Нарында карышкыр мектепке от жагуу үчүн таң эрте кетип бараткан жаранды тиштеген

© Sputnik / Егор Еремов / Медиабанкка өтүүКарышкырлар. Архив
Карышкырлар. Архив - Sputnik Кыргызстан
Жазылуу
Карышкыр 55 жаштагы жаранга эртең менен саат 06:30дар чамасында мектепке от жагуу үчүн бара жатканда кол салган. Ал эми 29 жаштагы жаранды үйүнүн жанынан тиштеген.

БИШКЕК, 23-дек. — Sputnik. Нарын районундагы Өрүктү-Там айылында карышкыр тиштеп алган эки кишинин бирөө мектепке от жагуу үчүн кетип бараткан. Экинчисин үйүнүн жанынан тиштеп алган. Букл тууралуу ӨКМ билдирди.

Маалыматка ылайык, 22-декабрда эртең менен Нарын районуна караштуу Өрүк-Там айылына карышкыр кирип, 55 жана 29 жаштагы эки жаранды тиштеген

Капастагы ит. Архив - Sputnik Кыргызстан
Кутурган жаныбарлар тогуз айда 105 кишини тиштеген
Жырткыч 55 жаштагы жаранга эртең менен саат 06:30дар чамасында мектепке от жагуу үчүн бара жатканда кол салган. Ал эми 29 жаштагы жаранды үйүнүн жанынан тиштеген. 

Жабыркагандарды жакындары өздөрүнүн автоунаасы менен алып келе жатканда, Нарын райондук үй-бүлөлүк медициналык дарыгерлер бөлүмүнүн тез жардам бригадасы алдынан тосуп, жеринде жардам беришкен. Эки тургун тең Нарын шаардык ооруканасына жаткырылган. 

Атып өлтүрүлгөн карышкырдын башы кесилип, Бишкек шаарына текшерүүгө жиберилген. Нарын райондук ветеринардык башкармалыгы баштаган тийиштүү органдар жабыркаган адамдар менен байланышкандарды жана малды эмдөө иштерин жүргүзөт.

Жаңылыктар түрмөгү
0