Тракторлордун жанындагы айыл тургундары. Архив

Чүйлүк фермердин техникасын 1 млн. сомго сатып, акчаны кымырып кеткен шылуун кармалды

76
(жаңыланган 19:16 15.01.2016)
Алгач фермердин үй-бүлөсү ага аябай ишенгенин айтат. Улам бир техниканы сатууда шылуун жүйөөлүү себептерди айтып, ишкердин башын айлантып келген.

БИШКЕК, 15-янв. — Sputnik. Бишкекте фермерди бир миллион сомдук банкротко учураткан уюшкан кылмыштуу тобунун мүчөсү кармалганын ШИИБ билдирди.

Маалыматка ылайык, 2014-жылы Максат аттуу жаран алдоо жолу менен Чүйдө жашаган фермердин ишенимине кирип, ага тийиштүү айыл чарба техникасын, унаасын сатып жиберип, из жашырып кеткен.

Бул боюнча фермердин арызынын негизинде Аламүдүн районунун ИИБи "Шылуунчулук" беренесинин негизинде кылмыш иши козгогон. 

Ыкчам-иликтөө иштерин жүргүзгөндөн кийин милиция буга чейин бир нече ирет соттолгон Ысык-Көлдүн 41 жаштагы тургунун колго түшүрдү. Иликтөөнүн натыйжасында анын уюшкан кылмыштуу топтун мүчөсү экени аныкталды.

Учурда тергөө иштери жүрүп жатат.

76
Белгилер:
унаа, техника, алдоочулук, фермер, Чүй облусу
Тема боюнча
Айыл чарба жерлерин жеке адамдарга сатып жиберген аял кармалды
Нижне-Серафимовкагы соцмекемеде жашаган карылардын шыбагасына кол салгандар аныкталды
Колуна кишен тагылган киши. Архивдик сүрөт

Интерпол аркылуу изделген Түркиянын эки жараны Кыргызстанда кармалды

95
(жаңыланган 16:40 13.08.2020)
Кыргызстанда оор кылмыштар үчүн эл аралык издөөдө жүргөн эки чет элдик кармалды. Алардын бири өлкөдө 15 жылдан бери жашап жүргөнү белгилүү болду.

БИШКЕК, 13-авг. — Sputnik. Интерпол аркылуу издөөдө жүргөн Түркиянын эки жараны Кыргызстанда колго түшүрүлдү. Бул тууралуу Ички иштер министрлигинен билдиришти.

Биринчиси 32 жаштагы Ч.О. аттуу жаран. Ал 2011-жылы өспүрүмгө карата сексуалдык зомбулук жана кишини барымтада кармоо беренелери менен айыпталган. Интерпол аркылуу ушул жылдан баштап изделип жаткан.

Насыя үчүн аялын өлтүрө сабаган зөөкүр. Июлдагы соттук чечимдер

Экинчиси 62 жашта, Түркияда дайынсыз жоголуп кеткен адам катары 2010-жылдан бери изделип келген.

"Алдын ала маалыматтарга караганда, бул киши Кыргызстанга 2005-жылы келип, ар кайсы жерлерде жашап жүргөн", — деп айтылат билдирүүдө.

Эки учур боюнча тең издеп жаткан тарапка маалымат берилип, мындан аркы кадамдар күтүлүүдө.

95
Белгилер:
издөө, ИИМ, Түркия, Кыргызстан
Тема боюнча
Бишкек: үйдөн сейфти 2,5 млн сому менен көтөрүп кетти деген шектүүлөр кармалды
Минск шаарындагы милиция кызматкерлери

Минскиде эл менен кагылышуудан 100дөн ашуун милиция жабыркады

102
(жаңыланган 16:22 13.08.2020)
9-13-август күндөрү жалпысынан 103 кызматкер жабыркап, 28и ооруканага түштү. Тартип сакчыларына карата агрессия дагы деле сакталууда.

БИШКЕК, 13-авг. — Sputnik. Беларустагы нааразычылык акциялары учурунда күч органдарынын 100дөн ашуун кызматкери жабыркады. Бул тууралуу өлкөнүн Ички иштер министрлигине таянып РИА Новости жазды.

"Митингге чыккандардын катары акырындык менен суюлуп бара жатат. Бирок тартип сакчыларына карата агрессия сакталууда. 9-13-август күндөрү жалпысынан 103 кызматкер жабыркап, 28и ооруканага түштү", — деп жазылат кабарда.

Мындан тышкары, өткөн суткаларда мыйзамсыз аракеттерге барды деген айып менен 700дөй жаран кармалган.

Минскиде милиция демонстранттарды борбордон сүрүп чыга баштады

Эске салсак, Беларусь республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, бир адам көз жумган. Мындан тышкары, жүздөгөн адам кармалып, көп киши медицина кызматкерлеринин жардамына муктаж болгону айтылган.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.

102
Белгилер:
жабырлануучу, милиция, митинг, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенконун атаандашы Тихановскаяны коопсуз жайга алып чыгып кетишкен
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

0
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

0
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү