Президенттин аппаратынын мурдагы жетекчиси Данияр Нарымбаев. Архив

Данияр Нарымбаев коррупцияга шектелип кармалды

571
(жаңыланган 10:01 23.07.2015)
22-июлда түшкү саат 10.30 чамасында Башкы прокуратурага сурак берүү үчүн чакырылган Нарымбаев Коркмазов менен беттештирилип, УКМКнын убактылуу кармоо жайына камакка алынды.

БИШКЕК, 22-июль — Sputnik. Президенттин аппаратынын мурдагы жетекчиси Данияр Нарымбаев коррупцияга шектелип Башкы прокуратура тарабынан кармалганын мекеменин маалымат кызматы билдирди.

Нарымбаев Улуттук коопсуздук кызматынан убактылуу кармоо жайына камакка алынды.

2015-жылдын 15-июлунда Башкы прокуратура Жогорку Кеңештин депутаты Хаджимурат Коркмазовго жана башка кызмат адамдарына карата Кылмыш жаза кодексинин "коррупция", "кызмат абалынан кыянаттык менен пайдалануу" жана "пара талап кылуу" беренелери боюнча кылмыш ишин козгогон.

Тергөө учурунда аныкталгандай, Коркмазов президенттин аппаратынын жетекчиси Нарымбаев менен сүйлөшүп алып, экс-депутат Нариман Түлеевдин жакындарынан кылмыш ишин оң жагына чечип берем деп 200 миң доллар талап кылган.

Ошондой эле, 2015-жылдын 7-майында Нарымбаев Коркмазов аркылуу Түлеевдин кызынан 50 миң АКШ долларын алганы аныкталганы Башкы прокуратура тараткан билдирүүдө айтылат. 

Руководитель аппарата президента Кыргызстана Данияр Нарымбаев.
© Пресс-служба президента КР / Султан Досалиев
Нарымбаев бул каражатты Түлеевдин камакка алынган мүлкү боюнча ишти оң жагына чечип берүүгө жардам берем деп алган.

Сурак учурунда Коркмазов Түлеевдин кызынан 7-майда параны Нарымбаевдин жеке көрсөтмөсү боюнча алганын жана ошол эле күнү каражатты ага бергенин айткан.

Учурда аталган окуяга тийиштиги бар башка кишилерди аныктоо иштери жүрүүдө.

Нарымбаев буга чейин ээлеген кызматынан кетүү боюнча президентке арыз жазып, аны Атамбаев канааттандырган болчу.

571
Белгилер:
Данияр Нарымбаев, Хажимурат Коркмазов, Башкы прокуратура, коррупция
Тема:
КР президентинин аппаратынын жетекчиси Данияр Нарымбаевге козголгон кылмыш иши (30)
Тема боюнча
Данияр Нарымбаев кызматынан кетип, анын ордуна Темир Жумакадыров келди
Данияр Нарымбаев кармалышы боюнча тарап кеткен имиштерге түшүндүрмө берди
Ысык-Көл облусунун Кырчын тилкесинде КамАЗ сайга кулаган

Ысык-Көлдүн Кырчынында КамАЗ сайга кулап, бир киши каза тапты. Сүрөттөр

79
(жаңыланган 17:23 24.10.2021)
Автоунаа ГЭС курулуп жаткан аймакка жүк ташып бара жаткан. Дагы төрт кишинин жабыркаганы белгилүү болду.

БИШКЕК, 24-кт. — Sputnik. Ысык-Көл облусунун Тоң районуна караган Кырчын тилкесинде КамАЗ сайга кулап, бир адам каза болгонун ӨКМ билдирди.

