Ошто муниципалдык ишкананын директору 400 миң сом пара алып жатып кармалды

Жазылуу
Ишкананын жетекчиси тендерди утуп алган компанияга жардам бердим деген жүйө менен андан бир лоттун баасына тете 675 миң сом пара доолаган.

БИШКЕК,16-апр. — Sputnik. Ош шаарындагы "Жылуулук менен камсыздоо" муниципалдык ишканасынын директору 400 миң сом пара алып жаткан жеринен колго түшүрүлгөнүн ИИМ билдирди.

ЖАМК кызматкери. Архив - Sputnik Кыргызстан
Өз кесиптешинен 500 доллар пара алган ЖАМК кызматкерлерине кылмыш иши козголду
Маалыматка ылайык, март айында аталган ишкана ремонт иштери үчүн жабдуу сатып алууга тендер жарыялап, ага үч лот коюлган. Жалпы жонунан ремонтко 2 миллион сом жумшалары аныкталып, жеңүүчү белгиүү болгон.

Андан соң ишкананын жетекчиси тендерди утуп алган компанияга жардам бердим деген жүйө менен андан бир лоттун баасына тете 675 миң сом пара доолай баштаган. 

Бул боюнча чогултулган материалдар Ош шаарынын жаша Башкы прокуратуранын аймактагы башкармалыгынын тергөө бөлүмүнө жөнөтүлүп, ал жерден Кылмыш жаза кодексинин 313-беренесинин (Пара талап кылуу) негизинде кылмыш иш козголгон. 

Кечээ, 15-апрель күнү аталган жетекчи жалпы сумманын 400 миң сомун алып жаткан жеринен колго түшүрүлдү. Учурда ал убактылуу кармоочу жайга камакка алынды. Тергөө улантылып жатат.

Жаңылыктар түрмөгү
0