Канализация люку. Архив

Токмокто канализациянын газына ууланып бир киши каза болду

79
(жаңыланган 13:59 03.09.2016)
Кырсыктан дагы эки кызматкердин жабыркаганы айтылууда.

БИШКЕК, 3-сен. — Sputnik. Токмок шаарында "Токмоксууканал" ишканасынын аймагында канализация кудугун оңдоп жаткан үч кызматкердин бири газга ууланып каза болсо, экөө ооруканага жаткырылганын ӨКМ билдирди.

Маалыматка ылайык, кырсык кечээ, 2-сентябрда саат 10.30да болгон. Аталган ишкананын үч кызматкери канализацияны оңдоого чыккан. 

Окуя болгон жерге барган куткаруучулар жабыркагандарга медициналык жардам көрсөтүп, Тез жардам дарыгерлери Токмок шаардык ооруканасына жеткиришкен.

79
Белгилер:
канализация, уулануу, газ, Токмок
Тема боюнча
Нарында кудуктун ыплас жытына ууланып каза болгондор боюнча териштирүү башталды
Нарында кудуктагы ыплас суудан чыккан жытка ууланып үч жумушчу каза болду
Спирт ичимдиги. Архив

Аксыда уулангандар эмне ичип-жегени айтылды

200
(жаңыланган 14:37 04.03.2021)
Санэпидкөзөмөл борборунун маалыматына ылайык, каза болгондор спирт ичимдигин ичишкен. Иликтөө иштеринин жыйынтыгына ылайык кошумча маалымат берилери айтылды.

БИШКЕК, 4-мар. — Sputnik. Саламаттык сактоо министрлиги Санэпидкөзөмөл борборуна таянып Жалал-Абад облусунун Аксы районунда ууланып каза болгон алты адам тууралуу маалымат таратты.

Борбордун адистери менен аймактык оорукананын дарыгерлери биргеликте жүргүзгөн иликтөөнүн жыйынтыгы менен уулангандар суу кошулган спирт ичишкени аныкталган.

"Ыкчам маалымат боюнча, 2-март күнү Кара-Суу айылынын 19 тургуну Кара-Жыгач айыл аймагындагы кафеде түштөнүшкөн. Жабырлануучулар салат, бешбармак жеп, суу кошулган спирт ичимдиктерин ичишкенин билдиришкен. Эпидемиологиялык иликтөөнүн жыйынтыгы боюнча кошумча маалымат берилет", — деп жазылат маалыматта.

Министрлик каза болгондордун баары Кара-Суу айыл аймагынын тургундары болгонун кошумчалап, аты-жөнү такталганын билдирген.

Маалыматта үч киши үйүнөн, дагы үчөө ооруканага түшкөндөн кийин көз жумганы айтылды. Аксынын ооруканасында бир адам дарыланууда, анын абалы орточо оор деп бааланып жатат.

200
Белгилер:
Аксы, Каза болгондор, уулануу
Тема боюнча
Аксыда үч адам ууланып каза болду, ооруканага түшкөндөр бар
Конокко барышкан. Аксыда ууланып каза болгондордун саны 6 адамга жетти
Аксыда ууланып каза болгондордун ким экени такталды. Тизме
Ооруканадагы бейтап. Архив

Аксыда ууланып каза болгондордун ким экени такталды. Тизме

280
(жаңыланган 13:53 04.03.2021)
Кара-Суу айыл аймагынын маалыматына ылайык, каза болгондордун баары жергиликтүү тургундар болгон.

БИШКЕК, 4-мар. — Sputnik. Жалал-Абад облусунун Аксы районунда уулануудан каза болгон адамдардын аты-жөнү такталды.

Кара-Суу айыл аймагынын маалыматына ылайык, каза болгондордун баары жергиликтүү тургундар.

Алар:

  • Ийри-Булуң айылынын 59 жаштагы Н.Т. аттуу тургуну (аял киши);
  • Ийри-Булуң айылынын 62 жаштагы Т.Ш. аттуу жашоочусу (эркек киши);
  • Ийри-Булуң айылынын 69 жаштагы А.Р. аттуу жашоочусу (аял);
  • Кызарт айылынын 54 жаштагы М.Ч. аттуу жашоочусу (эркек киши);
  • Кызарт айылынын 53 жаштагы К.Ж. аттуу жашоочусу (эркек киши);
  • Чарба айылынын 54 жаштагы О.Ч. аттуу жашоочусу (эркек киши).
280
Белгилер:
өлүм, Аксы, уулануу
Тема боюнча
Аксыда үч адам ууланып каза болду, ооруканага түшкөндөр бар
Конокко барышкан. Аксыда ууланып каза болгондордун саны 6 адамга жетти
Кыргызстандын Жогорку сотунун төрайымы Гүлбара Калиева. Архив

Жогорку соттун төрайымын кылмыш жоопкерчилигине тартууга уруксат берилди

48
(жаңыланган 15:41 04.03.2021)
Буга чейин УКМК Калиева ар кандай шылтоо менен Дисциплинардык комиссиянын ишин чоюп келе жаткандыгын айткан.

БИШКЕК, 4-мар. — Sputnik. Судьялар кеңешинин алдындагы Дисциплинардык комиссиясы Кыргызстандын Жогорку сотунун төрайымы Гүлбара Калиеваны кылмыш жоопкерчилигине тартууга макулдугун берди.

Мындай чечим бүгүнкү жыйында кабыл алынган, ага Калиева өзү катышкан эмес.

Буга чейин УКМК Калиева ар кандай шылтоо менен Дисциплинардык комиссиянын ишин чоюп келе жаткандыгын айткан. Буга Жогорку соттун маалымат кызматы жыйын башкы судьянын ден соолугуна байланыштуу жылдырылып келгенин билдирген.

Жогорку соттун төрайымынын иши

Атайын кызмат "Жергиликтүү сот" автоматташтырылган маалыматтык системаны ишке киргизүүдөгү коррупция фактысы боюнча Жогорку соттун кызмат адамдарына иш козгогон. УКМК төрагасы бул ишке Калиеванын да тиешеси бар экенин айтып, ага карата иш козголгонун билдирген.

Мындан сырткары, Жазык кодексинин 320-беренесинин ("Кызмат абалынан кыянаттык менен пайдалануу") негизинде Жогорку соттун төрайымы Гүлбара Калиевага козголгон дагы бир иш боюнча сотко чейинки териштирүүнү баштаганы айтылган. УКМКнын маалымат кызматы билдиргендей, сот бийлигинин айрым өкүлдөрү өткөн жылдын февраль айында жеке кастыктан улам интернетке башка судьянын беделин түшүргөн видеоматериалдарды интернетке жарыялап, муну менен кесиптешин жоопкерчиликке тартууну максат кылышканы аныкталган. Жогорку соттун төрайымы бул боюнча мыйзамдуу чараларды көрүүнүн ордуна ишти жаап-жашырууга аракет кылганы белгиленген.

Атайын органдын мындай маалыматына Жогорку сот жооп берип, акыркы учурда УКМК сот бийлигинин өкүлдөрүн негизсиз, далили жок айыптап жатканын айткан. Ошондой эле бул сот системасынын беделин түшүрүп жатканы кошумчаланган.

48
Белгилер:
кылмыш, судья, кеңеш, Гүлбара Калиева, Жогорку сот
Тема боюнча
Жогорку сот Өмүрбек Текебаевди депутаттык мандатынан ажыратты
Жогорку сотко караштуу Сот департаментинин статс-катчысы кармалды