Тез жардам автоунаасы. Архив

Москвадагы жол кырсыктан каза болгондордун ысымдары белгилүү болду

221
(жаңыланган 19:18 01.06.2015)
Москванын батышында болгон жол кырсыгынан алдын ала маалыматтар боюнча Кыргызстандын үч жараны каза болгон. Жол кырсыгы Жаңы Москва аймагында 1-июнга караган түнү болгон.

БИШКЕК, 1-июнь — Sputnik. Москва шаарында катталган жол кырсыгында каза болгондордун аттары аныкталганын Кыргызстандын Россиядагы элчилигинин маалымат катчысы Айымкан Кулукеева билдирди. 

Москванын батышында болгон жол кырсыгынан Кыргызстандын үч жараны каза болгонун Москва шаарынын Жол коопсуздугу боюнча мамлекеттик инспекциясы билдирген. Жол кырсыгы Жаңы Москва аймагында 1-июнга караган түнү болуп, үч автоунаа кагышкан.

"Тойота Альфард" кичиавтобусунда (мамлекеттик номер 2514 SAL) жети кыргызстандык болгон. Алардын үчөө каза болгон:

 

  • Аветисян В.А. 1978-жылы туулган.
  • Исакова Е.А. 1975-жылы туулган. 

 

Каза болгон эркек кишинин ким экени такталууда. 

Жаракат алып ооруканага жеткирилгендер: 

 

  • Исаева Ш.К., 32 жашта. Мээси чайкалып, акыреги, кабыргалары жана жамбашы сынып, Боткин атындагы шаардык клиникалык ооруканага жеткирилген. 
  • Масалиев Т.К., 23 жашта, мээси чайкалып, тизеси сынып шаардык №1 ооруканасына жеткирилген.
  • Исмаилова Д.У. 1967-жылы туулган. Түрдүү жаракаттарды алып, шаардык №1 ооруканага жеткирилген. 

 

Дагы бир жаракат алган жарандын ким экени такталууда. Ал шаардык №17 ооруканага жеткирилди.

Жаракат алган жана каза болгон жарандын ким экенин Кыргызстандын Россиядагы элчилиги тактап жатат. Элчиликтин кызматкерлери өлүкканага жана Москва шаарындагы ооруканаларда жүрүшөт.

221
Белгилер:
оорукана, элчилик, жол кырсыгы, Айымкан Кулукеева, Россия
Пикирлер