Умар Фарук, Ош
Өрттөн чыккан кара түтүн. Архивдик сүрөт

Бишкектеги турак үйдөн өрт чыкты. Сүрөт

82
(жаңыланган 13:52 17.01.2021)
Өрттү өчүрүүгө саат бирлерде эки бөлүм тартылган. Тилсиз жоонун себеби белгисиз. Кошумча маалымат берилет.

БИШКЕК, 17-янв. — Sputnik. Бишкектеги Алтын-Ордо конушундагы турак үйдөн өрт чыкканын ӨКМдин маалымат кызматы кабарлады.

Алтын-Ордо конушунун 7-көчөсүндө чыккан өрттү өчүрүүгө саат 13:00дө бир бөлүм тартылса, 13:11де экинчи бөлүм жөнөп кеткен.

Өрттүн себеби белгисиз. Кошумча маалымат берилет.

82
Белгилер:
өрт, ӨКМ, ТЭЦ, Бишкек
Тема боюнча
Бала бакчадагы өрт. Милиция күйүп жаткан имараттагы адамдарды сыртка чыгарып кеткен
Тапанча кармаган адам. Архив

Ак-Талаа: акимдин кабинетинде тапанча менен чуу салган киши кармалды

135
(жаңыланган 12:30 16.01.2021)
Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

БИШКЕК, 16-янв. — Sputnik. Ак-Талаа районунун Баетов айыл аймагында жайгашкан администрациясына тапанча көтөрүп кирип айыл акимди коркуткан киши кармалды. Бул туурасында Нарын облустук милициянын маалымат кызматы билдирди.

Милицияга 12-январь күнү саат 16:30дар чамасында колуна тапанча кармаган белгисиз мас киши келип ызы-чуу салып жатканы тууралуу маалымат түшкөн.

Ыкчам-тергөө тобу барганда 41 жаштагы А.Е. аттуу жергиликтүү тургун газ-пневматикалык тапанчаны эч кандай тийиштүү документи жок көтөрүп жүргөнү аныкталган.

“Мас абалында келген киши коомдук тартипти бузуп, мамлекеттик администрациянын жетекчисинин кабинетине кирип куралы менен чапкан. Денесине зыян келтирип, сөгүнүп, сабап саларын айтып коркуткан. Ошол учурда ал кармалып, 14-январда Ак-Талаа райондук сотунда баш коргоо чарасы тандалып, эки айга камалды”, — деп айтылат маалыматта.

Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

Азыркы тапта тергөө иштери жүрүп жатат, тийиштүү соттук-медициналык экспертизалар дайындалган.

135
Белгилер:
Ак-Талаа району, коркутуу, кармоо, тергөө, милиция, мас
Тема боюнча
Жалал-Абадда көчө шыпырган аялды сабады деген шектүү кармалды
Бишкекте чет элдик жаранды коркуткан кылмыштуу топтун мүчөлөрү кармалды. Видео
Бишкекте жол талашкан айдоочуга курал такап жаткан киши кармалды
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

22
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

22
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди