БИШКЕК, 21-окт. — Sputnik. Чек арачылар Жайыл районунун кыргыз-казак чек арасына жакын жайгашкан Степное аймагында издөө иштерин жүргүзүп жатканын Мамлекеттик чек ара кызматы билдирди.
Үстүбүздөгү жылдын 20-октябрында Казакстандын чек арачылары аталган өлкө аймагында Степное заставасына жакын жерде эки адам жүргөндүгү тууралуу маалымат беришкен. Аралыктын алыстыгынан улам алардын жаш курагын жана башка белгилерин аныктоо мүмкүн болгон эмес.
Өткөн аптанын башында 50-түрмөдөн качып чыккан кылмышкерди издөө иштерине чек арачылар да тартылган. Мындан улам өткөрүү пункттарында көзөмөл күчөтүлгөн.
ЖАМКтын үч кызматкерин өлтүрүп, дагы бирин оор жарадар кылып качкан тогуз кылмышкердин бешөө ошол эле күнү кармалып, төртөө жашырынып кетүүгө үлгүргөн. Алардын экөө атайын операция учурунда жок кылынса, дагы кармалган беш кылмышкердин экөө ооруканада каза болушту.
Учурда качкан кылмышкерлердин үчөө камакта отурса, экөө кармала элек.
