Чек ара посту. Архив

Кыргыз-тажик чек арасындагы чатактан кыргызстандык беш киши жаракат алды

145
(жаңыланган 09:31 08.12.2015)
Кыргыз-тажик тарап абалга мониторинг жүргүзүп, мамлекеттик чек арада абал курчуп кетсе, эки жак биргелешкен иштерди өткөрүүнү сүйлөштү.

БИШКЕК, 4-авг. — Sputnik. Баткен районундагы Кыргызстан менен Тажикстандын мамлекеттик чек ара аймагында 3-августта болгон чатактан кыргызстандык беш жаран жарадар болуп, жети үй жабыр тартып жана бир автоунаанын айнеги талкаланган. Бул туурасында мамлекеттек чек ара кызматынын маалымат кызматы билдирди.

Маалыматка ылайык, чек ара аймагына чогулган эл таңга жуук саат үчтөрдөн өтүп тарап, аймак эртең менен салыштырмалуу тынч болду. 

Чатак Көк-Таш айылынын жашоочулары унаа менен мүрзөгө кетип бара жатканда, Май айылында жашаган тажик бүлөлөрү жолду тосуп алгандан келип чыккан. Ага нааразы болгон кыргызстандыктар, ошол аймакта тажиктер жашаган Чорку айылына кеткен сууну жаап салган. 

Мындан улам, 120га жакын тажик жарандары жана 80ге чукул кыргыз жарандары чатак учурунда бири-бирине таш ыргытып, урушуп кеткен. 

Учурда элге түшүндүрүү иштери жүргүзүлүп жаткандыгын билдирди.

Баткендеги чек ара аймактары боюнча кыргызстандык адис Тажикстандын Исфара багыты боюнча иш алып баруучу өкүлү менен бир нече жолугушууларды өткөрдү. Анда абалга мониторинг жүргүзүп, мамлекеттик чек арада абал курчуп кетсе, эки тарап биргелешкен иштерди өткөрүүнү сүйлөштү.

Мындан бир айга чукул, дал ушул Чорку айылынын тургундары катышкан чек ара чатагы чыккан. 2015-жылы 6-июлда чек ара аймагында кыргыз-тажик чатагы чыккан учурда, Тажикстандын аймагында да бир чыр болуп, жергиликтүү тургундар Чорку айылы аркылуу автоунаа менен өтүп бара жаткан кыргыздарга кол салган.

145
Белгилер:
Тажикстан, Баткен району, Көк-Таш, Чыр-чатак
Тема:
Баткен районунун Көк-Таш айылындагы кыргыз-тажик чек арасындагы чыр-чатак (23)
Тема боюнча
Кыргыз-тажик чек арасында баңгизатка каршы көзөмөл күчөтүлөт
Панкратов ЕАЭБ чек араларын ачууда Казакстан менен болгон тоскоолдуктар тууралуу айтты
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Жаалданган куруучу өнбөгөн карызы үчүн өзү курган тамды талкалап салды. Видео

285
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

285
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео