Полтавкада абал тынч

Полтавкада абал тынч, эки тарап элдешти, зыянды калыбына келтирүү башталды

860
(жаңыланган 10:23 10.08.2015)
Кармалгандар камактан чыгышты, жабыркагандардын аксакалынын айтымында, аларды соттотуп жибергенден пайда чыкпайт, башкысы, бул окуя кайра кайталанбашы керек.

БИШКЕК, 9-авг — Sputnik. Чүй облусунун Полтавка айылында үйлөрдү ташка алып, талкалоо боюнча чатак жөнгө салынып, эки тараптын сүйлөшүүсүнүн негизинде кармалгандар коё берилди. Бул туурасында ИИМдин маалымат кызматынын өкүлү Эрнис Осмонбаев Sputnik маалымат агенттигине билдирип, мааалыматты Полтавка айыл аймагындагы жабырланган тараптын аксакалы Кайыпкул Жунусов тастыктады.

Ички иштер министрлигинин билидрүүсүнө караганда, 7-августтун кечинде жаалданган жаш балдар Полтавка айылындагы сегиз үйдүн айнектерин талкалап кеткен. Бейбаштар бир аз өткөндөн кийин кармалып, жергиликтүү милиция бөлүмүнө жеткирилип, аларга Кылмыш кодексинин  234-беренеси ("Бейбаштык")оюнча кылмыш иши козголгон.

Социалдык тармактарда кол салынган үйлөр аймакка түштүктөн кийинчерээк көчүп келгендерге таандык экендигин жазышты. Жабырлангандардын өкүлү 74 жаштагы Кайыпкул Жунусов ташка алынган үйлөр Ош жана Жалал-Абад облусунан көчүп келгендердики дейт. Окуяда ал кишинин үйүнө биринчилерден болуп кол салынган.

Полтавка айыл өкмөтүнүн башчысы Визит Керимовдун айтымында, аталган айылда түштүктөн көчүп келип, отурукташып жашап калгандардын саны 120-150 түтүндүн тегерегинде.

  • Кол салуудан 12 үй, 12 автоунаа жабыркаган
    Кол салуудан 12 үй, 12 автоунаа жабыркаган
    © РИА Новости / Аврора . Кайыпкул Жунусов
  • Кол салуудан 12 үй, 12 автоунаа жабыркаган
    Кол салуудан 12 үй, 12 автоунаа жабыркаган
    © Фото / Кайыпкул Жунусов
  • Кол салуудан 12 үй, 12 автоунаа жабыркаган
    Кол салуудан 12 үй, 12 автоунаа жабыркаган
    © Фото / Кайыпкул Жунусов
1 / 3
© РИА Новости / Аврора . Кайыпкул Жунусов
Кол салуудан 12 үй, 12 автоунаа жабыркаган

ИИМ өкүлү чыр жөнөкөй тиричиликтен келип чыккандыгын, улуттар аралык чатак эместигин жана “жабырланган үйлөр ар кыл облустардан келгендерге таандык” экенин билдирди.

Кайыпкул Жунусов кол салуудан 12 үй, 12 автоунаа жабыркаганын жана окуя кантип башталганын төмөнкүчө айтып берди.

“Түнкү саат 11лер чамасы болучу, телевизор көрүп отургам, дубалга бир нерсе тийгендей болду. Байбичем да угуп, бул эмне деп калды. Сыртка чыгып, дарбазанын кичине эшигин ачсам, "огонь" деп кыйкырып таш менен ургулап калышты. "Балдар, токтоткула, болду!" деп кыйкырдым, укчудай эмес, кайра качып кирдим. Неберелерим бар эле, алар ыйлай баштады. Бул 15 мүнөттөй созулуп, үйдүн көчө жактагы айнектери, автоунаанын айнектери талкаланып калды. Айыл боюнча баш-аягы болуп 12 үй жана ошончо машине жабыркады”, — деди Кайыпкул Жунусов.

Үйлөрдү тандап туруп, ташка алуунун максаты эмне?

ИИМ өкүлү бул окуянын эмне себептен болгону учурда аныкталып жатканын айтты.

"Кармалгандар 19-20 крактагы жаштар, алардын эмнеге мындай ишке баргандыгы иликтенип жатат. Алар ошол учурда мас же соо экендиги да такталууда”,- деди Осмонбаев.

