Сузакта жер көчүп, Базар-Коргондо сел жүрдү

© пресс-служба МЧС КРЖалал-Абад облусунун Базар-Коргон районунда болгон селдин кесепети
Жалал-Абад облусунун Базар-Коргон районунда болгон селдин кесепети - Sputnik Кыргызстан
Жазылуу
Учурда атайын комиссия келтирилген чыгымдарды аныктоо иштерин жасап жатат.

БИШКЕК, 27-апр. — Sputnik. Жалал-Абад облусунун Базар-Коргон районунда 26-апрелде саат 06:00 чамасында Могол айыл аймагынын Ооган-Талаа айылында катуу жааган жамгырдан улам сел жүрүп, 9 кожолуктун турак үйүн жана 46 кожолуктун там аркасын каптаган. Бул тууралуу ӨКМдин маалымат кызматы билдирди.

Ага ылайык, айылдагы маданият үйүнүн жер төлөсүнө сел суулары кирген. 

© пресс-служба МЧС КРПоследствия селя в Базар-Коргоне
Последствия селя в Базар-Коргоне - Sputnik Кыргызстан
Последствия селя в Базар-Коргоне

Тогуз кожолуктун үйлөрүнүн абалын комиссия жеринде тактоого аракет кылган. Бирок сел суулары жер төлөлөрдө топтолуп тургандыктан, үйлөрдүн жабыр тарткан даражаларын так аныктоо мүмкүн эмес. Андыктан 10-15 күн аралыгында көзөмөлгө коюлган турак жайларды кайрадан изилдеп чыгып, техникалык абалына баа берилет. Жергиликтүү тургундардан 46 киши жана 3 суу сордуруучу жабдуу тартылып, айыл жашоочулары тарабынан тазалоо жумуштары жүргүзүлүүдө. 

Кыргызстанда 18-апрелде сел каптап, кооптуулук жаралган аймактар - Sputnik Кыргызстан
Кыргызстанда 18-апрелде сел каптап, кооптуулук жаралган аймактар
Ошондой эле Сузак районунда 26-апрелде саат 04-00 чамасында Алмалуу-Булак айылынын Үч-Чат жайлоосунда 24-апрелде түшкөн көлөмү 1 миллион 200 миң куб метр жер көчкүнүн жогору жагынан дагы көлөмү болжол менен 50 миң куб метр болгон жер көчкү жүргөн.

Жер көчкүнүн жылуусу активдүү, алдыңкы тарабы Алмалуу суусуна жетип токтогон. Учурда жергиликтүү тургундарга түшүндүрүү иштери жүргүзүлүүдө. Жайыт комитетине жер көчкүнү мындан ары көзөмөлдөп туруу милдеттендирилди.

Жаңылыктар түрмөгү
0