Кол кишен жана акча. Архив

Унаа ээлерин 200 миң долларга алдап кеткен шылуун кармалды

117
(жаңыланган 18:01 08.12.2015)
Заитов жалаң гана кымбат баалуу унааларга "көз артып" келген. Учурда анын төрт курмандыгы белгилүү болду. Милиция Заитовдон кордук көргөндөр болсо кабарлап коюуну өтүнөт.

БИШКЕК, 8-дек. — Sputnik. Унаа ээлерин алдап, кымбат машиналарын өзүнө ыйгарып алган 35 жаштагы Раим Заитов аттуу жаран кармалганын Бишкек ШИИБ билдирди.

Маалыматка ылайык, Заитов жергиликтүү тургундун ишеничине кирип 2014-жылдын сентябрь айынан тарта кийинки жылдын январь айына чейин "Лексус GS-430", "Хонда СRV" жана эки "Лексус ЕS-350" үлгүсүндөгү унааларын сатып, акчасын алып кеткен боюнча жок болгон. Мындан унаа ээси 54 миң 500 долларга чыгым болгон.

Мындан тышкары, кармалган жаран 37 миң доллар турган "Тойота Хайлэндер" жана 26 миң долларлык "Тойта Лэнд-Крузерге" кошуп 30 миң доллар акчасын кошо алып кеткен. Мындан алданган жаранга 93 миң доллар зыян келтирилген.

Укук коргоо органдарына алданган эки адамдан башка Заитовдон жабыр тарткан дагы эки жаран кайрылган. Шылуундун аракеттеринен улам алар 52,5 миң доллар чыгым тартышкан. 

Учурда Заитовго карата "Шылуундук" беренесинин негизинде кылмыш иши козголуп, №1 тергөө абагына камакка алынды.

Милиция кызматкерлери Раим Заитовдон жабыр тарткан жарандарды 0 772 88 78 28, 0 778 77 37 37 телефондору аркылуу кабардар кылып коюусун өтүнөт.

117
Белгилер:
милиция, шылуун, алдоочулук, унаа
Тема боюнча
Жер алып берем деген шылуун аялга алдаткандар эки жылдан кийин гана арыз жазды
Айды алып беребиз дегендерге алданган тикмечилер кулчулуктан кантип кутулду
Ош шаарында төрт кишини топурак басып калды

Ош: чуңкур казып жаткан төрт адамды топурак басып калып, бирөө көз жумду. Сүрөт

349
(жаңыланган 20:38 10.07.2020)
Жумушчулар шаардагы Биринчи  май көчөсүндө таза суу түтүгүн өткөрүү үчүн чуңкурда иштеп жатышкан. Каза болгон кишинин сөөгү ИИМдин кызматкерлерине өткөрүлүп берилгени кошумчаланды.

БИШКЕК, 10-июл. — Sputnik. Ош шаарында төрт кишини топурак басып калып, бирөө каза болду. Бул тууралуу ӨКМдин маалымат кызматы кабарлады.

  • В Оше на улице Первого мая при прокладке труб для питьевой воды в траншее обвалился грунт
    Ош шаарында төрт кишини топурак басып калып, бирөө каза болду
    © Фото / пресс-служба МЧС КР
  • В Оше на улице Первого мая при прокладке труб для питьевой воды в траншее обвалился грунт
    Ага ылайык, жумушчулар шаардагы Биринчи май көчөсүндө таза суу түтүгүн өткөрүү үчүн чуңкурда иштеп жатышкан
    © Фото / пресс-служба МЧС КР
1 / 2
© Фото / пресс-служба МЧС КР
Ош шаарында төрт кишини топурак басып калып, бирөө каза болду

Ага ылайык, жумушчулар шаардагы Биринчи май көчөсүндө таза суу түтүгүн өткөрүү үчүн чуңкурда иштеп жатышкан.

"Топурак басып калган төрт адамдын бири кырсык болгон жерден көз жумган. Учурда анын аты-жөнү такталууда. Үчөө Тез жардам кызматына өткөрүлүп берилген, алардын абалы туруктуу", — деп айтылат маалыматта.

Аларды ӨКМдин куткаруучулары сактап калып, каза болгон кишинин сөөгүн ИИМдин кызматкерлерине өткөрүп беришкен.