Кол салуум эмне себептен жасалганын жабырланган тарап да так билбейт, бирок муну жаштар өздөрү эмес, бирөөнүн шыкагы менен жасады деген пикирде.

"Райондук милицияга барганда мен таанып калган, кара машинени айдаган баланы алып келгиле дедим, алып келишти. Себебин сурасам, башын жерге салып унчукпайт. 21 жаштагы, аркы Малтабар айылынан келген бала экен. Балдар өзү билип кылышкан жок, муну уюштурган бирөөлөр бар. Терезеге таш ыргыткан учурлар жылда бир-эки ирет болуп калат, бирок мындай уюшуп алып чыккан болгон эмес. Өзүм көргөн жокмун, бирок байкагандар сексенге жакын бала чыкты деп айтышты", — деди Кайыпкул Жунусов.

Полтавка айыл өкмөтүнүн жетекчиси Визит Керимовдун айтымында, окуя болор замат милиция кызматкерлери келип, түнкү 11:30 башталган чатак, түнкү 12ге чейин жөнгө салынган.

Кайыпкул Жунусов: аларды соттоп жибергенде эмне чыгат, башкысы бул окуя кайталанбашы керек

Окуянын эртеси айылдыктар клубдун алдына чогулуп, ага райондун акими, райондук ички иштер башкармалыгынын жетекчиси баштаган бир топ адамдар келишкен. Андан кийин эки тарап райондук милиция бөлүмүнө барып сүйлөшүп, акырында маселени тынчтык жолу менен чечмей болгон.

"Чоңдордун баары клубга келди. Беркилер элдешели, элдик сот кылалы, аксакалдар соту менен чечели дешти. Жабырланган тараптын аксакалы мен болгондуктан "макул,тынчтык сүйлөшүү жолу менен чечели",- дедим. Аларды соттотуп жибергенде эмне чыгат эле. Башкысы, мындан ары мындай жаман ишке барбай, тынч болушу керектигин айттым. Ошентип, ынтымакка келип тарап кеттик. Келтирилген чыгымдарды төлөп бергенге убада кылышты", — деди Жунусов аксакал.

Айыл өкмөтү Визит Керимов келтирилген чыгымдар акырындап төлөнө баштаганын айтты.

“Азыр абал тынч, бул эми улуттар аралык чыр эмес, жаш балдардын тентектиги. Эки тараптуу сүйлөшүүлөрдөн кийин биринчи тарап келтирилген чыгымдардын жарымын төлөп коюшту, талкаланган автоунаалардын калганын ремонтко токтотуп жатышат”, — деди айыл өкмөтүн жетекчиси Керимов.

ИИМди өкүлү Эрнис Осмонбаев Министрлик менен жергиликтүү бийлик биргелешип, мындай иштердин алдын алуу боюнча массалык  иш-чараларды өткөрө тургандыгын билдирди.

Ал эми социалдык тармакта бул окуя катуу талкууланып, бир катарлары бул жогорку бийликте отурган жетекчилердин биринин жасаган иши деген пикирлерин да айтып жиберишти.

860
Белгилер:
Чүй облусу, Полтавка айылы, Визит Керимов, Кайыпкул Жунусов
Чүй облусунун Аламүдүн районунда курал жана ок-дары катылган жай табылды.

УКМК кылмыштуу топтор каткан автоматты ок-дарысы менен тапты

29
(жаңыланган 17:43 17.09.2021)
УКМКнын алдын ала алынган маалыматы боюнча, курал жана октор өзгөчө оор кылмыштарды жасоо үчүн даярдалган.

БИШКЕК, 17-сен. — Sputnik. Чүй облусунун Аламүдүн районунда курал жана ок-дары катылган жай табылды. Бул туурасында УКМКнын маалымат кызматы кабарлады.

  • Под Бишкеком в Аламудунском районе обнаружили схрон оружия
    Чүй облусунун Аламүдүн районунда курал жана ок-дары катылган жай табылды.
    © Фото / пресс-служба ГКНБ
  • Под Бишкеком в Аламудунском районе обнаружили схрон оружия
    Билдирүүгө ылайык, уюшкан кылмыштуу топтор тарабынан катылган АК-74 куралы жана калибри 5,45×39 миллиметр болгон ок-дары жашырылган.
    © Фото / пресс-служба ГКНБ
  • Под Бишкеком в Аламудунском районе обнаружили схрон оружия
    Алдын ала алынган маалымат боюнча, мунун баары өзгөчө оор кылмыштарды жасоо үчүн даярдалган.
    © Фото / пресс-служба ГКНБ
1 / 3
© Фото / пресс-служба ГКНБ
Чүй облусунун Аламүдүн районунда курал жана ок-дары катылган жай табылды.

