Бассейн. Архив

Оштогу бассейнге жети жаштагы кыз чөгүп кетти

120
(жаңыланган 18:57 19.07.2016)
Ата-энеси менен куткаруучулар убагында жардам берүүгө жетишпей калган.

БИШКЕК, 19-июл. — Sputnik. Ош шаарындагы бассейндердин биринде жети жаштагы кыз чөгүп кеткенин шаардык милициядан Sputnik Кыргызстан агенттигине билдирди.

Окуя мындан бир канча күн мурун болгон. Милициянын маалыматына ылайык, кыздын атасы, апасы жана дагы бир тууганы бассейндин жанына жер төшөк салып отурушкан. Куткаруучулар кызды суудан алып чыгып жасалма дем алдырганы менен андан майнап чыкпай, кыз каза болуп калган.

Аталган факты боюнча тергөө башталды. Кыздын ата-энеси менен куткаруучулардын жоопкерчилиги дагы каралууда.

Милицидан билдиришкендей, бул окуя жай мезгили келгенден бери катталган алтынчы учур. Бассейни бар мекемелерге буга чейин түшүндүрүү иштери жүргүзүлгөнүн шаардык милициянын маалымат кызматы баса белгиледи.

120
Белгилер:
бассейн, чөгүп кетүү, Ош
Тема боюнча
Бишкекте чөгүп бараткан баланы кантип сактап калышкандыгын күбө болгон аял айтып берди
"Тартуга" бассейнине түшүп кеткен 8 жашар бала 9 күндөн бери өзүнө келе элек

Колун кайрып, акчасын алып... Баткенде иштеген бажычыны кармаган видео

205
Финансы полициясы тарабынан Баткен облусундагы "Кызыл-Бел" бажы өткөрмө бекетинин нөөмөт башчысы пара алып жаткан жеринен кармалды.

Маалыматка ылайык, Финполго жеке ишкер кайрылып, аталган бекетте иштегендер кызмат абалынан пайдаланып бажы көзөмөлүнөн тоскоолдуксуз өткөрүү үчүн системдүү түрдө акча берип туруусун талап кылганын айткан. Мындан улам ал бажычыларга чара колдонууну суранган.

"Кечээ, 26-январда, ыкчам-издөө иш-чараларынын алкагында "Кызыл-Бел" бажы бекетинин нөөмөт башчысы М.Т. Кызыл-Кыя шаарында пара алып жаткан жеринен кармалды. Мындан тышкары, анын автоунаасын тинткенде 100 миң сом (чет өлкөнүн валютасы дагы бар) чыккан. Шектүү каражатты кайдан алганын айтып бере алган эмес", — деп айтылат маалыматта.

Аталган факты Кылмыш жана жоруктардын бирдиктүү реестрине Жазык кодексинин 326-беренеси ("Пара талап кылуу") менен катталган.

205
Белгилер:
бажы, пара, кармоо, Баткен
Тема боюнча
700 миң сомдун дайны жок. Оштогу "Достук" бажы бекетинин тескөөчүсү кармалды
"Ош электрдин" мурдагы директору 1 млн. сом пара алууга шектелип кармалды
Кармалган киш кишенчен. Архив

Ноокенде өспүрүм кызды опузалап акча талап кылган адам кармалды

62
Кылмышка шектелген адам өспүрүм кызды коркутуп, үйүндөгү 300 миң сомдук алтын буюмдарын саттырып, акчасын коротуп жибергени белгилүү болгон.

БИШКЕК, 27-янв. — Sputnik. Жалал-Абад облусунун Ноокен районунда 16 жаштагы кызга "жылаңач сүрөттөрүңдү жарыялайм" деп опузалап 300 миң сом талап кылган адам кармалды. Бул тууралуу Жалал-Абад ОИИБден билдиришти.

Маалыматта айтылгандай, райондук милицияга 43 жаштагы аял кайрылып, декабрь айынан бери кызынын сүрөттөрүн интернетке чыгарам деп ири суммада акча өндүрүп алган адамга чара көрүүнү суранган.

Шектүү өспүрүм кызды коркутуп, үйүндөгү 300 миң сомдук алтын буюмдарын саттырып, акчасын коротуп жибергени белгилүү болгон.

Факты боюнча Кылмыш-жаза кодексинин 203-беренеси ("Пара талап кылуу") менен тергөө амалдары башталган.

Жүргүзүлгөн ыкчам-иликтөө иштеринин натыйжасында шектүү катары Базар-Коргон районунун 21 жаштагы тургуну кармалган.

Ал жасаган ишин толугу менен мойнуна алган. Соттун чечими менен үй камагына алуу боюнча баш коргоо чарасы тандалган. Учурда тергөө жүрүп жатканы айтылды.

62
Белгилер:
Ноокен, кыз, өспүрүм, коркутуу, шантаж, опузалап акча талап кылуу
Тема боюнча
700 миң сомдун дайны жок. Оштогу "Достук" бажы бекетинин тескөөчүсү кармалды
Президенттин маалымат кызматынын жетекчиси Нургазы Анаркулов. Архив

Анаркулов: инаугурацияга чакырылгандардын баарынын ПЦР-анализи таза чыкты

0
(жаңыланган 22:01 27.01.2021)
Президенттин кызматка киришүү үчүн ант берүү аземине ар кайсы катмардагы миңден ашуун мейман чакырылган.

БИШКЕК, 27-янв. — Sputnik. Жаңы шайланган президент Садыр Жапаровдун инаугурациясына чакырылган коноктордун баарынын коронавируска тапшырган тести таза чыкты. Бул тууралуу президенттин маалымат кызматынын жетекчиси Нургазы Анаркулов билдирди.

Президенттик кызматка киришүү үчүн ант берүү аземине катардагы жарандардан, коомдук ишмерлерден, чыгармачыл жана интеллигенциянын өкүлдөрүнөн, жергиликтүү жана чет элдик маалымат каражаттарынын жетекчилеринен турган миңден ашуун мейман чакырылган.

Иш-чара санитардык-эпидемиологиялык талаптарга ылайык уюштурулуп, коноктордун баары коронавирус инфекциясына ПЦР-анализ тапшырышкан.

Садыр Жапаровдун инаугурациясы эртең, 28-январда, саат 11:00дө Токтогул Сатылганов атындагы Кыргыз улуттук филармонияда өтөт.

0
Белгилер:
ПЦР-тест, коронавирус, инаугурация, Садыр Жапаров
Тема:
Садыр Жапаровдун инаугурациясы
Тема боюнча
Чепкен жапмай, аластоо жана ыңгайсыз жагдайлар... Эл эсинде калган инаугурациялар
Депутаттарга Жапаровдун инаугурациясына жеке унаа менен келүүгө тыюу салынды
ИИМ: инаугурация күнү кортеж өтүп, жолдор бир нече секундга гана жабылат