349
Белгилер:
чуңкур, таза суу, кырсык, топурак, ӨКМ, Ош
Тема боюнча
Ысык-Көл: жол кырсыктан каза болгон үчөө күйөөсү, аялы, баласы болуп чыкты
Бишкектин чок ортосунда Тез жардам автоунаасы кырсыкка кабылды

Тез жардам унаасы Бишкектин чок ортосунда кырсыктан ала салды. Видео

234
(жаңыланган 16:56 10.07.2020)
Тез жардам тобу күндүзгү стационардагы сыркоону Фтизиатрия улуттук борборуна жаткырып, кийинки оорукчанга келе жатканда кырсыкка кабылган.

БИШКЕК, 10-июл. — Sputnik. Бишкектин чок ортосунда тез жардам автоунаасы кырсыкка кабылып, ала салып кетти. Окуянын жеринен тартылган видеосун "Короче" Telegram-каналы жарыялады.

Кырсык Чүй проспектиси менен Тыныстанов көчөсүнүн кесилишинде катталган. Тез жардам унаасы Toyota менен кагышкан.

Патрулдук милиция кызматына 14:20да билдирүү келген. Тартип коргоочулардын билдиришинче, Тез жардамдын ичиндеги бир жүргүнчү ооруканага жеткирилген.

  • В центре Бишкека вследствие ДТП опрокинулась машина скорой медицинской помощи
    Кырсык Чүй проспектиси менен Тыныстанов көчөсүнүн кесилишинде катталган
    © Фото / Бактыбеков Элхан
  • В центре Бишкека вследствие ДТП опрокинулась машина скорой медицинской помощи
    Тез жардам унаасы Toyota менен кагышкан
    © Фото / Бактыбеков Элхан
1 / 2
© Фото / Бактыбеков Элхан
Кырсык Чүй проспектиси менен Тыныстанов көчөсүнүн кесилишинде катталган

Мэриянын Sputnik агенттигине билдиргендей, ал Бишкектеги медициналык Тез жардам борборунун автоунаасы. Алдын ала маалыматтарга караганда, айдоочусу жеңил жаракат алган, ал эми андагы медайымдын буту сынган деп айтылууда.

Көлдө жүк ташыган унаа менен кагышкан машинанын үч жүргүнчүсү мерт болду. Сүрөт

Дарыгерлер күндүзгү стационардагы сыркоону Фтизиатрия улуттук борборуна жаткырып, кийинки оорукчанга келе жатканда кырсыкка кабылышкан.

234
Белгилер:
Бишкек, патрулдук милиция, жол кырсык, унаа, тез жардам
Тема:
2020-жылдын башынан бери Кыргызстанда болгон жол кырсыктар
Тема боюнча
Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео
Ички иштер министринин мурдагы орун басары Курсан Асанов. Архив

Курсан Асанов пневмония болуп ооруканага түшүп, соту жылдырылды

98
(жаңыланган 00:52 11.07.2020)
Эске салсак, шаардын Биринчи май райондук сотунда Асановго козголгон кылмыш иши боюнча жараян болмок. Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган.

БИШКЕК, 11-июл. — Sputnik. Ички иштер министринин мурдагы орун басары Курсан Асанов өпкөнүн эки тараптуу пневмониясына чалдыкты. Бул тууралуу Sputnik Кыргызстан агенттигине өзү билдирди.

Ал шаардагы ооруканалардын биринде дарылана баштаганын айтып, буга байланыштуу сот жараяны жылдырылганын кошумчалады.

Эске салсак, шаардагы Биринчи май райондук сотунда Курсан Асановго карата козголгон кылмыш иши боюнча жыйын болмок.

Суракка чакырылган экс-министр Космосбек Чолпонбаев оор абалда ооруканага түштү

Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган. Ага карата кылмыш иши козголуп, үй камагына алынган.

Анын артынан жан сакчысы Дамирбек Пайзылда уулу кармалып, кийин үй камагына чыгарылган. Ал эми өкүл баласы Турсунбек Бейшенбековду ушул жылдын 20-январында Аскер прокуратурасы сурактан кийин кармаган. Бирок баш коргоо чарасын тандаган сот аны үй камагына чыгарган. Мындан сырткары, Асановдун жубайы жана туугандары да суракка чакырылганы айтылган.

Ал эми уулу Мухаммед-Али Асановго издөө жарыяланган.

98
Белгилер:
кылмыш иши, сот, оору, оорукана, пневмония, Курсан Асанов
Тема:
Курсан Асановдун министрдин орун басарлыгынан алынышы
Тема боюнча
Саламаттык сактоо министринен пневмония, орун басарынан COVID аныкталды