Мындан 105 жыл мурда Чоң-Кеминде 11 баллдык жер титиреп, 452 киши каза болгон

© Sputnik / Табылды КадырбековЖер титирөөдөн жабыркаган үй. Архив
Жер титирөөдөн жабыркаган үй. Архив - Sputnik Кыргызстан
Жазылуу
Зилзалада 4-январда болуп, 452 киши каза болуп, 13 миңден ашык бодо мал жана майда жандыктар өлгөн.

БИШКЕК, 5-янв. — Sputnik. 1911-жылы 4-январда Чоң-Кемин, Чилик жана Чоң-Аксу аймагында күчү 10-11 баллдык жер титиреп, андан 452 киши каза болгонун Өзгөчө кырдаалдар министрлиги билдирди.

Ошол убактагы геолог Карл Богдановичтин маалыматына ылайык, зилзаладан 740тан ашык киши жабыркап, 1094 үй жана 4545 боз үй талкаланган. Андан сырткары 13 миңден ашык бодо мал жана майда жандыктар өлгөн.

Акыркы он жылда Кыргызстанда эң чоң жоготууга жана кыйроого алып келген жер титирөө 2008-жылдын октябрында Ош облусунун Алай районуна караштуу Нура айылында болуп, 75 адамдын өмүрүн алып кеткен эле.

Талкаланган үй. Архив - Sputnik Кыргызстан
Акыркы он жылда Кыргызстанда болгон эң катуу жер титирөөлөр
КР Улуттук илимдер академиясынын сейсмология институтунун сейсмологиялык коопсуздук лабораториясынын башчысы Медербек Өмүралиев өлкө аймагында жыл сайын орто эсеп менен 3,5 майда жана ири жер титирөө болуп турарын билдирди. Мунун себеби, Кыргызстан Жер шарынын сейсмологиялык жактан кооптуу аймактарынын биринде жайгашкандыгынан улам келип чыгат. 

Ал эми Сейсмология институтунун директору Канатбек Абрахматов 2016-жыл тынч болорун айтып, 2017-жылдан баштап сейсмикалык активдүүлүк кайтадан башталарын белгилеген. Ал 2020-жылдан 2026-жылга чейин 8-9 баллдык жер титирөөлөр болушу мүмкүндүгүн божомолдойт.

2015-жылы болгон ири жер титирөө деп 17-ноябрдын түнүндө болгон зилзала саналат. Эки күн ичинде 4 баллдан 7 баллга жеткен үч жер титиреген. Жердин силкинүүсүнөн 400гө жакын үй жараксыз абалга келген.

Жаңылыктар түрмөгү
0