Суу жээги. Архив

ӨКМ: эки күн ичинде 4 бала сууга агып, 2 бала жоголуп кетти

59
(жаңыланган 11:15 01.07.2016)
Кырсык үстүбүздөгү жылдын 29-30-июнь күндөрү болгон. Балдардын айрымдарын куткаруучулар тапса, кээсин жергиликтүү тургундар өздөрү таап чыгууда.

БИШКЕК, 1-июл. — Sputnik. Үстүбүздөгү жылдын 29-30-июнь күндөрү өлкө боюнча сууга чөккөн жана аккан төрт, жоголуп кеткен эки баланын сөөгү табылганын ӨКМ билдирди.

Маалыматка ылайык, Чу дарыясына агып кеткен эки жашар Нурсеит Жылышбаевдин денесин кечээ саат 12.30да куткаруучулар таап, ата-энесине өткөрүп беришти. 

30-июнь күнү Аламүдүн районунда саат 20.03дарда ГЭС-5 көлмөсүнө бир кыз сууга чөгүп кеткен. Куткаруучулар кырсык болгон жерге барганга чейин белгисиз адам тарабынан кыздын денеси суудан чыгарылып, сөөктү ата-энеси алып кеткен.

Сокулуктун Күн-Туу айылындагы бассейнге түшүп жаткан Кочкор районунун 17 жаштагы тургуну Туратбек уулу Жыргал чөгүп кеткен. Куткаруучулар сөөктү Сокулук РИИБне өткөрүп беришкен.

Кара-Кулжа районундагы Алайкуу айыл өкмөтүндө кечки саат 7де Эшек-Арт жайлоосундагы Үч-Көл көлүнө 16 жаштагы Расул уулу Шерлана ттуу бала чөгүп кеткен. Анын денесин куткаруучулар барганга чейин эле жергиликтүү адамдар суудан алып чыгышкан. 

Ат-Башы районундагы Баш-Кайыңды айылында Күңгөй-Бет жайлоосунда 17 жаштагы туулган Нурлан уулу Рыспек адашып кеткен. Издөөгө чыккан куткаруучулардын ишинен азырынча майнап чыга элек. 

Кадамжай районундагы Пүлгөн айылында 29-июнда саат 15:00 чамасында 10 жашар Абдымомунов аттуу бала Ак-Суу дарыясынын боюнда ойноп жүрүп, жоголуп кеткен. Эртеси таң атпай куткаруучулар издөө иштерин жүргүзүшкөн. Саат 10:20да баланын денеси жергиликтүү калк тарабынан Пүлгөн айылындагы дарыядан табылып, туугандарына тапшырылган.

Мындан сырткары, Сузак районундагы Достук айылында 27-июнь күнү саат 22:54 чамасында дайынсыз жоголгон төрт жашар туулган Перизат Арстанбекова дагы деле табыла элек.

59
Белгилер:
көлмө, Суу, ӨКМ, Кыргызстан
Бишкек шаарынын мэрдин милдетин аткаруучу Нариман Түлеевдин архивдик сүрөтү

Түлеевдин кызматка келишинин айынан эки тарап чатакташа кетти. Видео

154
(жаңыланган 14:33 21.10.2020)
Муниципалитеттеги кадрдык алмашууга нааразы болгондор эртең менентен тарта мэрияга чогула башташкан. Алар Түлеевдин мэрдин милдетин аткаруучу болуп келишин мыйзамсыз деп эсептешүүдө.

БИШКЕК, 21-окт. — Sputnik. Бишкек шаардык мэриянын имаратында Нариман Түлеевдин калаа башчысынын милдетин аткаруучу болуп дайындалышына нааразы болгондор менен анын тарапташтары чатакташа кетти. Бул тууралуу Sputnik Кыргызстан агенттигинин кабарчысы билдирди.

Муниципалитеттеги кадрдык алмашууга нааразы болгондор эртең менентен тарта мэрияга чогула баштаган. Алар Түлеевдин мэрдин милдетин аткаруучу болуп келишин мыйзамсыз деп эсептешүүдө.

Мэриянын алдына Түлеевге каршы чыккандар гана эмес, тарапташтары дагы келген. Алар нааразы болгондорго кайрылып, мэрдин милдетин аткара турган адамга убакыт жана мүмкүнчүлүк берүүнү суранышты. Алардын айтымында, кыш жакындап калгандыктан шаарды жылуулук сезонуна даярдаш керек.

Бишкектин вице-мэри Абдылдаев Финполго сурак берди. Себеби

"Сүйлөшүүлөр" мэрияда өтүп, ага шаар башчысынын милдетин аткаруучу Нариман Түлеев өзү катышты. Ар кандай пикирлерден улам эки тарап чатакташа кетти.

 

154
Белгилер:
Нариман Түлеев, чатак, кызмат, мэр, Бишкек
Тема боюнча
Түлеевдин кызматка келишине нааразы болгондор мэрия алдына чогулду. Сүрөт
COVID күчөп кетсе Бишкек даяр болушу керек. Түлеевдин биринчи жыйыны
Бишкек шаарынын мэринин турак жай-коммуналдык чарба боюнча кеңешчиси, вице-мэр Алимбек Абдылдаев. Архивдик сүрөт

Бишкектин вице-мэри Абдылдаев Финполго сурак берди. Себеби

86
(жаңыланган 13:08 21.10.2020)
Абдылдаев "Бишкек жылуулук энергия" коммуналдык ишканасындагы маселе боюнча күбө катары чакыртылган. Ал бул кызматты 8 жыл жетектеген.

БИШКЕК, 21-окт. — Sputnik. Бишкек шаарынын мэринин турак жай-коммуналдык чарба боюнча кеңешчиси, вице-мэр Алимбек Абдылдаев кечээ Финполго сурак берди. Бул тууралуу муниципалитеттин маалымат кызматы кабарлады.

Ага ылайык, Абдылдаев "Бишкек жылуулук энергия" коммуналдык ишканасындагы маселе боюнча күбө катары чакыртылган. Вице-мэр иштин ар тараптуу изилдениши үчүн кенен маалымат берген.

Финпол: мурдагы өкмөт башчы Абылгазиев суракка келди

Абдылдаев бүгүндөн тарта кадимкидей иштеп, шаардын чарбалык көйгөйлөрүн чечип жатат.

Эске салсак, Абдылдаев 2011-жылдан 2019-жылга чейин "Бишкек жылуулук энергия" коммуналдык ишканасында эмгектенген.

86
Белгилер:
сурак, вице-мэр, мэрия, Бишкек
Тема боюнча
Сот Райым Матраимовдун баш коргоо чарасын карап чечим чыгарды
Финпол: мурдагы өкмөт башчы Абылгазиев суракка келди
Саргарган дарактар. Архив

Бейшембиге карата аба ырайы

0
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

0
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт