Акча. Архив

Социалдык фонддун Өзгөн райондук башкармалыгынын бухгалтерине кылмыш иши козголду

26
(жаңыланган 10:10 11.11.2015)
Башкы бухгалтер башкармалыктын кызматкерлерине кошумча айлык акы төлөп, мыйзамсыз кызматтык унаа сатып алууга жол берген.

БИШКЕК, 11-ноя. — Sputnik. Өзгөн райондук социалдык фонд башкармалыгынын башкы бухгалтери менен жооптуу кызматкерлерине эки берене боюнча кылмыш иши козголгонун Башкы прокуратура билдирди.

Маалыматка ылайык, аталган жарандар бир жыл бою кызматкерлерге мыйзамда каралбаган айлык акыга кошумча төлөмдөрдү чегерип келишкен. Андан тышкары, 2002-жылы чыккан "Ниссан Икс трейл" кызматтык унаасын мыйзамсыз сатып алышкан. 

Мындан улам мамлекетке бир миллион сомдон ашуун материалдык зыян келтирилип, аталган башкармалык кызматкерлерине "Кызмат абалынан кыянаттык менен пайдалануу" жана "Бюджеттик каражатты максатсыз колдонуу" беренелери боюнча кылмыш иши козголду.

Учурда тергөө иштери жүрүп жатат.

26
Белгилер:
бухгалтер, унаа, төлөм, айлык-акы, акча
Тема боюнча
Алты миллион сомду кымырып алган аткаминер кармалды
Элдин акчасын кымырып алган айыл өкмөтүнүн кызматкерлери кармалды
Кол кишен кармаган ИИМ кызматкерлери. Архив

"Ботош" каймана аты бар уюшкан кылмыштуу топтун мүчөсү кармалды

119
(жаңыланган 17:26 22.01.2021)
Ысык-Көлдө бир катар кылмыштарды жасаган деген шек менен кармалган "Ботоштун" кримтөбөл Камчы Көлбаевдин кылмыштуу тобунда мүчө экени аныкталган.

БИШКЕК, 22-янв. — Sputnik. Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды. Бул тууралуу УКМКнын басма сөз кызматы кабарлады.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды

Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

2020-жылдын сентябрь айында Ысык-Көл облустук сотунун чечими менен "Ботошту" камакка алуу түрүндөгү бөгөт чарасы үй камагына өзгөртүлгөн.

УКМК тарабынан уюшкан кылмыштуу топторго каршы тиешелүү иш-чаралар жүрүп жатканы кошумчаланды.

119
Белгилер:
УКМК, уюшкан кылмыштуу топ
Тема боюнча
Автомат такап, баса калып... Спецназ кримтөбөл "Алтуханы" кармаган видео
Кайгуул милициясынын унаасы. Архив

Бишкекте Кайгуул милициянын унаасы өкмөттүк трассада аялды сүзүп кетти

153
(жаңыланган 13:15 22.01.2021)
Кырсыкта жабыркаган аял атайын унаа менен ооруканага жеткирилген. Ал эми автоунаа айып жайга киргизилген.

БИШКЕК, 22-янв. — Sputnik. Бишкекте Кайгуул милициянын унаасы Чыңгыз Айтматов проспектисинде улгайган аялды сүзүп кетти. Бул маалыматты шаардын Кайгуул милициясы башкармалыгынын маалымат катчысы Байказы Айтикулов Sputnik Кыргызстан агенттигине тастыктады.

Анын айтымында, окуя кечээ, 21-январда, саат 10:00дө катталган. Патрулдук милициянын версиясы боюнча Айтматов проспектиси менен Славянский көчөсүнүн кесилишинде жолго чуркап чыга калган 62 жаштагы аялды айдоочу коюп кеткен. Жабырлануучу атайын унаа менен ооруканага жеткирилген.

Окуядан кийин милициянын кызматтык унаасы айып короого киргизилген. Маалымат катчы кырсык боюнча материалдар тергөө бөлүмүнө берилгенин кошумчалады.

Чыңгыз Айтматов проспектиси өкмөттүк трасса болуп саналат. Ал жол менен президент мамлекеттик резиденциядан Ак үйгө каттайт.

153
Белгилер:
автоунаа, Кайгуул милициясы, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Карап туруп эле сүзүп алды. Токмокто адамды автоунаа койдуруп кеткен видео
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди