Москвада кыргыз кыздарын зордуктап жүргөн деп шектелген кыргыз бала кармалды

© Sputnik / Рамиль Ситдиков / Медиабанкка өтүүКамакка алынган жаран. Архив
Камакка алынган жаран. Архив - Sputnik Кыргызстан
Жазылуу
Учурда шектүүгө төрт факты боюнча кылмыш иши козголуп, тергөө амалдары башталды.

БИШКЕК, 20-май — Sputnik. Москвада кыргыз кыздарын зордуктап, тоноого шектелген кыргыз жараны кармалды. Бул тууралуу КР ИИМдин Москвадагы өкүлчүлүгүнүн башчысы Аскат Алиев билдирди. 

Маалыматка ылайык, үстүбүздөгү жылдын 14-майдан 15-майга караган түнү Москва шаарынын Варшава шоссесинде жайгашкан гараждардын биринде, кылмышка шектүү делип Ош облусуна караштуу Ноокат районунун 22 жаштагы тургуну кармалган.

Абак. Архив - Sputnik Кыргызстан
Канайымдын 7-кабаттан секиришине себепчи болгон зордукчу 10 жылга кесилди
Ал кыргыз кыздарын зордуктап, тоногон деп айыпталууда.

Кылмышка шектүү интернет баракчалардын бирине кыргыз тилинде жумуш берем деп жарнама жазып, жумушка орношууну каалаган кыздарды атайын кечки убакытка жолугууга чакырган. Кафедеги сүйлөшүүдөн кийин кыздарды атайылап караңгы жакка алып барып зордуктап, коркутуп уюлдук телефондорун, баалуу буюмдарын тартып алып жүргөн.

Учурда шектүүгө төрт эпизод боюнча кылмыш иши козголуп, тергөө амалдары башталды. 

Жаңылыктар түрмөгү
0