Чек ара кызматы: чек арадан кармалган жаранды Кыргызстанга кайтаруу маселеси коюлат

© AFP / VIKTOR DRACHEVЧек ара. Архив
Чек ара. Архив - Sputnik Кыргызстан
Жазылуу
Чыр-чатак такталбаган мамлекеттик чек ара тилкедеги Баткен облусунун Баткен районунун Согмент айылынын четиндеги Какыр аймагында болгон.

БИШКЕК, 12-май — Sputnik. Кыргызстан тарап Баткен облусунун Какыр жергесинен кармалган кыргызстандыкты кайтарып берүү маселесин сүйлөшүүдө кое турганын КР Мамлекеттик чек ара кызматынын маалымат кызматы Sputnik сайтына билдирди.

Зым менен оролгон чек ара жайы. Архив - Sputnik Кыргызстан
Баткен облусундагы кыргыз-өзбек чек арасында жаңжал болуп, бир КР жараны каза тапты
Азыркы тапта Сох анклавынын аймагында бул окуянын себептерин жана анын жагдайын териштирүү боюнча Кыргызстандын жана Өзбекстандын чек ара өкүлдөрүнүн жолугушуусу өтүүдө.

Шейшемби күнү кыргыз-өзбек мамлекеттик чек ара тилкесинде чыр-чатак болуп, Кыргызстандын бир жараны каза таап, экинчи жаран Өзбекстандын чек арачылары тарабынан кармалган болчу.

Чыр-чатак такталбаган мамлекеттик чек ара тилкедеги Баткен облусунун Баткен районунун Согмент айылынын четиндеги Какыр жергесинде болгон. Алдын ала маалыматтарга караганда Кыргызстандын үч жараны "Мерседес-Бенц Гигант" жүк ташуучу унаалар менен өткөрүү жайынан тышкары жерде Өзбекстандан Кыргызстанга жер-жемиш алып өтүүгө аракет кылышкан.

Жаңылыктар түрмөгү
0