Акча жана паспорт. Архив

Бирөөгө таандык унаанын документин жасап, башкаларга сатып жиберген аял кармалды

60
(жаңыланган 11:09 27.01.2016)
Кармалган жарандын Кой-Таш айылынын 57 жаштагы тургуну экени аныкталды. Ал эми мындан унаанын ээси 1,4 миллион сомдук зыян тарткан.

БИШКЕК, 27-янв. — Sputnik. Бишкекте бирөөнүн кымбат унаасын ээлеп, жасалма документ менен аны үчүнчү жактарга сатып жиберген 57 жаштагы Шааркүл Осмоналиева аттуу жаран кармалганын Бишкек ШИИБ билдирди.

Маалыматка ылайык, милицияга шаардын тургуну кайрылып, Чолпон жана Шааркүл атуу чала тааныш аялдарга чара көрүүнү өтүнгөн. Анын айтымында, аталган жарандар былтыркы жылдын сентябрь айында алдоо жолу менен Toyota Land Cruiser Prado унаасын ээлеп алышкан. Андан соң ишеним катты жасалмалап, унааны башка адамдарга сатып жиберишкен. Бул аракеттерден жабырлануучуга келтирилген зыяндын өлчөмү 1 миллион 400 миң сомду түзгөнү аныкталды.

Бул боюнча Октябрь РИИБ тарабынан кылмыш иши козголуп, ыкчам-иликтөө иш-аракеттеринин натыйжасында Кой-Таш айылынын тургуну 57 жаштагы Шааркүл Осмоналиева кармалган. 

Учурда иликтөө иштери улантылууда.

Милиция аталган жарандан жабыр тарткандарды укук коргоо органдарына кайрылууга чакырат.

60
Белгилер:
шылуун, алдоочулук, унаа, ШИИБ, Кой-Таш
Тема боюнча
Данияга окууга жиберем деп алдап жарандардын акчасын алып жүргөн аял кармалды