Канал. Архив

Өзгөндө каналга түшүп кеткен 3 жашар бала изделүүдө

102
(жаңыланган 10:20 08.08.2016)
Мындан тышкары, Ош шаарында да сууга аккан 37 жаштагы кишинин жансыз денеси табылды.

БИШКЕК, 8-авг. — Sputnik. Өзгөндө үч жашар бала сууга агып кеткендигин ӨКМ билдирди. 

Маалыматка ылайык, кечээ, 7-августта Өзгөндүн Дөң-Булак айылында үч жашар бала ойноп жүргөн жеринен Шайбек каналына түшүп кеткен. Куткаруучулар туугандары менен биргеликте издөө иштерин жүргүзүп, ушу кезге чейин таппай келишет. 

Ал эми Ош шаарында Гагарин көчөсүн бойлоп аккан Увам каналына агып кеткен 37 жаштагы кишинин жансыз денеси куткаруучулар тарабынан табылган. Анын сөөгү туугандарына өткөрүп берилди. 

Кыргызстанда адамдын өмүрүн алган кандуу көл-дарыялар жөнүндө Sputnik Кыргызстан материалынан окуңуздар>>

102
Белгилер:
өлүм, канал, Суу
Тема боюнча
Унаасы менен кошо сууга түшүп кеткен 18 жаштагы бала изделүүдө
Сууга чөгүп кеткен 19 жаштагы кыздын сөөгү табылды
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

43
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

43
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда
Кармалган кыз кишен менен. Архив

Эшикти талкалап киришкен. Бишкекте үч кыз каракчылыкка шектелип кармалды

229
(жаңыланган 21:06 06.07.2020)
Милиция кылмышка шектелген кыздардын бири өспүрүм курагында, улуулары 18 жана 20 жашта экенин маалымдады.

БИШКЕК, 6-июл. — Sputnik. Бишкек шаарында каракчылыкка шектелип үч жаш кыз кармалды. Бул тууралуу Бишкек Кайгуул милициясынын маалымат кызматы кабарлады.

Билдирмеге караганда, окуя 6-июлга караган түнү саат 03:30 чамасында болгон. Борбор калаанын "Келечек" жаңы конушунда бир үйдү тоноп кетти деп чакыруу түшкөн. Айтылган дарекке Кайгуул милициянын кызматкерлери барганда үйдө жашаган Б.В. аттуу өспүрүм кызды үч кыз карактап кеткенин айтышкан.

"Шектүү кыздар үйдүн эшигин сындырып кирип 16 жаштагы өспүрүм кызды бычак менен коркутуп, баасы 10 миң сом турган телефонун, паспортун жана косметикаларын алып кетишкен. Көп өтпөй эле инспекторлор кылмышка шектүү катары 16, 18 жана 20 жаштагы кыздарды кармады. Алар Свердлов райондук милициянын тергөө бөлүмүнө өткөрүп берилди", — деп айтылат маалыматта.

Кыргызстанда чаламандын чак түшүндө тонолгон банк. Окуянын видеосу

Бул факт Кылмыш жана жоруктардын бирдиктүү реестрине катталып, Жазык кодексинин 202-беренесинин ("Каракчылык") негизинде сотко чейинки өндүрүшкө алынды.

229
Белгилер:
кыз, милиция, каракчылык, кармоо, шектүү
Тема боюнча
Милиция бустун артынан кууп жеткенче айдоочу беш унаа менен кагышты. Видео
Нарында “Хизбут-Тахрир” уюмуна мүчө делген 6 аял кармалды