Снимок с официального сайта Департамента кинематографии при Министерстве культуры, информации и туризма Кыргызской Республики. Киноактриса Гульнара Кадралиева

Кожожаштын Зулайкасы актриса Гүлнара Кадралиева 5-кабаттан кулап каза болгон

903
(жаңыланган 19:54 15.06.2016)
Кадралиева 1961-жылы Сокулукта төрөлүп, 1982-жылы ВГИКтеги Алексей Баталовдун актердук өнөрканасын аяктаган.

БИШКЕК, 15-июн. — Sputnik. "Ак илбристин тукуму" кинотасмасында Кожожаш мергендин жубайы Зулайканын образын жараткан Гүлнара Кадралиева 5-кабаттан кулап каза болгон. Бул маалыматты Бишкек ШИИБ тастыктады. 

Эскерте кетсек, Кадралиева кечээ, 14-июнь күнү 55 жаш курагында көз жумганы айтылган. 

"Актриса 5-кабаттагы үйүнүн балконунан ылдыйкы кабатка шейшептерди бири-бирине байлаштырып түшүп баратканда буту тайып жерге кулап түшкөн. Кырсык 12-июнда болгон. Окуя болгон жерге Тез жардам кызматы келип, Кадралиеваны ооруканага алып кеткен. Ал эки күндөн кийин көз жумган", — деди ШИИБ маалымат катчысы Олжобай Казабаев.

Кадралиева 1961-жылы Сокулукта төрөлүп, 1982-жылы ВГИКтеги Алексей Баталовдун актердук өнөрканасын аяктаган. Кыргызстанга келгенден кийин теле жана радиоберүү боюнча мамлекеттик комитетте, Ысык-Көл облустук драма театрында, "Кыргызфильмде" иштеген. 

Эң эле белгилүү образы — Төлөмүш Океевдин "Ак илбирстин тукуму" тасмасындагы Кожожаш мергендин жубайы Зулайканын ролу. Мындан тышкары, бир катар тасмага тартылып, спектаклдерде ойногон.

903
Белгилер:
балкон, актриса, Гүлнара Кадралиева
Тема боюнча
Кожожаштын Зулайкасы каза болду
Кореяда 20-кабаттан секирип өлгөн студент дагы бир кишини ала жатты

Каракчылыкка шектүүнү Бишкекте спецназ кармады. Видео

238
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

238
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды
Кары киши. Архивдик сүрөт

Беш айдан бери дайынсыз. Чүйдө 61 жаштагы киши изделүүдө

21
(жаңыланган 16:28 02.12.2020)
Издөө салынган киши күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

БИШКЕК, 2-дек. — Sputnik. Чүйдө беш айдан бери 61 жаштагы киши изделүүдө. Бул тууралуу Чүй облустук ички иштер башкармалыгынын маалымат кызматы кабарлады. 

Без вести пропавший Сулайманов Сайдали
© Фото / пресс-служба ОВД Московского района
Жоголуп кеткен 61 жаштагы Москва районунун Беш-Терек айылынын жашоочусу Сайдалы Сулайманов

Ага ылайык, жоголгон Сайдалы Сулайманов Москва районунун Беш-Терек айылында жашачу. Ал үйүнөн 2020-жылдын 15-июнунда чыгып кеткен боюнча кайрылып келген эмес.

Изделип жаткан кишинин бою 170-175 сантиметр, чачын ак баскан, кыска. Көздөрү кара, кашы калың. Ал күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

Дайынсыз жоголуп жаткан киши тууралуу кандайдыр бир маалымат болсо, Чүй ОИИБ (0312) 43-01-27, (0312) 43-88-85 телефондоруна, ал эми Москва райондук ИИБ (0312) 60-77-27, 0550 22-17-17,0707 54-21-71 номерлерине чалып коюуну өтүндү.

21
Белгилер:
Чүй облусу, милиция, белги, издөө
Тема боюнча
Баткенде жоголгон аял Өзбекстан менен Тажикстандан да изделип жатат. Сүрөт