  • Грузовой автомобиль КамАЗ упал в овраг, в Тонском районе Иссык-Кульской области. 24 октября 2021 года
    Ысык-Көл облусунун Тоң районуна караган Кырчын тилкесинде КамАЗ сайга кулап
    © Фото / пресс-служба МЧС КР
  • Грузовой автомобиль КамАЗ упал в овраг, в Тонском районе Иссык-Кульской области. 24 октября 2021 года
    Маалыматта маркумдун аты-жөнү такталып жатканы айтылды. Андан башка дагы төрт киши жабыркаган. Автоунаанын ГЭС курулуп жаткан аймакка жүк ташып бара жатканы маалым болду
    © Фото / пресс-служба МЧС КР
1 / 2
© Фото / пресс-служба МЧС КР
Ысык-Көл облусунун Тоң районуна караган Кырчын тилкесинде КамАЗ сайга кулап

Маалыматта маркумдун аты-жөнү такталып жатканы айтылды. Андан башка дагы төрт киши жабыркаган. Автоунаанын ГЭС курулуп жаткан аймакка жүк ташып бара жатканы маалым болду.

Окуя болгон жерге тартылган беш куткаруучу автоунаадан өлгөн кишинин сөөгүн алып чыгып, ИИМ кызматкерлерине өткөрүп беришкен. Ал эми жабыркагандарды жолдон өтүп бараткандар ооруканага алып кетишкен.

79
Белгилер:
Ысык-Көл, Кырчын, кырсык, камаз, куткаруучу, ӨКМ
Тема:
2021-жылдын башынан бери Кыргызстанда болгон жол кырсыктар
Тема боюнча
Суусамырдагы жол кырсыгынан эки адам мерт болуп, 10 киши жабыркады. Сүрөт
Ооруканада капельница алып жаткан кишилер. Архив

Бишкекте белгилүү кафенин тамагына ууланган 12 адам ооруканага түштү

153
(жаңыланган 14:58 24.10.2021)
Азыркы тапта ооруканада үч аял жатат, абалдары туруктуу деп бааланууда. Калганы алгачкы медициналык жардам алып кеткен.

БИШКЕК, 24-окт. — Sputnik. Бишкекте "Империя пиццы" кафесинен ролл жеп ууланды делген 12 адам ооруканага түштү. Бул туурасында Саламаттык сактоо министрлиги билдирди.

Маалыматка караганда, Темир жол ооруканасынын жугуштуу илдеттер бөлүмүнө 23-24-октябрь күндөрү тамакка ууланып 12 адам түшкөн. Анын үчөө жаш бала.

"Бишкек шаардык Санитардык-эпидемиологиялык көзөмөл борборунун тамактануу гигиенасы бөлүмүнүн башчысы Махамат Мурзашевдин билдирүүсү боюнча, жабыркагандар "Империя пиццы" кафесинен ролл жешкен. Адистер эпидемиологиялык иликтөө жүргүзүүдө, анын жыйынтыгы боюнча кошумча маалымат берилет", — деп айтылат министрликтин билдирүүсүндө.

Азыркы тапта ооруканада үч аял жатат, абалдары туруктуу деп бааланууда. Калганы алгачкы медициналык жардам алгандан кийин үйүнөн дарыланууга жөнөтүлгөн.

Аталган кафе окуя боюнча комментарий берүүдөн баш тартты.

153
Белгилер:
Бишкек, уулануу, кафе, тамак, оорукана
Тема боюнча
Жалал-Абаддагы тойдо 124 киши этке ууланып, 16сы ооруканага түштү
Беларусь аскер кызматкерлери

НАТОнун "баш оорусу": Беларусь моюн сунгусу жок

0
(жаңыланган 22:04 24.10.2021)
Беларусь Россия менен союздаштыкты бекемдөөдө. Буга жаңы пландар, биргелешкен машыгуулар, аскердик жана аскердик-техникалык өз ара аракеттешүү, күчтөрдү жана башкаруу органдарын даярдоо масштабын кеңейтүү чаралары далил.

