БИШКЕК, 30-мар. — Sputnik. Эртең менен Ош аэропортуна катаал аба ырайынан улам коно албай, тилкеден чыгып кеткен учакта футбол боюнча Кыргызстандын улуттук курама командасы да болгонун КР Футбол федерациясынан билдирди.
Учуп-конуу тилкесинен чыгып кеткен учакты аэропорттун кызматкерлери тилкеге сүйрөп чыгып, жүргүнчүлөрдү түшүрүшкөн.
Маалыматка ылайык, 30-мартта болжол менен саат 8:54тер чамасында Ош – Бишкек каттамындагы "Эйр-Манас" авиакомпаниясына таандык учак конуу учурунда аба ырайынын катаалдыгынан улам, учуп-конуу тилкесинен чыгып кеткен болчу.
Эл аралык Ош аэропорту Фергана өрөөнүндөгү ири аба майдандарынын бири, пайдаланууга 1974-жылы берилген. КРдин аймагындагы көлөмү боюнча экинчи аэропорт, жылына 1 миллионго жакын жүргүнчүнү кабыл алат.
