Жоголуп кеткен балдарды Чүй милициясы түп көтөрүлө издеди

Жазылуу
Дайынсыз кеткен балдарды издөө үчүн РИИБ жеке составы, өспүрүмдөр иши боюнча инспекторлор, милиция кызматкерлери тартылган.

БИШКЕК, 3 июнь — Sputnik. Жоголгон балдарды милиция түп көтөрүлө эки күн бою издегенин ИИМ маалымат кызматы билдирди. 

Бөбөк атасынын колунда. Архив - Sputnik Кыргызстан
Екатеринбургда жоголуп кеткен кыргызстандык Болсунбектин ата-энеси табылды
Маалыматка ылайык, 2-июнь күнү Сокулук районунун 1956-жылы туулган тургуну Абдрахман 1-июнда чыгып кеткен боюнча үйгө келбеген 10 жаштагы неберелерин издөөгө жардам берүү өтүнүчү менен жергиликтүү ИИБге кайрылган. 

Милиция кызматкерлери балдар жергиликтүү мектепте окуп, чоң ата, чоң энеси менен жашай турганын аныктаган. Балдардын ата-энеси Баткен облусунун Лейлек районунан келишип, учурда Сахалинде (Россия) иштеп жүрүшкөнү маалым болгон. Апасы 12 күн мурун, балдардын атасы андан мурдараак кеткен.

1-июнда болжол менен эртең мененки саат тогузда жеткинчектер балдарды коргоонун эл аралык күнүн майрамдоого чыгышкан. Майрамдык иш-чаралар Сокулук айылынын борборунда өткөн. Акыркы жолу балдарды борбордон ошол эле күнү кечки саат беште көрүшкөн.

Дайынсыз жоголгон балдарды издөөгө РИИБ жеке составы, өспүрүмдөрдүн иши боюнча инспекторлор, милиция кызматкерлери тартылган. Оорукана, өлүккана, сууга түшүүчү жайлар, сейил бактар, базарлар, компьютердик клубдар текшерилген. Бишкек менен Чүй облусунун ИИБна маалыматтар жиберилген. 

Ымыркайдын буту. Архив - Sputnik Кыргызстан
Паркта ташталган ымыркайдын абалы канааттандырарлык
Чогултулган маалыматтар Сокулук РИИБ каттоого алынып, издөө улантылган. 

Сокулук районунун жашы жете элек балдардын иши боюнча инспекциясынын билдирүүсү боюнча, балдар шаршемби күнү туугандарынын үйүнөн табылган.

Маалыматка ылайык, 1-июнда балдар жергиликтүү мечитте түнөп, чоң ата, чоң энесинин каарынан коркуп эртеси үйгө барбай коюшкан. Түн киргенде гана терезеден кирип, бөлмөлөрдүн биринде уктап калышкан.

Жаңылыктар түрмөгү
0