Кыргызстандын Москвадагы элчилиги. Архив

Москвада жол кырсыктан каза болгондор боюнча маалыматты элчилик тактоодо

114
(жаңыланган 19:22 01.06.2015)
Жол кырсыгына кабылды делген Кыргызстандын жарандары боюнча толук маалымат кийинчерээк бериле турганын элчиликтен кабарлашты.

БИШКЕК, 1-июнь — Sputnik. Кыргызстандын Россиядагы элчилиги Жаңы Москва аймагында катталган ири жол кырсыгынын чоо-жайын тактап жатканын элчиликтин маалымат кызматы билдирди.

КР элчилигинин маалымат катчысы Айымкан Кулукееванын айтымында, жол кырсыгынын чоо-жайын такташ үчүн консул окуя болгон жерге кеткен.

"Маалымат келип түшөрү менен консул дароо эле окуя болгон жерге кетти", — деди Кулукеева.

Жол кырсыгына кабылган жарандардын абалы боюнча толук маалымат кийинчерээк бериле турганын Кулукеева билдирди.

Автоунаалар кагышы. Архив
© Фото / пресс-службы УМВД по Псковской области
1-июнга караган түнү Киев кан жолунун 22-чакырымында Кыргызстандын мамлекеттик номери тагылган "Тойота-Альфарт" автоунаасын башкарып бараткан 1992-жылкы жаран жолдун каршы тарабында келе жаткан "Хюндай" автомашинасын кагып, ала салып кеткен. Жолдун каршы тарабынан келе жаткан ВАЗ-2114 машинасы "Хюндай" автоунаасын сүзгөн.

Жол кырсыгынын кесепетинен "Тойотанын" айдоочусу жана анын ичиндеги эки жүргүнчү аял окуя болгон жерден каза болгон, үч аял жана бир эркек киши түрдүү жаракаттар менен ооруканага жеткирилген. Ошондой эле "Хюндай" автомашинасынын айдоочусу да ооруканага жеткирилгенин Москва шаарынын Жол коопсуздугу боюнча мамлекеттик инспекциясы билдирди.

114
Белгилер:
Консул, элчилик, Айымкан Кулукеева, Москва
Тема:
Москвадагы ири жол кырсыгына КР мамлекеттик номерлүү автоунаа катышты (7)
Тема боюнча
Төрт кыргызстандык каза болгон жол кырсыгы. Сүрөттөр.
Эгинбаева: АКШ элчилиги атташе катышкан жол кырсыгын тымызын бүтүрүүгө аракеттенүүдө
Жалал-Абаддагы болгон жол кырсыгы

Жалал-Абаддагы үрөй учурган жол кырсык. Маркумдардын аты-жөнү такталды

504
(жаңыланган 21:21 12.06.2021)
Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

БИШКЕК, 12-июн. – Sputnik. Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек. Бул тууралуу облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев Sputnik Кыргызстан агенттигине билдирди.

  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон
    © Фото / Зульфия Тургунова
1 / 3
© Фото / Зульфия Тургунова
Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек

Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган. Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон.

Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

Набыт болгондор:

  • Ш.Б. аттуу эркек киши (жашы белгисиз) — Базар-Коргон районунун Кеңеш айыл аймагынын Сейитказы айылынын жашоочусу. Анын 22 жаштагы К.А. аттуу уулу;
  • Э.У. аттуу 52 жаштагы аял — Базар-Коргон районунун Акман айыл өкмөтүнүн Колот айылынын жашоочусу. Анын 19 жаштагы Ш.О. аттуу уулу;
  • С.Н. аттуу 26 жаштагы жаран — Сузак районунун Калмак-Кырчын айылынын тургуну;

Набыт болгон бир аял менен эркектин ким экени азырынча тактала элек. Булардын баары тең Honda Odyssey үлгүсүндөгү жеңил автокөлүктө жүргүнчү катары Бишкектен Ошту көздөй бара жатышкан.

Жеңил унаанын 26 жаштагы Б.К. аттуу айдоочусу Кочкор-Ата шаардык ооруканасынын хирургия бөлүмүнө жаткырылган. Ал эми Өзбекстандын Наманган облусунун Үч-Коргон районунун Кучай айылынын 34 жаштагы жашоочусу, жеңил унаанын жүргүнчүсү ошол эле оорукананын жандандыруу бөлүмүнө түшкөн.

