Батырхан Шукенов. Архивное фото

Белгилүү ырчы Батырхан Шукенов Москва шаарында каза болду

149
(жаңыланган 09:04 29.04.2015)
Батырханов Москва шаарында жүрөгү кармап каза болгон. Ал үч жумадан кийин 53 жашка чыкмак.

БИШКЕК, 29-апр. — Sputnik. Казакстандын белгилүү ырчысы, композитор, "А'Студио" тобунун негиздөөчүсү Батырхан Шукенов инфаркттан каза болгонун "Азия Дауысы" фестивалынын режиссеру Александр Понамарев Sputnik сайтына тастыктады.

"Москвадагы досторум билдиргендей, таңкы саат сегизде Батырханов каза болду. Мен анын жакындарына терең кайгыруу менен көңүл айтам", — дейт Понамарев.

Астана шаарынын тургуну Нагима Адилова да ырчынын каза болгонун айтат.

"Менин уулум Астанада болгон фестивалда ал менен бир сахнада ырдаган. Бардык социалдык тармактарда анын каза болгону боюнча маалыматтар жүрөт. Ал абдан таланттуу музыкант болчу. Биздин эстрада орду толгус талантты жоготту", — деди Адилова.

Батырхан Шукенов 1962-жылы 18-майда Казакстандын Кызыл-Ордо шаарында төрөлгөн. Музыкалык карьерасын Казакстандын эл артисти Роза Рымбаеванын тобуна саксофончу болуудан баштаган. Ал 1988-жылы достору менен "А'Студио" тобун түзүп, анын солисти болгон. Шукеновдун "Белая река", "Стоп, ночь", "Солдат любви", "Эти тёплые летние дни", "Нелюбимая" жана башка ырлары коомчулуктун сүймөнчүктүү ырларына айланган.

149
Белгилер:
композитор, эстрада, Батырхан Шукенов, Москва
Өрттөн чыккан кара түтүн. Архивдик сүрөт

Бишкектеги турак үйдөн өрт чыкты. Сүрөт

76
(жаңыланган 13:52 17.01.2021)
Өрттү өчүрүүгө саат бирлерде эки бөлүм тартылган. Тилсиз жоонун себеби белгисиз. Кошумча маалымат берилет.

БИШКЕК, 17-янв. — Sputnik. Бишкектеги Алтын-Ордо конушундагы турак үйдөн өрт чыкканын ӨКМдин маалымат кызматы кабарлады.

Алтын-Ордо конушунун 7-көчөсүндө чыккан өрттү өчүрүүгө саат 13:00дө бир бөлүм тартылса, 13:11де экинчи бөлүм жөнөп кеткен.

Өрттүн себеби белгисиз. Кошумча маалымат берилет.

76
Белгилер:
өрт, ӨКМ, ТЭЦ, Бишкек
Тема боюнча
Бала бакчадагы өрт. Милиция күйүп жаткан имараттагы адамдарды сыртка чыгарып кеткен
Тапанча кармаган адам. Архив

Ак-Талаа: акимдин кабинетинде тапанча менен чуу салган киши кармалды

134
(жаңыланган 12:30 16.01.2021)
Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

БИШКЕК, 16-янв. — Sputnik. Ак-Талаа районунун Баетов айыл аймагында жайгашкан администрациясына тапанча көтөрүп кирип айыл акимди коркуткан киши кармалды. Бул туурасында Нарын облустук милициянын маалымат кызматы билдирди.

Милицияга 12-январь күнү саат 16:30дар чамасында колуна тапанча кармаган белгисиз мас киши келип ызы-чуу салып жатканы тууралуу маалымат түшкөн.

Ыкчам-тергөө тобу барганда 41 жаштагы А.Е. аттуу жергиликтүү тургун газ-пневматикалык тапанчаны эч кандай тийиштүү документи жок көтөрүп жүргөнү аныкталган.

“Мас абалында келген киши коомдук тартипти бузуп, мамлекеттик администрациянын жетекчисинин кабинетине кирип куралы менен чапкан. Денесине зыян келтирип, сөгүнүп, сабап саларын айтып коркуткан. Ошол учурда ал кармалып, 14-январда Ак-Талаа райондук сотунда баш коргоо чарасы тандалып, эки айга камалды”, — деп айтылат маалыматта.

Бул факты боюнча Ак-Талаа РИИБи тарабынан Жазык кодексинин 266-беренеси ("Бейбаштык") менен сотко чейинки өндүрүш ачылган.

Азыркы тапта тергөө иштери жүрүп жатат, тийиштүү соттук-медициналык экспертизалар дайындалган.

134
Белгилер:
Ак-Талаа району, коркутуу, кармоо, тергөө, милиция, мас
Тема боюнча
Жалал-Абадда көчө шыпырган аялды сабады деген шектүү кармалды
Бишкекте чет элдик жаранды коркуткан кылмыштуу топтун мүчөлөрү кармалды. Видео
Бишкекте жол талашкан айдоочуга курал такап жаткан киши кармалды
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

5
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

5
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди