Милициянын шеврону. Архив

Күбө Шабаев өлтүрүлгөндөн жарым сааттан кийин унаа алмашылып калганын билдирди

154
(жаңыланган 21:22 17.06.2015)
Тилек Шабаевдин өлүмүнө күбө болгон жаран алардын унаасын эч бир белгиси жок бир менчик машина Жол кайгуул кызматына чейин кууп баргандыгын айтат.

БИШКЕК, 17-июнь — Sputnik. Жеке менчик машина окуя болгондон 30-40 мүнөт өткөндөн кийин кызматтык унаага алмашып калды деп билдирет Тилек Шабаевдин өлүмүнө күбө болгон Чүй облусуна караштуу Москва районунун Мамлекеттик каттоо кызматынын кызматкери Керим Акматов. 

Светофордун кызылы күйүп турганда өтүп кетти делген Чүй облусуна караштуу Москва районунун Мамлекеттик каттоо кызматынын кызматкери Тилек Шабаев Жол күзөт кызматынын инспектору тарабынан чыгарылган октон бейшемби күнү көз жумган. 

Sputnik кабарчысына берген маегинде ИИМдин Жол кайгуул кызматынын улук инспектору Тилек Оторов 11-июнь күнү кечинде Беловодское айылында Бишкек — Ош жолунун 39-чакырымында Фрунзе жана Ленин көчөлөрүнүн кесилишинде Чүй облустук ИИББдин Жол кайгуул кызматынын инспекторлору "Гольф 3" автоунаасы менен жол көзөмөлүндө турушкандыгын Чүй облустук ИИББдин Жол көзөмөл кызматына таянуу менен билдирген. 

Оторовдун айтымында, саат 21:30да "Ниссан Альмеро" машинасы кызыл жарык күйүп турганда жолду кесе өтүп кеткен. Айдоочусу унааны токтотуу жөнүндө күзөт кызматкерлеринин белгисине көңүл бурган эмес. Инспекторлор анын артынан кууп жөнөшкөн. 

Куугунга алынган унаага жетип барып, инспекторлор анын жолун тороп, бири эскертүү иретинде өйдө карай ок чыгаргандыгын айтат ал. Бул, албетте, унааны токтотуу талабы болчу. 

"Бир колунда инспектор фонарь, экинчи колунда табелдик курал кармап турган. Айдоочу болсо инспектордун талабын экинчи жолу да көзүнө илбей, машинаны токтоткондун ордуна инспектордун оң бутун тебелеп кеткен. Натыйжада жол күзөт кызматкеринин куралынан өзүнөн өзү ок атылып кеткен. Ок унаанын сол терезесин сындырып өтүп, айдоочуга тийген", — деди Оторов. 

Ошол эле учурда айдоочунун жанында отурган окуянын күбөсү, каза болгон баланын кесиптеши Керим Акматов аларды жеке менчик машина куугандыгын, артынан Жол кайгуул кызматынын кызматкерлери келе жатканын билишпегендигин айтат. 

"Алар биздин артыбыздан менчик машина менен куушту. Окуя болгондон кийин 30-40 мүнөт өтүп-өтпөй, "Гольф 3" маркасындагы кызыл түстүү күзөт машинасы келип калды. Эгер биздин артыбыздан ошол унаа кууганда, биз токтомокпуз", — деди Акматов. 

Дүйшөмбү күн айдоочуну атып салган Жол кайгуул кызматынын инспектору Бишкек шаардык №1 СИЗОго эки айга камакка алынды. 

Мурдараак Москва районунун прокуратурасы Чүй облустук ИИББдин жол кайгуул кызматынын кызматкери В.С.ге каршы Кылмыш жаза кодексинин 305-беренесинде ("Кызмат абалын ашыкча жогорулаткандык") каралган кылмыш белгилери боюнча иш козгогон.

154
Белгилер:
Чүй облустук ИИББдин жол кайгуул кызматы, Жол кайгуул кызматы, Керим Акматов, Тилек Оторов, Москва району
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

60
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

60
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя
Күйүп жаткан унаа. Архив

Жабыла чуркап сууруп чыгышты. Өрттөнгөн унаадагы кишилерди куткарган видео

109
Алдын ала маалыматтар боюнча, унаанын тормоз системасында көйгөй жаралгандыктан айдоочу рулду башкара албай калган.

БИШКЕК, 22-сен. — Sputnik. Бишкек — Ош трассасында унаа капталына кулап, күйүп кетти. Жабыркагандар бар. Бул тууралуу Чүй облустук жол кыймылы коопсуздугун камсыздоо башкармалыгынан билдиришти.

Ал эми жеринен тартылган видеону Instagram тиркемесиндеги Shtraf.kg баракчасы жарыялады.

Посмотреть эту публикацию в Instagram

Публикация от Штраф KG🇰🇬🚔 (@shtraf__kg)

Кадрдан көрүнүп тургандай, кырсыктын күбөлөрү Honda Fit үлгүсүндөгү унаанын ичинен жүргүнчүлөрдү чыгарууга жардам беришкен. Унаанын ичинде үч чоң адам жана эки бала болгон.

Милициянын маалыматына караганда, кырсык кечээ күнү саат 14:00дөр чамасында, трассанын 117-чакырымында катталган. Алдын ала маалыматтар боюнча, унаанын тормоз системасында көйгөй жаралган. Натыйжада айдоочу рулду башкара албай калып, унаа капталына оодарылып, өрт чыккан.

Кырсыктын кесепетинен айдоочу менен жубайы жабыркап, ооруканага жеткирилгени айтылды.

109
Белгилер:
жол кырсык, трасса, Ош, Бишкек, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Оштогу автокырсыктан 10 киши жабыркады