Шумкар. Архив

Кыргызстанга мыйзамсыз алып келе жаткан шумкарларларды Алтайдан кармашты

94
(жаңыланган 11:46 02.10.2015)
Куштарды жол баштыгына салып, жоошутуш үчүн чүпүрөккө ороп, башына томого кийгизип, буттарын байлап коюшкан.

БИШКЕК, 2 окт — Sputnik. Он төрт жырткыч куштарды Россиядан мыйзамсыз түрдө Кыргызстанга аткезчилик жолу менен жөнөтүүгө аракет кылышкан. Бул туурасында Россиянын Сибирь боюнча бажы башкармалыгынын маалымат кызматы кабарлады.

Куштар Казакстан аркылуу Кыргызстанга жол тарткан жүктөн Алтай крайындагы "Локоть" деп аталган темир жол пунктунан текшерүү учурунда табылган. Жүк Кемеров облусуна караштуу Новокузнецк шаарынан жөнөтүлгөн. 

"Вагондон 14 шумкар табылган, алардын 11и ителги, ал эми үчөө сапсан түрүнө кирген куштар болгон. Аларды сыртка жөнөтүүгө уруксат берген кагаздар жок болуп чыкты", — деп билдиришти маалымат кызматынан. 

Куштарды жолго алып жүрүүчү баштыкка салып коюшкан. Аларды жоошутуш үчүн чүпүрөккө ороп, башына томого кийгизип, буттарын байлап коюшкан. Бажы кызматкерлери баштыктардан куш менен кошо салынган желим бөтөлкөдөгү сууларды табышкан. Муну алар муздак чөйрөдө өлбөй, бирок, уйкуга кирген абалга келип, кыймылдоого алы жок калат деп түшүндүрүшкөн. 

Алтайдын бажы кызматы "өзгөчө баалуу жапайы жаныбарларга кол салгандык" факты боюнча кылмыш ишин козгогон. Бул үчүн бир миллион рублге чейин айыппул салып, үч жылдан жети жылга чейин эркинен ажыратуу жазасы каралган. 

Кармалган шумкарлар азыр Алтайдагы жырткыч куштардын питомнигинде багылып турат. 

Маалымат кызматы учурда андан аркы иликтөө иштери улантылып, куштарды андан ары кайсы багыттар менен жөнөтүү аныкталып жаткандыгын кабарлады. 

94
Белгилер:
ителги, шумкар, РФ Бажы кызматы, Алтай крайы
Тема боюнча
Аткезчилик менен өлкө аймагына алынып келе жаткан 2,6 тонна жүзүм кармалды
Окумуштуулар илбирстин саны азайып бара жатышына тынчсызданууда
Оштун Ноокат районунда эки жеңил автоунаа кагылышып, үч киши көз жумду

Ноокаттагы жол кырсык эки киши менен бир жаш баланын өмүрүн алды. Сүрөт, видео

499
(жаңыланган 16:53 13.06.2021)
Каза болгондордон тышкары эки киши катуу жабыркап, тез жардам унаасы менен Ош шаардык ооруканасына жеткирилген. Каргаша бүгүн болду.

БИШКЕК, 13-июн. — Sputnik. Оштун Ноокат районунда эки жеңил автоунаа кагылышып, үч киши көз жумду. Бул тууралуу ӨКМ билдирди.

Посмотреть эту публикацию в Instagram

Публикация от Короче KG (@koroche_kg)

Окуя бүгүн Ош — Баткен — Исфана унаа жолунун 22-чакырымында болуп, Honda Fit жана Daewoo Matiz үлгүсүндөгү унаалар сүзүшкөн.

"Кырсыктын кесепетинен бир аял, бир эркек жана бир жаш бала көз жумду. Андан сырткары, эки эркек киши оор жаракат алып, Тез жардам кызматынын унаасы менен Ош шаардык ооруканасына жеткирилди", — деп айтылат билдирүүдө.

Каргаша болгон жерге тартылган куткаруучулар каза болгондорду унаадан чыгарып ИИМ кызматкерлерине өткөрүп беришкен.

На месте ДТП с двумя легковыми авто на автодороге Ноокат — Ош
© Фото / пресс-служба МЧС
Окуя бүгүн Ош — Баткен — Исфана унаа жолунун 22-чакырымында болуп, Honda Fit жана Daewoo Matiz үлгүсүндөгү унаалар сүзүшкөн
499
Белгилер:
өлүм, кагышуу, унаа, жол кырсык, ӨКМ, Ноокат, Ош
Тема:
2021-жылдын башынан бери Кыргызстанда болгон жол кырсыктар
Тема боюнча
Жүрөктү түшүрөт! Бишкек — Ош жолунда фура жеңил унааны коюп кете жаздаган видео
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

180
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

180
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди
Акча санап жаткан кассир. Архив

Төрт айда Кыргызстандан сыртка которулган каражат рекорддук чекке жетти

0
Өткөн жылдын төрт айына салыштырмалуу 2021-жылдын январь-апрель айларында 37 миллион доллардай көп каражат чыккан.

БИШКЕК, 14-июн. — Sputnik. 2021-жылдын январь-апрель айларында Кыргызстандан чет жактарга 169,1 миллион доллар акча которулган. Бул тууралуу Улуттук банктын сайтындагы маалыматта көрсөтүлгөн.

Мында сөз жеке адамдардын акча которуу тутуму аркылуу жүргүзгөн операциялары жөнүндө болуп жатат. Эгерде башка жылдардагы алгачкы төрт айдын көрсөткүчтөрүн алгөсак, быйылкы сумма рекорддук чекке жеткен.

Төмөндө ар башка жылдардын төрт айындагы маалыматтар келтирилди (суммасы 120 миллион доллардан ашкан жылдардагы маалыматтар гана көрсөтүлдү):

2020 — 132,3 миллион;

2019 — 163,3 миллион;

2018 — 151,4 миллион;

2014 — 134,2 миллион.

0
Белгилер:
чет өлкө, Акча которуулар, Кыргызстан
Тема боюнча
Мигранттар которгон акчанын көлөмү быйыл 15 жылдык рекорддон ашып түштү