Тез жардам автоунаасы. Архив

Түркиянын Анталия шаарында автобус ала салып, кыргызстандык беш жаран жаракат алды

(жаңыланган 13:48 26.10.2015)
Жергиликтүү маалымат каражаттарынын билдиришинче, кыргызстандык эки жарандын абалы оор.

БИШКЕК, 26-окт. — Sputnik. Анталиянын Кемер өрөөнүндө ишемби күнү, 24-октябрда кичи автобус ала салып кетип, 12 киши жаракат алды. Алардын бешөө Кыргызстандын жараны экенин Түркиянын Haberler сайты маалымдады. 

Маалыматка ылайык, кичи автобустун ичинде мейманкада иштегендер болгон. Жол кырсыгынан жабыркагандар Кемердин ооруканасына жеткирилди. Түрк басылмасвнын маалыматына караганда, жабыркаган кыргызстандыктар төмөнкүлөр:

Destan Bekdenof (Дастан Бектенов), Bekzat Dilek Dilektoğlu, (Тилек уулу Бекзат), Nirbekt Sunaaliyev (Нурбек Сүйүналиев), Arslan Kulov (Арслан Кулов) жана Bekbol Bakytbek Uulu (Бакытбек уулу Бекбол). 

Учурда Арслан Кулов менен  Бакытбек уулу Бекболдун абалы оор экени айтылууда.

Кыргызстандын Тышкы иштер министрлиги учурда кырсыктан жабыркагандар боюнча маалыматтарды тактап жатканын билдирди.

Белгилер:
Анталья, Түркия
Тема боюнча
Кыргызстандык жаран Россиядагы үйүнө 47 мигрантты каттаган

Ошто айдоочуларды экзаменден "ийгиликтүү" өткөрүп тургандар кармалды. Видео

Унаа" мамлекеттик ишканасынын Ош шаарындагы жана Ош облусу боюнча жетекчилери айдоочулук күбөлүк үчүн экзамен алууда жемкорлукка барышкан деп кармалды. Бул тууралуу УКМК кабарлады.

Атайын кызмат коррупциялык схеманын бетин ачкан видеону жарыялаган.

Ага ылайык, "Унаа" мамлекеттик мекемесинин жооптуу кызматкерлери автомектептердин мугалимдери менен жең ичинен сүйлөшүп алып, тестирлөөнүн жыйынтыктарын бурмалашкан.

"Натыйжада айдоочулук мектептерде окуудан өтпөгөндөргө күбөлүк берилип жүргөн. Ошондой эле практикалык башкаруудан "ийгиликтүү" өткөрүп, биринчи экзаменде эле айдоочулук күбөлүк тапшырып турушкан. Бул үчүн кызматкерлер 5000 сом алып турган", — деп айтылат маалыматта.

Учурда "Унаа" ишканасынын башка бөлүмдөрүндө коррупциялык схемаларды аныктоо иштери жүрүп жатканы кошумчаланды.

Белгилер:
кармоо, коррупция, айдоочу күбөлүгү, УКМК, Ош
Тема боюнча
УКМК алты айда мамлекетке канча акча кайтарганын жарыялады
Тоодогу өрт. Архив

"Ата-Бейит" комплекси жактагы тоодон өрт чыкты. Видео

(жаңыланган 09:46 16.04.2021)
Тоодогу куураган чөптөн өрт саат сегиздерде чыгып, ондордо чектөөгө алынды. Учурда аны толук өчүрүү иштери жүрүп жатат.

БИШКЕК, 15-апр. — Sputnik. Чүйдүн Таш-Дөбө айылындагы "Ата-Бейит" улуттук тарыхый-мемориалдык комплексинин жанындагы ачык аянтта өрт чыкты. Бул тууралуу ӨКМ кабарлады.

Тоо жактагы өрт куураган чөптөн чыккан. Аны өчүрүүгө саат 19:58де Ленин районунан бир бөлүм тартылган.

Тилсиз жоо саат 22:09да чектөөгө алынганы маалымдалды. Учурда аны толук өчүрүү иштери жүрүп жатат. Кошумча маалымат берилери айтылды. 

Белгилер:
тоо, өрт, ӨКМ, "Ата-Бейит" мемориалдык комплекси, Чүй облусу
Тема боюнча
Сокулукта 7 унаасы менен өрттөнгөн трал. Айдоочу кырсыктын чоо-жайын айтты
Уу коргошун

Министр: уу коргошунду туура эмес ичкен адам беш мүнөткө жетпей өлөт

(жаңыланган 14:44 16.04.2021)
Бейшеналиев коронавирусту дарылоого уу коргошундун колдонулуп жатканын Дүйнөлүк саламаттык сактоо уюму билбей турганын белгиледи.

БИШКЕК, 16-апр. — Sputnik. Уу коргошунду дарыгердин жанында, кайнак бойдон гана ичиш керек. Аны муздак кылып ичсе, адам беш мүнөткө жетпей өлөт. Бул тууралуу саламаттык сактоо министри Алымкадыр Бейшеналиев брифинг учурунда айтты.

Белгилей кетсек, аталган чөптүн кайнатмасы клиникалык сыноодон жана каттоодон өтө элек.

"Бул уу коргошунду ичерде дозасын жакшылап санаш керек. Анын дозасын мен да жакшы билбей эки күндүн биринде Садыр Жапаровго чалып сурап жатам. Уу коргошунду кайнак түрүндө гана ичүү шарт. Эгер аны муздак бойдон ичсе же артынан муздак суу колдонсо, адам беш мүнөткө жетпей өлөт. Уу коргошундун артынан балмуздак жеп, муздак сууга түшпөш керек. Аны ичкенден кийин жылуу жатуу зарыл", — деди министр.

Бейшеналиев журналисттердин суроолоруна жооп берип жатып коронавирусту дарылоого уу коргошундун колдонулуп жатканын Дүйнөлүк саламаттык сактоо уюму билбей турганын белгиледи.

"Силер жаңы эле угуп жатсаңар, алар (ДССУ) кайдан билмек эле?" — деди Бейшеналиев.

Министр аталган чөптүн кайнатмасы өлкөнүн бардык аймактарына берилип жатканын айтып, аны үй шартында колдонбоону сунуштады.

"Айрымдар "кызыма да берейин" деп сурап жатышат. Бирок муну дарыгердин көз алдында гана ичүү шарт. Бейтаптар кайнатманы сураганда аларга дарыгерди кошо жиберип жатабыз. Медиктер кандай кылып ичүү керектигин көрсөтүп беришет", — деди министр.

Бейшеналиев уу коргошун менен азыр коронавирус менен ооругандарды гана дарылап жатканын айтып, ал вирусту алдын алар-албасын билбей турганын белгиледи.

Белгилер:
Ысык-Көл тамыры, министр, коргошун, уу, коронавирус, Алымкадыр Бейшеналиев
Тема:
Коронавируска байланыштуу Кыргызстандагы кырдаал
Тема боюнча
Барыктабасова: "Ысык-Көл тамыры" элдин саламаттыгын коркунучка кептейт
Министр: былтыр ооругандар кайра вирус жуктуруп алууда, вакцина алгыла
Уу коргошун менен дарыланган адам өлүп калса ким жооп берет? Министрдин жообу