504
Белгилер:
жүк ташуучу унаа, жол кырсык, Жалал-Абад
Тема:
2021-жылдын башынан бери Кыргызстанда болгон жол кырсыктар
Тема боюнча
Ошто эки унаа кагышып, өспүрүм бала оор абалда ооруканага жеткирилди. Сүрөт
Жети-Өгүздө жол кырсыгынан үч киши көз жумду. Үрөй учурган каргашанын сүрөтү
Актёр Азиз Мурадиллаев. Архив

Курсташына 18 жашында үйлөнгөн. Актёр Азиз Мурадиллаев тууралуу 6 факты

673
(жаңыланган 16:39 12.06.2021)
Бүгүн белгилүү актёр, КРдин эмгек сиңирген артисти Азиз Мурадиллаевдин туулган күнү. Кино жана сахна чебери 43 жашка толду.

Sputnik Кыргызстан агенттиги көрүүчүлөрдүн сүймөнчүлүгүнө ээ болгон таланттуу инсандын өмүрү жана чыгармачылыгындагы кызыктуу фактыларды сунуштайт.

Аккан арыктан суу агат. Азиз Мурадиллаев 1978-жылы 12-июнда Фрунзе (азыркы Бишкек) шаарында төрөлгөн. Атасы Үсөн Мурадиллаев, апасы Анара Сыдыгалиева театр ишмерлери. Түгөйлөр борбор калаадагы Кыргыз драма театрынын алдындагы студияны, андан кийин Ташкенттеги театралдык окуу жайды аяктап, сахнада түрдүү образдарды жараткан. Ошол жылдары кичинекей Азиз дагы ата-энесин ээрчип жумалап гастролдордо жүрүп, тестиер кээде театрда балдардын ролун аткарып, тасмалардын дубляждарына катышып, радиодо балдар уктурууларын алып барчу.

Ата-энеси каршы чыккан. Мектепти аяктагандан кийин шаарда ишкерлик менен алектенүүгө аракет кылган, бирок баштаганы оңунан чыккан эмес. Ошентип өзүнүн жашоосун театрсыз элестете албаган жаш жигит Кыргыз драма театрынын алдындагы училищеде окуп, кийин өз аракети менен Москвадагы Щепкин атындагы театралдык окуу жайына өткөн. Анын мындай чечимине ата-энеси каршы болгон. Себеби ал жылдары союз тарап, өлкө эгемендүүлүк алып маданият тармагы каралбай, искусство өкүлдөрү ара жолдо калган эле.

Известный кыргызстанский актер Азиз Мурадиллаев во время интервью Sputnik Кыргызстан
© Sputnik / Табылды Кадырбеков
Бүгүн белгилүү актёр, КРдин эмгек сиңирген артисти Азиз Мурадиллаевдин туулган күнү. Кино жана сахна чебери 43 жашка толду.

Студент ата. Актёр 18 жашында чогуу окуган курсташы Элвира Жумалиевага үйлөнүп, 19 жашында ата болгон. Россияда окуп жүргөндө атасы, апасы, келинчеги жана тун уулу Кыргызстанда болчу. Мекенге кайтып келгенден кийин бир эле маалда Арсен Өмүралиев атындагы шаардык театрда, кыргыз жана орус драма театрларында иштеген учурлары да болгон.

Көчөдө Бакыт, Темир, Алымбек... Мурадиллаев чыгармачылыкта өзүн көбүнчө театр актёру деп билет. Себеби ал 20 жыл бою сахнада жүрдү. Актёр "Манастын уулу Семетей" спектаклинде Семетейдин ролун эле 15 жыл катары менен аткарган. Ошондой эле "Ай тутулган түндө", "Каркыранын канаты", "Играем Андерсона" сыяктуу 40тан ашык спектаклде ойногон. Ал эми кинодо "Каракыз", "Сүйүү сынагы", "Апамдын махабаты", "Чиркин өмүр", "Жараланган турна", "Президент жана бомж", "Курманжан датка", "Ата" тасмаларда роль жараткан. Актёр өзү жараткан образдары тууралуу маек берип жатып "менин чыгармачылыгымда "Курманжан датка" кинофильминде Алымбек датканын орду чоң экендиги талашсыз. Кээде мени көчөдөн кинодогу ар түрдүү аттар менен Эркин, Бакыт, Темир, Алымбек деп чакырышат" деп айткан жайы бар.

