Ош шаарынын Алмалык айылында тоо көчүп, 25 үйгө коркунуч туулду

© Sputnik / Расул УсеналиевТоо көчкөн аймак. Архив
Тоо көчкөн аймак. Архив - Sputnik Кыргызстан
Жазылуу
Мамлекет башчысы айыл тургундары менен жолугуп, алардын көйгөйлөрүн укту.

НООКАТ, 17-сен. – Sputnik. Ош шаарына караштуу Алмалык айылында 13-сентябрда кечки саат 8:30да тоо көчүп, 25 үйгө кооптуулук жаралган. Бул тууралуу аталган айылдын башчысы Кудайберди Маматов билдирди.

© Sputnik / Расул УсеналиевОш шаарына караштуу Алмалык айылында 13-сентябрда кечки саат 8:30да тоо көчүп, 25 үйгө кооптуулук жаралган.
Ош шаарына караштуу Алмалык айылында 13-сентябрда кечки саат 8:30да тоо көчүп, 25 үйгө кооптуулук жаралган. - Sputnik Кыргызстан
1/3
Ош шаарына караштуу Алмалык айылында 13-сентябрда кечки саат 8:30да тоо көчүп, 25 үйгө кооптуулук жаралган.
© REUTERS / Расул УсеналиевТабигый эмес тоонун көчүшү 25 үйгө кооптуулук жараткан. Анын ичинен коркунуч жогору болгон он үйдүн ээлери...
2/3
Табигый эмес тоонун көчүшү 25 үйгө кооптуулук жараткан. Анын ичинен коркунуч жогору болгон он үйдүн ээлери...
© Sputnik / Расул Усеналиев...ӨКМдин чатырларына көчүрүлүп, учурда 57 кишиден турган он кожолук чатырда күн кечирип жатат.
3/3
...ӨКМдин чатырларына көчүрүлүп, учурда 57 кишиден турган он кожолук чатырда күн кечирип жатат.
1/3
Ош шаарына караштуу Алмалык айылында 13-сентябрда кечки саат 8:30да тоо көчүп, 25 үйгө кооптуулук жаралган.
2/3
Табигый эмес тоонун көчүшү 25 үйгө кооптуулук жараткан. Анын ичинен коркунуч жогору болгон он үйдүн ээлери...
3/3
...ӨКМдин чатырларына көчүрүлүп, учурда 57 кишиден турган он кожолук чатырда күн кечирип жатат.

Өлкө башчысы Алмазбек Атамбаевдин Баткен облусуна болгон иш сапарынын жүрүшүндө айыл тургундары менен жолугуп, алардын көйгөйлөрүн укту.

Президент Кызыл-Кыядагы төрөт бөлүмүнө медициналык жабдуу сатып бермей болду
Тургундарынын айтымында, буга чейин тоо көчүү коркунучу бар деген маалымат болгон эмес. Алмалык айылындагы бул тоо жасалма жол менен пайда болгон. Бул жерде совет доорунда көмүр карьери иштеген. Көмүргө жетүү үчүн жер кыртышы алынып, ал атайын тоо болуп үйүлүп, топтолгон.

Табигый эмес тоонун көчүшү 25 үйгө кооптуулук жараткан. Анын ичинен эң кооптуу делген үйдүн тургундары ӨКМдин чатырларына көчүрүлүп, учурда 57 кишиден турган он кожолук чатырда күн кечирип жатат. 

Алмалыктыктардын дагы бир көйгөйү жер маселеси экенин Маматов баса белгиледи.

"Айылдын жери Ноокат районуна караса, эл Ош шаарына карайт. Ошентип, социалдык маселелер чечилбей келген. Учурда бул маселе да каралып, чечилди. Жер Ош шаарынын балансына которула турган болду",  — деди ал.

Ош шаарынын мэри Айтмамат Кадырбаев кооптуу делген 25 үй коңшу Кара-Таш айылына көчүрүлө турганын белгиледи.

Өзгөчө кырдаалдар министри Кубатбек Боронов жалпысынан 5 миллион кубометр жер көчкөнүн белгилеп, алмалыктардын жер маселеси да каралып жатканын кошумчалады.

"Азыр жерди Ош шаарынын же Ноокат районунун карамагына берүү маселелеси каралып жатат. Бул жердеги үйлөрдүн кызыл китепчелери жок", — деди министр.

Боронов учурда өлкө боюнча 1,5 миңден ашык киши жердин көчүп кетүү кооптуулугу жаралган аймактарда жашап жатканын айтты.

Алмалык айылы 1960-жылдары түптөлүп, учурда 162 кожолук бар. Калкынын саны 887 киши.

Жаңылыктар түрмөгү
0