Тоңдо революция шарапаты менен алынган жерлердин ээлери митингге чыкты

© flickr.com / Kelly SikkemaКүрөк. Архив
Күрөк. Архив - Sputnik Кыргызстан
Жазылуу
Жергиликтүү тургундун айтымында, 2010-жылдагы революциянын шарапаты менен элге 102 гектар жер таратылып берилген. Учурда бул жерде 39 үй-бүлө там-таш туругузуп, чырак менен жашап жатат.

БИШКЕК, 18-апр. — Sputnik. Тоң районундагы Күн-Чыгыш айыл өкмөтүнө караштуу Кара-Ой аймагында элге таратылып берилген жерлерди мыйзамдаштыруу маселесин чечип берүүнү талап кылган тынчтык митинги өтүп жатат. 

Электр лампочка. Архив - Sputnik Кыргызстан
Токтогулдагы митингге чыккан эл тынч тарап кетти
Ага өкмөттүн Ысык-Көл облусу боюнча өкүлү Аскат Акибаев, Тоң районунун акими Эсенгул уулу Улан келип, элге бул боюнча документ Жогорку Кеңештин кароосуна жөнөтүлгөнүн, жоопту күтө туруу зарылдыгын айтууда.

Атын атагысы келген жергиликтүү тургундун айтымында, 2010-жылдагы революциянын шарапаты менен элге 102 гектар жер таратылып берилген. Учурда бул жерде 39 үй-бүлө там тургузуп алып жашап турса, 20 үйдүн жерпайы түптөлгөн. 

"Эл жердин тагдырын чечип берүү талабы менен чогулду. Жолугууга келген жетекчилер 26-мартта бул боюнча жерди трансформациялоо жана мараторий боюнча документ Жогорку Кеңештин кароосуна жөнөтүлгөнүн айтып, күтүп туралы, мыйзам чегинде чечип беребиз деп жатышат",— деди укук коргоочу Айбек Жаңыбаев.

Ал аталган аймактагы эл чырак менен күн өткөрүп жаткандыгын айтып, электр энергиясы жана ичүүчү суу келе электигин кошумчалады. 

Жаңылыктар түрмөгү
0