Кадр из фильма Курманжан датка, актер Азиз Мурадиллаев в роли Алымбек датки
© Фото / предоставлено Азизом Мурадиллаевым
КРдин эмгек сиңирген артисти гитарада мыкты ойнойт, окуучу кезинде каратэ менен дагы машыгып калган. Өмүрлүк жары менен учурда театрда иштеп, экөө 14 жана 24 жаштагы эки уулдун ата-энеси.

Оор илдеттен айыккан талант. Азиз Мурадиллаевге 2016-жылы дарыгерлер боордун 4-даражадагы циррозу (кара сарык — ред.) диагнозун койгон. Анда президент Алмазбек Атамбаев актёрдун операциясы үчүн 500 миң сом, андан кийин 414 миң сом бөлсө, Жогорку Кеңештин депутаттары да бир күндүк маянасын (231, 8 миң сом) которгон. Мындан сырткары, ырчылар концерт-марафон өткөрүп акча чогулткан. Ага биринчи операция Москвада, экинчиси Стамбул шаарындагы клиникада жасалган. Профессор-гепатолог Корай Ажарлы экинчи операциясын жасагандан кийин боорунун иштеши жакшырып, калыбына келе баштаганын айтып, алмаштыруунун кажети жок экенин билдирген. Дарыгердин жакшы кабарынан кийин Мурадиллаевдин үй-бүлөсү  буга чейин чогулган каражатты муктаж болгондорго таратып берген.

Гитара ойноп, каратэ менен машыккан. КРдин эмгек сиңирген артисти жашоодо өзүн жалкоо деп эсептейт. Гитарада мыкты ойнойт, окуучу кезинде каратэ менен дагы машыгып калган. Өмүрлүк жары менен учурда театрда иштеп, экөө 14 жана 24 жаштагы эки уулдун ата-энеси.

673
Белгилер:
актер, факты, театр, кино, Азиз Мурадиллаев
Тема:
Кыргыздын көркөм өнөрү, белгилүү инсандары жөнүндө фактылар
Тема боюнча
Вагондон жүк түшүрүп бүлөсүн баккан Миңжылкыев. Опера ырчысы тууралуу 8 факты
"Чоңко эненин" жомогуна канып... Бексултан Жакиев жөнүндө 8 факты
Сахнада саясатчылардын айласын кетирип... Рахман Разыков тууралуу 8 факты

9 киши каза таап, 600дөн ашыгы оор абалда жатат. COVID статистикасы

0
Бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталды.

БИШКЕК, 13-июн. — Sputnik. Өткөн суткада коронавирус 558 кишиден катталып, 319 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары – 231;
  • Ош шаары – 77;
  • Чүй облусу – 57;
  • Ош облусу – 78;
  • Талас облусу – 9;
  • Нарын облусу – 13;
  • Ысык-Көл облусу – 15;
  • Жалал-Абад облусу – 55;
  • Баткен облусу – 23.

Ушуну менен коронавирус жуктургандардын саны өлкөдө жалпы 110 370ке жетти. Анын ичинен 102 633ү дартты жеңген.

Айыккандар:

  • Бишкек шаары – 178;
  • Ош шаары – 18;
  • Чүй облусу – 66;
  • Ош облусу – 17;
  • Нарын облусу – 6;
  • Ысык-Көл облусу – 19;
  • Жалал-Абад облусу – 12;
  • Баткен облусу – 3.

Бир сутка ичинде өлкө боюнча 29 медицина кызматкери коронавирус жуктуруп алды. Алар:

  • Бишкек шаары – 4;
  • Чүй облусу – 4;
  • Ош шаары – 8;
  • Ош облусу – 5;
  • Жалал-Абад облусу – 5;
  • Баткен облусу – 1;
  • Ысык-Көл облусу – 1;
  • Нарын облусу – 1.

Тилекке каршы, бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталган. Муну менен коронавирус жалпы 1 890 адамдын өмүрүн алды.

Стационарларда 1 976 адам дарыланып жатат. Анын ичинде 579у оор абалда болсо, 85 бейтаптын абалы өтө оор деп бааланды.

0
Белгилер:
абал, медик, статистика, өлүм, коронавирус, Кыргызстан