БИШКЕК, 10-июль — Sputnik. Шаар тургунунун унаасынан төрт килограммдан ашык нашаа табылганын ИИМдин маалымат кызматы билдирет.
Маалыматка ылайык, өткөн суткада баңгизатка каршы күрөшүү бөлүмүнүн кызматкерлери 22 жаштагы айдоочунун машинасын токтотушкан. Анда дагы эки жүргүнчү болгон.
Унааны текшерүү учурунда андан төрт килограмм 250 грамм нашаа табылган.
Учурда Кылмыш жаза кодексинин 264-беренесинин негизинде кылмыш ишин козгоо маселеси каралып жатат.