Узаган жумада Беларусь Республикасы жана Россия Федерациясынын коргоо министрлеринин коллегиясы өтүп, 2022-жылга карата кызматташуунун – биргелешкен 139 иш-чаранын пландары бекитилди. Аларда Беларусь жана Россиянын аскердик багыттагы бириккен тутумдарын, эки өлкөнүн күчтөрүнүн чөлкөмдүк топторун өнүктүрүү, ошондой эле радиациялык, химиялык жана биологиялык коргоо, радиоэлектрондук күрөш, топогеодезиялык жана навигациялык камсыздоо тармактарындагы кызматташуу камтылган. Эки союздаш мамлекеттин ортосундагы алакалар жана ушул багыттагы кызматташууларын аскерий баяндамачы Александр Хроленко талдаган.

Минск жана Москва 2023-жылы "Союз калканы" биргелешкен стратегиялык окууларды өткөрүүгө макулдашып, Беларусь Республикасынын аймагында РФтин аскердик объектилерин (Барановичи шаарында ракеталык кол салуунун алдын алуу тутумдар түйүнү жана Вилейка калаасындагы РФ Аба-деңиз флотунун радиостанциясы) жайгаштыруу жөнүндө келишимди узартышты.

Өлкөлөр союздаш мамлекеттердин коргоо тармагындагы аракеттердин биримдигин, милдеттерди аткарууга умтулууну тастыкташты. Батыш өлкөлөрү тарабынан коопсуздук коркунучу, саясий жана экономикалык кысымы аталган Россия менен Беларусту жакын арада союздаш мамлекеттин жаңы аскердик доктринасын кабыл алууга аргасыз кылууда. Беларусь жана Польша, Беларусь - Литва чек араларында кооптуу чыңалуу бар.

Мурда Варшава беларустук чек арачылар польшалык жоокерлерди аткылаганын кабарлаган. Эске салсак, анда жабыр тарткандар болгон эмес. Беларустун "баш ийбестигине" Минскинин Москва менен аскердик кызматташуусуна жамааттык Батыштын кыжыры кайнап келет. Лексингтон институтунун (АКШнын мамлекеттик саясат аналитикалык борбору) улук талдоочусу Сара Уайт: "Беларустун саясий тутуму, экономикасы жана Куралдуу күчтөрүнүн бардык деңгээлдериндеги Россиянын орду НАТОнун батыш фронтун кескин түрдө артка түртөт. Анан да эгер Россия жана Беларусь бир саясий түзүмгө бириксе, НАТОнун аталган фронттун чегиндеги мамлекеттерине тобокелдигин болжоо да мүмкүн эмес" - дегени бар. Кандай тобокелдик болушу мүмкүн экени түшүнүксүз, бирок НАТОго чыгыш европалык өлкөлөрдүн мүчөлүгү, аталган альянстын 1991-жылдан берки абалы сымал эле рационалдуу негизге ээ эмес.

Кимдин ким экени...

РФ коргоо министри Сергей Шойгу 20-октябрда россиялык-беларустук аскердик коллегияда кабыл алынган чечимдер союздаш мамлекеттин коопсуздугун 2024-жылга дейре бекемдөөнү өбөлгөлөй турганын билдирди.

Беларусь жана Россия эч кимге кооптуулук туудурбайт, жамааттык Батыштын саясий, экономикалык жана аскердик кысымына гана жооп кайтарат. РФтин Брюсселден Вашингтонго чейинки мейкиндиктеги агрессорлорго асимметриялык өч алууга кепилдигин туюндурган Аскердик доктринасын Пентагон жана НАТОдогулар көңүлгө түйүп алганы дурус. Кошмо Штаттардын аскердик-саясий эркинен көз каранды болгон европалык 28 өлкөнүн жетекчилери бул механизмдин бар-жогуна ишенип же ишенбей кое алышар, бирок аскер жетекчилери жооп иретиндеги өзөктүк соккунун натыйжалуулугу жана сапатын иш жүзүндө сынабай эле койгону оң.

Чыгыш Европада андай аскердик авантюраларды пландоонун өзү франциялык президент Эммануэль Макрон эки ирет диагноз койгондой НАТО "акылдан тайганы" болмок.

