Олень-марал Женечка

Кыргызстанда интернет аркылуу 1,5 миң долларга марал саткан жаран изделип жатат

495
(жаңыланган 16:08 06.02.2016)
Өлкөдө маралдарды атууга тыюу салынып, айып пул өлчөмү 400 миң сомду түзсө, интернет-сайттарда ошол эле марал 1,5 миң долларга сатылары тууралуу жарнактар илинген.

БИШКЕК, 6-фев. — Sputnik. Интернет булактарынан Кызыл китепке кирген маралдын сатылышы тууралуу жарнамага Sputnik Кыргызстан маалымат агенттигинин журналисттери кокусунан кабылган.

Эске салсак, Кыргызстанда Кызыл китепке кирген жаныбарларга аңчылык кылып, атып алуу фактылары акыркы мезгилдери көп кездеше баштады. 

Акыркы ирет болгон окуя — ак илбирстин атылышы коомчулукта көп талкуунун башын жаратты. Ал эми депутат Эмил Токтошев аңчылар аркарларды атууга бир лицензия алып, бир нечесин атып салып жатканын айткан.

Айлана-чөйрөнү коргоо жана токой чарба агенттиги интернет аркылуу маралдарды сатууга республика боюнча бир да жарандын уруксат кагазы жок экенин Sputnik Кыргызстан агенттигине айтып берди.

"Интернет аркылуу сатылып жаткан марал боюнча маалымат үчүн сиздердин агенттикке ыраазычылык билдиребиз. Иликтөө иштери жүргүзүлүп, мыйзамсыз сатык жүргүзгөн жарандын болжолдуу жашаган жери аныкталды", — деп билдирди мекеменин маалымат катчысы Салайдин Камалдинов. 

Анын айтымында, марал кармоону каалаган жарандар алгач жандыкты багууга бардык шарттарды түзүүсү керек. Андан кийин Жаратылыш ресурстарын сарамжалдуу пайдалануу департаментинин кызматкерлери барып текшерүүгө алат. Бардыгы жайында болгон күндө гана уруксат берилет. Бирок, бүгүнкү күндө Кыргызстан боюнча бир дагы жаран буга уруксат кагаз алган эмес. 

Белгилей кетчү нерсе, маралдарды мыйзамсыз саткан жарандын жашаган жери иликтөө иштеринин кызыкчылыгына байланыштуу азырынча айтылбайт. 

Өлкөдө маралдарды атууга тыюу салынып, айып пул өлчөмү 400 миң сомду түзөт (азыркы курс менен 5,5 миң доллар).

495
Белгилер:
жаныбарлар, баа, мыйзам бузуулар, марал, кызыл китеп
Тема боюнча
Леонардо Ди Каприонун маралдарга берген акчасы кандай бөлүштүрүлөт
Кыргызстанда кырышкыр, түлкү жана чөөгө гана аңчылык кылуу сунушталууда
Поезд. Архив

Бишкекте жүк ташыган поездге урунуп 21 жаштагы жигит каза тапты

76
(жаңыланган 18:55 18.09.2021)
Жигит поезддин берген сигналына маани бербегени айтылды. Машинист поездди токтоткону менен жаран ага урунуп көз жумган.

БИШКЕК, 18-сен. — Sputnik. Бүгүн Бишкекте жүк ташуучу поездге урунуп жаш жигит каза болгонун "Кыргыз темир жолу" ишканасы билдирди.

Маалыматта кырсык саат 10.12лер чамасында Жаш гвардия бульвары менен Лев Толстой көчөлөрүнүн кесилишинде болгону айтылды.

"Алдын ала маалымат боюнча, темир жол менен бараткан Р. уулу Э. сигналга маани бербей койгон. Машинист поездди ыкчам токтоткон, бирок жаран поездге урунуп каза болгон", — деп жазылат билдирүүдө.

Маркумдун 21 жашта экени белгилүү болду.

76
Белгилер:
поезд, темир жол, машинист, Бишкек
Тема боюнча
Бишкек: жарыш учурунда Nissan GT-R унаасы тосмого кадалып, талкаланды. Видео
Кишенделген жаран. Архив

УКМК: чек ара кызматкери досунун өлүмүнө шектелип кармалды

100
(жаңыланган 17:30 18.09.2021)
Аскер кызматкери укук коргоо органдарынын кызматкерлери тарабынан бүгүн колго түшүрүлдү. Учурда окуя боюнча тергөө иштери жүрүп жатат.

БИШКЕК, 18-сен. — Sputnik. Чек ара кызматынын аскери адам өлтүрүүгө шектелип калмалды. Бул тууралуу УКМКнын маалымат кызматынан кабарлады.

Билдирүүгө караганда, 18-сентябрда Баткен облусунун Лейлек районуна караштуу Эски-Оочу айылынын четинен эркек кишинин сөөгү табылган. Анын өлүмүнө шектүү катары УКМКнын Чек ара кызматынын эмгек өргүүсүндө жүргөн С.П. аттуу аскер кызматкери кармалды.

"Алдын ала маалыматтарга караганда, 17-сентябрь күнү аталган аскер кызматкери эки досу менен үлпөт тойдон кайтып келе жатып уруша кетишкен. Алгач достор кайым айтышып, кийин мушташканга чейин жеткен. Жыйынтыгында достордун бири көз жумган", — деп айтылат билдирүүдө.

Бүгүн, 18-сентябрда, аскер кызматкери укук коргоо органдарынын кызматкерлери тарабынан кармалган. Учурда окуя боюнча тергөө иштери жүрүп жатат.

100
Белгилер:
УКМК, Мамлекеттик чек ара кызматы, Аскер, өлүм, шектүү
Тема боюнча
Өзбекстанда Кыргызстандан ири көлөмдө баңгизат ташыган адамдар кармалды
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот