БИШКЕК, 23-сен. — Sputnik. Талас шаарында тийиштүү документтери жок 56 тоннадан ашуун көк май ташып бара жаткан эки жүк ташуучу унаа кармалганын ИИМ билдирди.
Маалыматка ылайык, таңкы саат төрттө Талас шаарынан чыга бериш жерде түштүктү карай багыт алган "Рено-Премиум" жана "Хово" унааларын текшерүү учурунда жүктөлгөн көк майдын документтери жок экени аныкталган.
Айдоочулар жүктүн ээси Медет аттуу адам экенин, күйүүчү май Манас районунун айылдарынын бириндеги базадан куюлганын айтышкан.
Мекеме бардык материалдар Талас ОИИБде каттоого алынып, тийиштүү экспертизалар дайындалганын белгилейт.