Негизги көйгөй миграция эмес

Балтика өлкөлөрү жана Польшанын аскердик бөлүктөрү НАТОнун контингентинин курамында Ирак жана Афганистандагы тынчтык жана калыптанып калган жашоо образын бузууга катышканы унутула элек. Бүгүн аталган ушул эки мамлекеттен агылган көч Прибалтикага жетип калды. Аларды азыр зым менен тосулган дубалдар да, куралчан чек арачылар да токтото албайт. Варшава менен Вильнюс азыркы окуялардын маңызын түшүнгүсү да жок. Жоопкерчиликти алар Минск менен Москванын "гибриддик агрессиясына" жүктөөгө тырышууда.

Польшанын бийликтеги "Укук жана адилеттүүлүк" партиясынын лидери Ярослав Качиньский 19-октябрда өлкөсүнө каршы "көп тепкичтүү гибриддик согуш" жүргүзүүдө деп Россияны айыптады. Айтымында, бул ири держава дароо эки фронтто, атап айтканда, Беларусь Республикасы менен чектешкен жерде жана Варшавада мигранттарды колдоп чыккан оппозицияны пайдалануу менен Польшага каршы иш жүргүзүп жаткан имиш.

Былтыркы жылдын аягында Польшада стратегиялык командалык-штабдык окуулар өткөн. НАТОнун стратегдеги америкалык Abrams танкалары, HIMARS залптык ок тутумдары, Patriot зениттик-ракеталык комплекстери жана ал тургай F-35 истребителдеринин коштоосундагы "чыгыштагы душман" менен согуштун сценарийин түзүп чыккан. Баса, аталган истребителдер Польшанын колуна 2026-жылдан эрте тийбей турганы анык.

Альянс аскердик инфраструктураны бекемдеп, ошол эле убакта батыш багытында аскердик-саясий кырдаалды курчутууда. НАТОнун коргоо министрлери 21-октябрда "эки деңиз ортосундагы согуш" (Балтика жана Кара деңиз) Россияга каршы стратегиясын макулдашууга чогулганы маалым.

Россия менен альянстын алакасы Брюсселдин демилгеси менен үзүлдү. Пентагондун башчысы жеке өзү Тбилиси, Киев, Бухарестте сателиттердин аскердик духун көтөрүүдө. Батыш аналитиктери бул окуялардын ырааттуулугунан "согушка даярдыкты" баамдап, "эки дөө урушса, ортосунда чымын өлөт" дегендей, АКШ менен РФтин тирешинде чыгыш европалык өлкөлөрдүн жабыр тартарын, кокус куралдуу чоң жаңжал тутанып кете турган болсо, эң оболу НАТОнун чечим кабыл алуучу борборлору жок кылынарын болжошот. Америкалык эксперттер жогорку технологиялык куралдануу жаатында Россия Кошмо Штаттарды караандатпай турганын, Үчүнчү дүйнөлүк согушта утуларын боолголошот.

Вашингтондогу Heritage Foundation аналитикалык борбору АКШнын Аба-аскердик жана Космостук күчтөрүнүн бардык багыттагы дарамети жана согуштук мүмкүнчүлүктөрүн "маргиналдуу" жана "чабал" деп белгилегенинен кабардарбыз. Москвада өткөн Беларусь жана Россиянын күч органдарынын биргелешкен коллегиясы союздаш мамлекеттин коргоо дараметин жогорулатуу, Пентагон менен НАТО аларга чектеш Балтика, Польша жана Украина аймагынан сокку ура турган болсо мизи катуу кайтарыларын дагы бир ирет эскерткендей болду.

Аскерий баяндамачы Александр Хроленконун Telegram каналына жазылыңыздар.

0
Белгилер:
Беларусь, Россия, НАТО, альянс, Аскер, күч, биригүү, машыгуу, техника
Тема боюнча
НАТОнун Steadfast Noon 2021 машыгуусунун сырлары. Максаты эмне?
Дүйнөнү селт эттирип... Украина НАТОго кирсе эмне болот?