Көк-Таш айылы. Архив

Чек ара аймагындагы Көк-Таш айылында чыккан чыр токтоп, азыр абал тынч

86
(жаңыланган 09:29 08.12.2015)
Жергиликтүү бийлик өкүлдөрү чатак күнүмдүк турмуштук жагдайлардан келип чыккандыгын билдирди.

БИШКЕК, 8-дек. — Sputnik. Баткен районунун Тажикстан менен чектешкен Көк-Таш айылында азыр абал тынч, чатакташкандар кечинде таратылды. Жабыр тарткан эч ким болгон жок. Бул маалыматтарды Sputnik маалымат агенттигине Баткен районунун акиминин орун басары Таалайбек Ибраимов билдирди.

Кечээ, 7-декабрда КРдин Тажикстан менен чектешкен Баткен районундагы Көк-Таш аймагында эки тарап жөнөкөй жай маселелерден улам чатакташып, анын кесепетинен айылдык мектептин терезеси жана бир автоунаа талкаланган.

"Азыр абал тынч, эл кечинде тарап кеткен. Чатак жашоочулардын көчөдөн өткөн автоунаага таш ыргытуусунан келип чыккан. Тажик жаранынын машинасынын айнеги сынып, кыргыз мектептин эки терезеси талкаланган. Чатак эки мамлекеттин күч органдарынын өкүлдөрү жана чек ара кызматынын жардамы менен басылды", — деди акимдин орун басары Ибраимов.

Ал мектепте бүгүн сабак адатттагыдай эле улантылып жаткандыгын кошумчалады.

Тажикстан менен Баткен районунун Көк-Таш аймагында чек ара чатактары көп кайталанып турат. Акыркы ирет Баткен районундагы мамлекеттик чек ара аймагында августта болгон чатактан кыргызстандык беш жаран жарадар болуп, жети үй жабыр тартып жана бир автоунаанын айнеги талкаланган.

86
Белгилер:
Баткен району, Көк-Таш
Тема боюнча
Премьер-министр кыргыз-тажик чек арасындагы чатактан улам эмгек өргүүсүн токтотту
Кыргыз-тажик чек арасында атышуу болуп, бир нече адам жарадар болду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Жаалданган куруучу өнбөгөн карызы үчүн өзү курган тамды талкалап салды. Видео

286
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

286
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео