Соттун өкүмүнө макул болбогон айыпкер түрмөдөн оозун тигип салды

© Sputnik / Владимир Федоренко / Медиабанкка өтүүТүрмөгө алынган жаран. Архив
Түрмөгө алынган жаран. Архив - Sputnik Кыргызстан
Жазылуу
Акыйкатчы институтуна соттолгон жарандын жактоочусу кайрылып, кылмыш ишин биринчи инстанцияга кайра кароого жөнөтүүгө жардам берүүнү өтүнгөн.

БИШКЕК, 20-янв. — Sputnik. Соттун чечимине нааразы болгон №1 тергөө абагында камакка алынган жаран каршылык иретинде ачкачылык жарыялап, оозун тигип салды. Бул тууралуу Акыйкатчы институтунан билдиришти.

Маалыматка ылайык, институтка зордуктоо боюнча шектелип айыпталган жарандын жактоочусу Майрамбек Жумабеков кайрылган. Арызда Ленин районунун соту 2014-жылдын 2-ноябрында өткөн сот жыйынында жабырлануучуну катыштырбай туруп, Кылмыш-процессуалдык кодексти бузуу менен соттолуучуга өкүм чыгарганы айтылат. 

Кызды кармаган аял. Архив - Sputnik Кыргызстан
Акыйкатчы психикалык ооруканада жарым жылдан бери жаткан аялдын кызын таап берди
Адвокат жабырлануучу бир да жолу процесске катышпаганын, соттолгон адамга "эч кандай дооматым жок" деген эки ирет арыз жазып бергенин айтат. Буга карабастан, сот 39 жаштагы айыпкерди 14 жылга катуу режимдеги абакта жаза өтөө чечимин кабыл алган. 

Мындай чечимге макул болбогон айыпталуучу 8-январь күнү ачкачылык жарыялап, оозун тигип салган.

Доо арыздан улам, сот бул ишти 26-январда карай тургандыгын Жаза аткаруу кызматынын маалымат кызматынан билдиришти. 

Институттун кызматкерлери аталган түрмөгө эки ирет барып, айыпталуучу менен жолугушууга жетишкен. Акыйкатчы Оторбаев бул ишти жеке көзөмөлүнө алганы айтылууда.

Жаңылыктар түрмөгү
0