Ооруканадагы оорукчандын колу. Архив

Казакстандык келин Бишкектин төрөт үйүндө каза болду

101
(жаңыланган 15:26 03.08.2015)
Келиндин өмүрү үчүн дарыгерлер 10 күн күрөштү. Бирок оорулуу комадан чыкпай ишемби күнү каза болду.

БИШКЕК, 3-авг — Sputnik. Казакстандын жараны жатындын шишигин алуу боюнча жасалып жаткан операция убагында кан куюдан реакция жүрүп каза болгонун №2 төрөт үйүнүн башкы дарыгери Азамат Алымбаев билдирди.

Анын айтымында, келин Бишкекке Казакстандын Жамбыл облусундагы Жанатас шаарынан шишикти алуу боюнча операция жасатууга келген. 

"Светлана Леонова аттуу дарыгер эс алууда болгондуктан, аны күтүү керек болду. Оорулуу бөлөк дарыгерден баш тартты. Үстүбүздөгү жылдын 20-июлунда оор диагноз менен ооруканага түштү. Консилиум өткөрүп, 21-июлда операция кылуу чечимин кабыл алдык", — дейт Алымбаев.

Дарыгер операция ийгиликтүү өткөнү менен, кан куюудан күчтүү аллергиялык реакция пайда болгонун кошумчалады.

"Реакциядан анафилактикалык шок жаралып, оорулуу комага түшүп калды. Келиндин өмүрү үчүн дарыгерлер 10 күн күрөштү. Бирок оорулуу комадан чыкпай ишемби күнү каза болду", — дейт Алымбаев.

Туугандары сойдуруудан баш тартып, сөөктү моргдон алып кетишти дейт дарыгер. 

"Жакындарынын дарыгерлерге эч кандай дооматы жок. Күнү-түнү көзөмөлдөп карагандыгы үчүн төрөт үйүнүн кызматкерлерине ыраазычылык кат жазып беришти", — дейт Алымбаев.

Жатындын шишиги (миома) зыянсыз шишик болуп эсептелет. 35-50 жаш курактагы аялдардын арасында көп кездешет.

101
Белгилер:
оорулуу, миома, Төрөт үйү, шишик, Казакстан
Тема боюнча
Өлкөдө жыл сайын 20 миңге чукул адам гепатитке чалдыгат
Тирүү сүлүк курт. Архивдик сүрөт

Кытай: дарыгерлер баланын кекиртегинен тирүү сүлүк куртту алып чыкты. Видео

120
Бала дем алуусу кыйындап, башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

БИШКЕК, 24-окт. — Sputnik. Кытайда дарыгерлер беш жаштагы баланын кекиртегинен тирүү сүлүк курт алып чыгышты. Бул тууралуу The Daily Mail жазды.

Медиктер анын организмге бир жыл мурда кирип кеткенин аныктаган.

​Бала дем алуусу кыйындап жана башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

Кишинин тамагына кирип алган сүлүк курттун видеосу. Кытайдагы окуя

Медициналык текшерүүдөн өткөрүп жаткан кезде бөбөктүн башынан узундугу чоң кишинин алаканындай болгон тирүү сүлүк куртту таап чыгышкан. Дарыгерлердин айтымында, курт организмге кир сууну ичкенде кирип кеткен.

Ак халатчандар баланын кекиртегиндеги куртту алып чыгып, башка ата-энелерге да сак болууну эскерткен.

120
Белгилер:
дарыгер, баш, бала, сүлүк курт, Кытай
Тема боюнча
Казакстанда 13 жаштагы кыздын ашказанынан шар сымал чач чыкты. Видео
Сүлүк курт адамдын мурдуна жана кызыл өңгөчүнө кирип кетет
Кыргызстандын тунгуч президенти Аскар Акаевдин улуу баласы Айдар Акаев. Архивдик сүрөт

ЖМК: Айдар Акаевдин өлүмүнүн себеби белгилүү болду

762
(жаңыланган 13:06 24.10.2020)
Кыргызстандын биринчи президентинин улуу баласы жүрөгү токтоп, ушул жылдын февраль айында каза болгон.

БИШКЕК, 24-окт. — Sputnik. Кыргызстандын тунгуч президенти Аскар Акаевдин улуу баласы Айдар Акаев алкоголго жана баңгизатка ууланып көз жумган. Бул тууралуу укук коргоо органдарындагы булактарына таянып Россиянын “Пятый канал” телеканалы билдирди.

Эскерте кетсек, Айдар Акаев 5-февраль күнү каза болгон. Анда маркумдун жүрөгү токтоп калганы айтылган болчу. Акаевдин сөөгү Москвадагы Троекуров көрүстөнүндө жерге берилген

Телеканалдын маалыматы боюнча, жарым жылдан кийин укук коргоо органдарындагы ишенимдүү булактар өлүмгө алкоголь менен кокаиндин аралашмасынан кийинки уулануу себеп болгонун айткан. Текшерүү дал ушул нерсе жүрөктүн токтоп калышына алып келгенин аныктаган.

Нурсултан Назарбаевге күйөө бала болгон. Айдар Акаев тууралуу 7 факты

Белгилей кетсек, Айдар Акаев улуу бир тууганы Бермет Акаева экөө 2005-жылы Жогорку Кеңештин депутаты болуп шайланышкан. Бирок "жоогазын" революциясынан кийин шайлоонун жыйынтыгы жокко чыгарылып, тунгуч президенттин үй-бүлөсү өлкөдөн чыгып кетүүгө аргасыз болгон. Учурда Москва шаарында жашап келишет.

762
Белгилер:
алкоголь, себеп, өлүм, Айдар Акаев
Тема боюнча
Айдар Акаевдин сөөгү Москвада жерге берилди
Айдар Акаевге топурак салууга Кыргызстандан кимдер барат?
Нурсултан Назарбаевге күйөө бала болгон. Айдар Акаев тууралуу 7 факты
Россиянын Коопсуздук кеңешинин төрагасынын орун басары Дмитрий Медведев. Архивдик сүрөт

Медведев пандемия маалындагы мамлекеттердин башкы милдети тууралуу айтты

0
(жаңыланган 17:08 24.10.2020)
Эпидемия саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система керек.

БИШКЕК, 24-окт. — Sputnik. Коронавирус пандемиясынан улам жаралган кырдаал — экономиканын төмөндөшү бардык мамлекеттерди баалуулуктарды кайрадан карап чыгып, алдыңкы орунга адам ден соолугун, жашоосун, укугун коргоону коюу зарылдыгын көрсөттү. Бул тууралуу Россиянын Коопсуздук кеңешинин төрагасынын орун басары Дмитрий Медведев БУУнун 75 жылдыгына арналган макаласында айткан.

"Глобалдуу пандемиядан келип чыккан учурдагы экономикалык төмөндөө адамдардын татыктуу жашоосуна мамлекеттердин кепилдик берип, камсыздоосун кароого мажбур кылууда. Алар биринчи орунга адамдардын ден соолугун, жашоосун, укугун коргоо милдетин коюп, баалуулуктарды кайрадан карап чыгуусу зарыл", — деген Медведев.

Медведев БУУда "өзөктүк бештиктин" жеке саммитин өткөрүүнү сунуштады

Ал планетаны каптаган оору адамзаттын баарынын башына бирдей түшкөндүгүн айткан.

"COVID-19 эпидемиясы саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система менен социалдык коргоо керек. Санитардык коопсуздукту камсыздай алган мамлекеттик жалпы программалар жана бардык деңгээлдеги бийликтин иши так жөндөлүп турушу зарыл", — деп кошумчалаган Медведев.

Анын пикиринде, экономикасын мобилизация жасай алуучу дал ошол күчтүү мамлекеттер менен пандемияга каршы иштеген саясий институттар тумоонун кесепети менен натыйжалуу күрөшүп, миллиондогон өмүрлөрдү сактап калды.

БУУ пандемия учурунда байыган миллиардерлерди элге жардам берүүгө чакырды

"Цивилизациялуу элдин атынан түптөлгөн БУУ 1940-жылдын аягында 1950-жылдары пайда болгон, бул сыяктуу башка эл аралык уюмдарга Дүйнөлүк экинчи согуш сыяктуу алааматтардын кайталанышына жол бербөө чакырыгы ташталган. Алар көптөрдүн жүрөгүн үшүткөн геноцид, аскердик кылмыш, адам баласынын укугу менен эркиндигин тепсөө, кишилерди мазактоо, басынтуу эле. Бул максатка жетүү үчүн ири алдыда мамлекеттин социалдык өнүгүүгө киришүүсүн чектөө, жеке эркиндиктин абсолютташтырылышы, коомдук кызыкчылыгына таасирин тийгизүү менен субъективдүү укуктардын үзгүлтүксүз кеңейип турушу болгон. Бир эле учурда улуттук мамлекеттерге "позитивдүү милдеттер" алкагында бир топ милдеттер конкреттүү бир адамдын укугун бузуудан алыс болуу максатында эле жүктөлбөстөн, аны менен камсыздоону, мамлекеттик "туура" башкарууга кепилдик берүүнү сактап турат", — деген Медведев.

Россиянын Коопсуздук кеңешинин төрагасынын орун басарынын макаласын толугу менен RT телеканалынын таап, таанышууга болот.

0
Белгилер:
милдет, мамлекет, пандемия, Дмитрий Медведев, БУУ, СССР, Россия
Тема боюнча
Путин ДССУнун потенциалын жакшылап бекемдөөгө чакырды