Тез жардам автоунаасы кырсык болгон жайда.

Тез жардам кырсык болгон жерден өтүп баратып жабыр тарткан аялды дароо алып кетти

292
(жаңыланган 00:27 12.09.2016)
Жол кырсыгы Бишкек шаарынын Чыгыш-5 аймагында катталган.

БИШКЕК, 11-сен. — Sputnik. Бишкек шаарынын Чыгыш-5 аймагында түнкү саат ондон өтүп калганда жол кырсыгы катталып, 50 жаштагы аял жабыркаганын Sputnik Кыргызстан агенттигинин WhatsApp номери арылуу күбө жиберди.

Маалыматка ылайык, жол кырсыгы Чыгыш-5 аймагындагы аялдамага жакын жерде болгон.

  • Бишкек шаарынын Чыгыш-5 аймагында түнкү саат ондон өтүп калганда жол кырсыгы катталып, 50 жаштагы аял жабыркаган
    Бишкек шаарынын Чыгыш-5 аймагында түнкү саат ондон өтүп калганда жол кырсыгы катталып, 50 жаштагы аял жабыркаган
    © Фото / очевидца, отправленное по Whats App-каналу
  • Жол кырсыгы Чыгыш-5 аймагындагы аялдамага жакын жерде болгон.
    Жол кырсыгы Чыгыш-5 аймагындагы аялдамага жакын жерде болгон.
    © Фото / очевидца, отправленное по Whats App-каналу
  • Күбөлөрдүн айтымында чыгыштан батышты карай бараткан 30 жаштагы айдоочу Mazda 323 үлгүсүндөгү машинасы менен аялды коюп кеткен.
    Күбөлөрдүн айтымында чыгыштан батышты карай бараткан 30 жаштагы айдоочу Mazda 323 үлгүсүндөгү машинасы менен аялды коюп кеткен.
    © Фото / очевидца, отправленное по Whats App-каналу
  • Чыгыш-5 аймагындагы жол кырсыгы
    Чыгыш-5 аймагындагы жол кырсыгы
    © Фото / очевидца, отправленное по Whats App-каналу
1 / 4
© Фото / очевидца, отправленное по Whats App-каналу
Бишкек шаарынын Чыгыш-5 аймагында түнкү саат ондон өтүп калганда жол кырсыгы катталып, 50 жаштагы аял жабыркаган

Күбөлөрдүн айтымында чыгыштан батышты карай бараткан 30 жаштагы айдоочу Mazda 323 үлгүсүндөгү машинасы менен аялды коюп кеткен.

"Аял жолду атайын белги коюлган жерден эмес, өзү каалаган жерден өтүп келе жаткан. Кырсык болгон учурда Тез жардам кызматы аталган райондо жүрүптүр. Алар тез эле алып келишти. Дарыгерлер аялдын абалы оор экенин айтышууда", — дейт окуянын күбөсү.

Тамда тартылган жол кырсыгы. Архив
© Sputnik / Табылды Кадырбеков
Жабыркаган аял №4 шаардык ооруканага жеткирилген. Анын абалы оор экенин ооруканадан билдиришти. Аял кандай жаракат алганы толук текшерилгенден кийин гана белгилүү боло турганын айтышты.

Эгер кандайдыр бир окуяларга туш болуп калсаңыз биздин +996 706 566 544 WhatsApp номерибиз аркылуу жибериңиз.

292
Белгилер:
WhatsApp, күбө, Бишкек
Тема боюнча
Жол кырсыгынан улам жабылган Бишкек — Ош жолу ачылды
Ири жол кырсыгынан көз жумгандардын тизмеси: арасында эгиз балдары менен жубайлар бар
ӨКМ кызматкери. Архивдик сүрөт

5 студенттин өлүмү. Ташкентте кафени атайылап өрттөдү делген киши кармалды

63
(жаңыланган 10:56 01.03.2021)
Тергөөнүн алгачкы маалыматы боюнча, шектүү кафенин ичине жана дубалына белгисиз суюктук чачып өрт койгон.