Билдирүүгө ылайык, уюшкан кылмыштуу топтор тарабынан катылган АК-74 куралы жана калибри 5,45×39 миллиметр болгон ок-дары жашырылган. Алдын ала алынган маалымат боюнча, мунун баары өзгөчө оор кылмыштарды жасоо үчүн даярдалган.

Учурда алынган куралды жашырган адамдарды аныктоо иштери жүргүзүлүүдө.

УКМК жарылуучу зат жана курал-жарактарды өз ыктыяры менен тапшырган адамдар кылмыш жоопкерчилигинен бошотуларын эскертти.

29
Белгилер:
УКМК, курал, автомат, ок-дары
Тема боюнча
Тапанча, ок-дары, жарылуучу зат... УКМК курал-жарак катылган жерди тапты. Сүрөт
Майнинг-ферма. Архивдик сүрөт

500дөй майнинг-ферма иштеткен кыргызстандык жаран кармалды

109
Учурда аныкталган фирмалардын мамлекетке келтирген зыянын аныктоо боюнча тиешелүү аракеттер жүргүзүлүп жатканы кошумчаланды.

БИШКЕК, 17-сен. — Sputnik. УКМК энергетика тармагындагы коррупциялык схемаларга бөгөт коюу ишинин жүрүшүндө мыйзамсыз иштеп жүргөн бир нече майнинг-ферманы аныктады. Бул тууралуу атайын кызматтан кабарлады.

Билдирмеге караганда, сотко чейинки өндүрүштүн алкагында Кыргызстандын М.Д.Ю. аттуу жараны электр энергиясын бөлүштүрүүчү "ЭТ" компаниясына мыйзамсыз кошулуп, электр энергиясын ири өлчөмдө уурдап турганы аныкталган. Ошондой эле ал майнинг-фермалар аркылуу криптовалюта алуу үчүн мыйзамсыз иштерди уюштуруп келген.

"15-сентябрда электр энергиясын бөлүштүрүүчү "ЭТ" компаниясынын электр тармактарына мыйзамсыз туташтырылган 500дөн ашык майнинг-ферма табылган", — деп айтылат маалыматта.

Учурда аныкталган фирмалардын мамлекетке келтирген зыянын аныктоо боюнча тиешелүү процессуалдык аракеттер жүргүзүлүп жатканы кошумчаланды.

109
Белгилер:
майнинг, электр энергиясы, УКМК, мыйзам
Тема боюнча
20 млн. сом зыян келтирген. Бишкек менен Чүйдө майнинг-фермалар аныкталды. Видео
Шайлоого келген аял. Архивдик сүрөт

Парламенттик шайлоону өткөрүүгө канча каражат кетери белгилүү болду

0
(жаңыланган 18:10 17.09.2021)
Кыргызстанда парламенттик шайлоо үстүбүздөгү жылдын 28-ноябрына белгиленген. Бул ирет аралаш система менен өтөт.

БИШКЕК, 17-сен. — Sputnik. Жогорку Кеңешинин депутаттарын шайлоону даярдоого жана өткөрүүгө кете турган чыгымдардын жалпы суммасы 592 миллион 531 миң сомду түздү. Бул тууралуу Борбордук шайлоо комиссиясы билдирди.

Анын ичинен БШКнын жеке өзүнүн чыгымдары 235 миллион 035,0 миң сом. Мында шайлоо комиссиялары үчүн зарыл болгон борборлоштурулган сатып алууларды ишке ашыруу үчүн каражат камтылган.

Округдук шайлоо комиссияларына 339 миллион 496 миң сом бөлүнөт. Ал эми чет өлкөдөгү шайлоо комиссияларына 18 миллион сом каралган.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

0
Белгилер:
парламенттик шайлоо, акча, чыгым
Тема:
Жогорку Кеңешке жаңы тартип менен болчу шайлоо
Тема боюнча
БШК бул шайлоодо талапкерлерди кандай тобокелчилик күтөрүн айтты
Шайлдабекова: былтыр бийлик менен акчанын тиреши шайлоону талкалаган