Кол кишени. Архив

Кашкардан "Кара-Суу" базарына келе жаткан кытай ишкерлерин тоногон киши кармалды

131
(жаңыланган 10:08 11.06.2015)
Уюшкан кылмыштуу топтун мүчөсү 2009-жылы Кашкар шаарынан келе жаткан кытай ишкерлерин кол салуу менен тоноп, ири суммадагы акчасын тартып алган.

БИШКЕК, 11-июнь — Sputnik. Кашкардан келе жаткан кытай ишкерлерин тоногондугу үчүн издөөгө алынган уюшкан кылмыштуу топтун (УКТ) мүчөсү 1982-жылы туулган Медер аттуу жаран кармалды. Бул туурасында Бишкек ИИББдин Уюшкан кылмыштуулукка каршы күрөшүү башкармалыгынын маалымат кызматы билдирди.

Кармалган жаран 2009-жылдын ноябрь айында Кытайдын Кашкар шаарынан Ош облусунун "Кара-Суу" базарына келе жаткан ишкерлердин автобусуна кол салып төнөп кеткендиги үчүн издөөгө алынган болчу.

Уюшкан кылмыштуу топтун мүчөсү Ош облусунун убактылуу кармоо жайына камакка алуу үчүн жөнөтүлгөн.

131
Белгилер:
Бишкек, уюшкан кылмыштуу топтун мүчөсү, тоноо
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

80
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

80
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты
Нью-Йоркто музейге келген бет капчан балдар. Архивдик сүрөт

ЖМК: АКШда балдар массалык түрдө RSV вирусун жуктуруп жатат

89
(жаңыланган 14:18 19.09.2021)
Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы кабарланды.

БИШКЕК, 19-сен. — Sputnik. Вашингтондогу балдарды кабыл алган эки оорукана респиратордук-синцитиалдык вирусту (RSV) жуктуруп алгандардын саны көбөйгөнүн билдирди. Бул тууралуу Washington Post жазды.

Дарыгерлердин айтымында, инфекция көбүнчө дене табынын көтөрүлүшү, жөтөл жана мурундун бүтүшү менен коштолот. Ал айрым учурда дем алуунун кыйындашына, бронхиалит оорусуна, тагыраагы, кекиртек бутактарынын өпкө менен кошулган жерин сыртынан эмес ичинен жабыркатат.

Ооруга чалдыккандардын саны көбүнчө кыш мезгилинде көбөйө турганы, бирок учурда бейтаптар адаттагыдан көп болуп жатканы да белгиленди.

Дарыгерлер RSV вирусунун өсүшүнө COVID-19 пандемиясы таасир эткенин айтышкан. Өткөн кышта массалык иш-чараларга тыюу салынганына байланыштуу респиратордук-синцитиалдык вирус менен сезондук сасык тумоо өтө аз катталганын да билдиришкен. Анткен менен айрым чаралар жумшартылгандан кийин марттан бери дельта-штаммы менен эле жарыш өскөн.

АКШнын борборунда жайгашкан Балдардын улуттук госпиталынын статистикасы боюнча, жандандыруу бөлүмүндө RSV чакырган бронхиолит менен ооругандар коронавируска караганда эки эсе көп.

Өз кезегинде педиатр Дэн Финкельштейн ата-энелерди аталган вирус менен коронавирус инфекциясынын байланышы тынчсыздандырып жатканын айтат. Медиктин айтымында, RSV мурдагыдай коркунучтуу эмес, ак халатчандар эми экөөнү тең дарылоону колго алмакчы.

Американын Ооруларды көзөмөлдөө жана алдын алуу борборлорунун маалыматы боюнча, бир жашка чейинки балдар көбүнчө RSV вирусунан пневмония болот. Инфекция өпкөгө терең киргенде бейтаптардын дем алуусу кыйындайт, бул учурда ооруканага жаткырып, кычкылтек бет кабын тагып жүрүшөт.

89
Белгилер:
АКШ, вирус, оору, балдар
Тема:
Дүйнөгө жайылган коронавирус
Тема боюнча
Путин коронавирустан улам обочолонуп иштөөгө өттү
Кытайда коронавирустун жаңы түрүнүн очогу пайда болду