Россияда чет элдик 132 моряк бара жаткан кеме чөгүп, 54 адам каза тапты

Россияда кеменин чөгүп кетишинен 54 адам каза тапты

46
(жаңыланган 15:09 02.04.2015)
Траулер чөккөн жерде экипаждын аман калган мүчөлөрү түшкөн төрт кайык табылган. Бардыгы болуп алардын саны 63 адамга жетет.

БИШКЕК, 2-апр. — Sputnik. "Дальний Восток" деп аталган балык уулоочу ири кеме 2-апрелге караган түнү Охот деңизинде Магадандан 300 чакырым алыстыкта чөгүп кеткен. Анын натыйжасында 54 адам каза болду деп билдирет РИА Новости.

Траулерде 132 адам болгон. Алардын арасында Бирма, Вануату, Украина жана Латвия өлкөлөрүнүн жарандары бар экендиги белгилүү.

Кеме кырсык жөнүндө эч белги берген эместигин кабарлайт агенттик, өз маалымат булагына таянуу менен. 

Россиялык траулер чөгүп кеткени тууралуу маалымат 1-апрелде Москва убактысы боюнча саат 23.39да келип түшкөн.

Кеменин кыйрашына аба ырайы себеп болгон эмес, деңизде туман да, катуу толкундар да жок болчу. 

"Кеме музга байланышкан катуу шарттардын айынан чөгүп кетиши мүмкүн", — деп билдирет Камчатскинин Өзгөчө кырдаалдар министрлигинин өкүлү.

Укук коргоо органдары кылмыш иши козголгону жөнүндө билдиришти. Ал эми кеменин ээси "Магеллан" компаниясы ички текшерүүлөрүн баштады. 

Траулердин чөккөн жеринен жакын өтүп бара жаткан кемелер экипаждын аман калган мүчөлөрү түшкөн төрт кайык табылган. Бардыгы болуп алардын саны 63 адамга жетет. Ошондой эле 54 моряктын да сөөктөрү табылган.

Маалымат булагы билдиргендей, гидрокостюму болгондо да, жылуулугу 2 градустан ашпаган сууда адам 15-20 мүнөттөн ашык чыдай албайт.

Алдын ала маалыматтар боюнча, кеме менен кошо дагы 15 чакты адам деңиз түбүнө кетиши мүмкүн. 

"Куткаруу иштерине 800гө жакын киши катышып жатат. Кеме кыйраган жердин үстүнөн Ми-8 тик учагы айлынып жүрөт жана бир нече чоң кеме кырсык болгон жерди кыдырып издөө салууда", — деп билдирди маалымат булагы.

Охот деңизине чөгүп кеткен кеме тиешелүү компаниянын өкүлү багары жок калган үй-бүлөлөргө сөзсүз компенсация төлөнө тургандыгын айтты. 

Кемеде КРдин жарандары бар-жогун азыр Кыргызстандын ТИМИ текшерип жатат.

46
Белгилер:
Каза болгондор, Кыйроо, Охота деңизи, Магадан, Камчатка, Латвия, Вануату, Бирма, Украина, Россия
Тирүү сүлүк курт. Архивдик сүрөт

Кытай: дарыгерлер баланын кекиртегинен тирүү сүлүк куртту алып чыкты. Видео

126
Бала дем алуусу кыйындап, башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

БИШКЕК, 24-окт. — Sputnik. Кытайда дарыгерлер беш жаштагы баланын кекиртегинен тирүү сүлүк курт алып чыгышты. Бул тууралуу The Daily Mail жазды.

Медиктер анын организмге бир жыл мурда кирип кеткенин аныктаган.

​Бала дем алуусу кыйындап жана башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

Кишинин тамагына кирип алган сүлүк курттун видеосу. Кытайдагы окуя

Медициналык текшерүүдөн өткөрүп жаткан кезде бөбөктүн башынан узундугу чоң кишинин алаканындай болгон тирүү сүлүк куртту таап чыгышкан. Дарыгерлердин айтымында, курт организмге кир сууну ичкенде кирип кеткен.

Ак халатчандар баланын кекиртегиндеги куртту алып чыгып, башка ата-энелерге да сак болууну эскерткен.

