Оорукана. Архив

Баткенде мал жайып жүрүп жоголгон баланын сөөгү табылды

889
(жаңыланган 11:06 31.08.2016)
Маркумдун денеси ата-энесине өткөрүп берилди.

БИШКЕК, 31-авг. — Sputnik. Баткен облусундагы Актатыр айылында мал жайып жүрүп жоголуп кеткен баланын сөөгү табылгандыгы тууралуу ӨКМден кабарлашты.

Эске салсак, окуя "Геревшин" жайлоосунун Аксуу тилкесинде болгон. Үстүбүздөгү жылдын 26-августунда үч бир тууган мал жайып жүрүп, аларды караганы үчөө үч тарапка бөлүнүшкөн. Балдардын бирөө кайрылып келген эмес. Эки бир тууган инисин издеп таба албай айылдагы урук-туугандарына билдиришкен. Эртеси туугандары менен бирге издөөдөн да майнап чыкпагандыктан, жергиликтүү бийликке кайрылышкан

"Жайлоодон жоголуп кеткен 23 жаштагы баланын денеси 30-август күнү табылды", — деп айтылат маалыматта. 

Маркумдун денеси ата-энесине өткөрүлүп берилди. 

889
Белгилер:
жоголуу, жайлоо, Баткен облусу
Тема боюнча
Баткендин Актатыр айылында мал жайган жигит үч күндөн бери дайынсыз болууда
Тоолордун арасында калган турист аял бир айдан кийин аман-эсен табылды
Пикирлер