БИШКЕК, 8-авг. — Sputnik. Чүйдө кыргыз-казак чек арасынан мыйзамсыз өтүүгө аракет кылган Түштүк Кореянын жараны кармалганын Мамлекеттик чек ара кызматы билдирди.
Маалыматка ылайык, чет элдик жаранды Аламүдүн районунун Молдовановка аймагындагы "Кант" заставасынын чер арачылары колго түшүргөн.
Сурак жүрүшүндө Казакстанда жүрүү мөөнөтү бүтүп калгандыктан аталган жаран Кыргызстанга өтүп, бул жерден Кытайга учуп кетүү ниети болгонун айтып берген. Ал эми Кыргызстанга мыйзамсыз өтүү жолдорун казак жарандар уюштуруп беришкен.
Тийиштүү документтер толтурулгандан кийин чет элдик киши УКМК кызматкерлерине өткөрүп берилди.