126
Белгилер:
дарыгер, баш, бала, сүлүк курт, Кытай
Тема боюнча
Казакстанда 13 жаштагы кыздын ашказанынан шар сымал чач чыкты. Видео
Сүлүк курт адамдын мурдуна жана кызыл өңгөчүнө кирип кетет
Кыргызстандын тунгуч президенти Аскар Акаевдин улуу баласы Айдар Акаев. Архивдик сүрөт

ЖМК: Айдар Акаевдин өлүмүнүн себеби белгилүү болду

789
(жаңыланган 13:06 24.10.2020)
Кыргызстандын биринчи президентинин улуу баласы жүрөгү токтоп, ушул жылдын февраль айында каза болгон.

БИШКЕК, 24-окт. — Sputnik. Кыргызстандын тунгуч президенти Аскар Акаевдин улуу баласы Айдар Акаев алкоголго жана баңгизатка ууланып көз жумган. Бул тууралуу укук коргоо органдарындагы булактарына таянып Россиянын “Пятый канал” телеканалы билдирди.

Эскерте кетсек, Айдар Акаев 5-февраль күнү каза болгон. Анда маркумдун жүрөгү токтоп калганы айтылган болчу. Акаевдин сөөгү Москвадагы Троекуров көрүстөнүндө жерге берилген

Телеканалдын маалыматы боюнча, жарым жылдан кийин укук коргоо органдарындагы ишенимдүү булактар өлүмгө алкоголь менен кокаиндин аралашмасынан кийинки уулануу себеп болгонун айткан. Текшерүү дал ушул нерсе жүрөктүн токтоп калышына алып келгенин аныктаган.

Нурсултан Назарбаевге күйөө бала болгон. Айдар Акаев тууралуу 7 факты

Белгилей кетсек, Айдар Акаев улуу бир тууганы Бермет Акаева экөө 2005-жылы Жогорку Кеңештин депутаты болуп шайланышкан. Бирок "жоогазын" революциясынан кийин шайлоонун жыйынтыгы жокко чыгарылып, тунгуч президенттин үй-бүлөсү өлкөдөн чыгып кетүүгө аргасыз болгон. Учурда Москва шаарында жашап келишет.

789
Белгилер:
алкоголь, себеп, өлүм, Айдар Акаев
Тема боюнча
Айдар Акаевдин сөөгү Москвада жерге берилди
Айдар Акаевге топурак салууга Кыргызстандан кимдер барат?
Нурсултан Назарбаевге күйөө бала болгон. Айдар Акаев тууралуу 7 факты
Премьер-министр Садыр Жапаров. Архивдик сүрөт

Садыр Жапаровдун биринчи кайсы өлкөгө иш сапар менен барары айтылды

0
(жаңыланган 17:19 24.10.2020)
ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

БИШКЕК, 24-окт. — Sputnik. Президенттин милдетин аткарып жаткан Садыр Жапаров чет өлкөгө болгон алгачкы сапарын Россияга жасайт. Бул тууралуу тышкы иштер министри Руслан Казакбаев билдиргенин Sputnik радиосу жазды.

"Биз чет өлкөгө чыгуу маселесин көп талкуулайбыз. Айрым мамлекеттерден чакыруу түштү. Бирок биз үчүн, албетте, Россия артыкчылыктуу мамлекет болуп саналат", — деди Казакбаев.

Министр бул тема Россия ТИМ башчысы Сергей Лавров, ошондой эле РФ президентинин администрациясы менен талкууланганын кошумчалаган.

Казакбаев: Россия Кыргызстандын союздашы болуп келген жана боло берет

Эскерте кетсек, Кыргызстандын экс-президенти Сооронбай Жээнбеков парламенттик шайлоонун жыйынтыгына нааразы болгон элдин талабынан улам отставкага кеткенин Жогорку Кеңештин кезексиз жыйынында билдирген. ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

0
Белгилер:
чет өлкө, иш сапар, Россия, Руслан Казакбаев, Садыр Жапаров
Тема боюнча
Садыр Жапаров эки шайлоо тең март айына чейин бүтүп каларын айтты
Садыр Жапаров: "Манас" аэропортунун жаңы жетекчиси кызматынан кетмей болду