Нашаа. Архив

"Ак-Бата" конушунда жашаган аялдын үйүнөн 1,2 кг. нашаа табылды

78
(жаңыланган 13:15 21.04.2016)
Баңгизат окуучунун сумкасындагы пакетте сакталып келген. Учурда аял убактылуу кармоочу жайга киргизилди.

БИШКЕК, 21-апр. — Sputnik. Бишкектин "Ак-Бата" жаңы конушунда жашаган 29 жаштагы аялдын үйүнөн 1,2 килограмм нашаа табылганын ИИМ билдирди.

Маалыматка ылайык, тинтүү учурунда окуучунун сумкасынан баштык табылып, андан ширеңкенин 74 кутусуна салынган баңгизат алынган. 

Бул боюнча Кылмыш жаза кодексинин 264-беренесинин (Баңгизатты даярдоо, сактоо, сатып алуу, ташуу) негизинде кылмыш иши козголуп, кармалган аял Бишкек ШИИБдин убактылуу кармоочу жайына киргизилди.

Учурда ишке тиешелүү адамдарды аныктоо боюнча иш-чаралар жүргүзүлүүдө.

78
Белгилер:
баштык, нашаа, баңгизат
Тема боюнча
Шейшембиде баңгизат менен күрөшүүдөгү эл аралык операциялар талкууланат
Казакстанда баңгизат ташыган кылмыштуу топтун курамындагы КР жарандары кармалды
Баткенде дамба жырылышы

Баткенде дамба жырылып 1500 адам эвакуацияланды. Сүрөт

17
(жаңыланган 13:52 07.05.2021)
6-майдан 7-майга караган түнү нөшөрлөп жааган жамгырдан улам Кадамжайдагы дамба 4-5 жеринен жырылып кеткен.

БИШКЕК, 7-май — Sputnik. Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты. Бул тууралуу ӨКМден билдиришти.

  • Прорыв дамбы № 12 из-за проливных дождей в селе Орукзар Кадамджайского района
    Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты
    © Фото / пресс-служба МЧС КР
  • Прорыв дамбы № 12 из-за проливных дождей в селе Орукзар Кадамджайского района
    Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан
    © Фото / пресс-служба МЧС КР
1 / 2
© Фото / пресс-служба МЧС КР
Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты

Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан. Мындан улам жергиликтүү тургундар эвакуацияланган.

Болжол менен саат 04:00дө суунун деңгээли төмөндөп, айыл жашоочулары үйлөрүнө кайтышкан. Жеринде 30 куткаруучу иштеп жатат.

17
Белгилер:
ӨКМ, дамба, Кадамжай, Баткен
Тема боюнча
Баткенден эвакуациялангандардын так саны белгилүү болду
Киши Дело папкасын алып жатат. Архив

Бишкекте шаар куруудагы чаржайыт пландан казына 20 млн. сом зыян тарткан

26
(жаңыланган 11:55 07.05.2021)
Бишкек шаарынын борбордук бөлүгүн курууда мекеме жетекчилери кызмат абалынан кыянаттык менен пайдаланып, казынага зыян алып келген. Учурда бул иш боюнча сотко чейинки өндүрүш башталды.

БИШКЕК, 7-май — Sputnik. Бишкек шаардык прокуратурасы Мамлекеттик шаар куруу жана архитектура институтунун, шаардык мэриянын Капиталдык курулуш башкармалыгынын, ошондой эле "Бишкек башкы архитектура" муниципалдык ишканасынын жооптуу кызматкерлери тарабынан одоно мыйзам бузулгандыгын аныктады. Бул тууралуу Башкы прокуратуранын маалымат кызматы билдирди.

Аталган мекемелердин кызмат адамдары мамлекеттин кызыкчылыгына каршы ченемдик-укуктук актылардын талаптарын бузуп, баш калаанын борбордук бөлүгүн пландаштыруу долбоорун иштеп чыгууда тиешелүү шарттарды аткарбастан, аны бекитүү үчүн Бишкек шаардык кеңешине сунушташкан. Анын кесепетинен функционалдык курулуш зоналары боюнча туура эмес долбоордук чечимдер кабыл алынып, бак-дарактар үчүн бөлүнгөн жашыл тилкелерди пайдалануучулардын жана айрым объектилердин ээлеринин укуктары бузулган.

Мындан сырткары, Шаар куруу жана жер титирөөгө туруктуу курулуш мамлекеттик илим-изилдөө долбоорлоо институту, Мамлекеттик картографиялык-геодезиялык кызматы жана "Бишкек башкы архитектура" муниципалдык ишканасы тарабынан топографиялык иш кагаздардын туура эмес даярдалганы анык болгон. Мунун натыйжасында курулган имараттардын координатташтырылган бурчтарынан айырмачылыктар табылган.

Жогорудагы мыйзам бузууларга карабастан, мэриянын Капиталдык курулуш башкармалыгынын жетекчилери 22 111 563 сомго талапка жооп бербеген иштерди кабыл алып, натыйжада мамлекетке өзгөчө ири өлчөмдө материалдык зыян келтирилген.

Материалдар Кылмыш жана жоруктардын бирдиктүү реестрине Жазык кодексинин 320-беренеси ("Кызмат абалынан кыянаттык менен пайдалануу") менен катталып, сотко чейинки өндүрүш иши башталды.

26
Белгилер:
мыйзам бузуулар, курулуш, прокуратура, Бишкек
Тема боюнча
Бишкектин жаңы башкы планы тез арада иштелип чыкмай болду