БИШКЕК, 1-мар. — Sputnik. Ташкент шаарындагы "Шовотландия" кафесине өрт коюуга шектелген адам кармалды. Бул туурасында Sputnik Өзбекстан агенттиги жазды.

Чилензарск районундагы кафеден чыккан өрт тууралуу маалымат өрт өчүрүү кызматына 27-февралда түнкү саат 3:51лер чамасында түшкөн. Жалын саат 4:37де чектөөгө алынган. Кийинчерээк шаардык милиция башкармалыгы кырсык болгон жерден беш студент ууланып каза болгонун кабарлаган.

Милиция Самарканд облусуна караштуу Тайлак районунун тургуну, мурда соттолгон жаран атайылап өрт коюушу мүмкүн деп эсептеп жатат.

"Тергөөнүн алгачкы маалыматы боюнча, ал 27-февралда саат 3:30да Daewoo Matiz үлгүсүндөгү унаа менен кафеге келип, дубалына белгисиз суюктук чачкан. Андан соң ичине дагы бир идиштеги суюктукту ыргытып күйгүзүп жиберген. Шектүү өрт тутанганча карап туруп, анан качып кеткен", — деп айтылат билдирүүдө.

Бул боюнча "Атайылап жок кылуу жана мүлктү зыянга учуратуу" беренеси менен кылмыш иши козголгон. Тергөөнү Ташкент прокуратурасы жүргүзүп жатат.

63
Белгилер:
өлүм, студент, кафе, кармоо, өрт, Ташкент
Тема боюнча
Былтыр "Орто-Сай" базарында ири өрт чыгарган деген киши кармалды
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Эркек адамдын колу. Архив

Ташкентте беш студент белгисиз затка ууланып каза болду

98
(жаңыланган 17:55 28.02.2021)
Көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

БИШКЕК, 28-фев. — Sputnik. Өзбекстанда беш студент белгисиз затка ууланып каза болду. Бул тууралуу Sputnik Өзбекстан Башкы прокуратуранын маалыматына таянып кабарлады.

Билдирмеге ылайык, көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

"Студенттердин сөөгү 27-февралда саат 20:50лөр чамасында табылган. Юнусабад районунун прокуратурасы "Бир нече адамдын өлүмүнө себеп болгон өрт коопсуздук эрежелерин бузуу" беренеси боюнча кылмыш ишин козгогон", — деп жазылат маалыматта.

Башкы прокуратура тергөөнү өз көзөмөлүнө алганы маалым болду.

98
Белгилер:
уулануу, өлүм, студент, Ташкент, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя

Кыргызстандагы эң кымбат 10 университеттин тизмеси жана баалары

0
(жаңыланган 13:20 01.03.2021)
Билим берүү жана илим министрлиги Кыргызстандагы окуу акысы эң кымбат 10 жогорку окуу жайдын тизмесин жарыялады. Арасында акысы 50 миң сомдон жарым миллионго чейин чапчыгандары бар.
Кыргызстандагы  эң кымбат 10 университет

Кыргызстандагы эң кымбат университет болуп АУЦА эсептелет. Билим берүү министрлигинин маалыматына караганда, жылына орто эсеп менен студент 482 400 сом төлөйт.

Экинчи сапта Медицинанын эл аралык жогорку мектеби. Бул жерде жалаң гана чет элдиктер билим алышат. Студент жылына 210 000 сом төлөйт.

Салымбеков атындагы университетте бир жылдык окуу акысы жергиликтүү студенттер үчүн 75 миң, чет элдиктерге 165 миң сомго жетет.

Эл аралык медицина университетинин окуу акысы жеткиликтүүрөөк. Анда кыргызстандыктар жылына 93 миң, чет элдиктер 151 миң сом төлөшөт.

Кымбаттыгы боюнча алдыңкы беш сапка кирген окуу жайлардын катарында "Ала-Тоо" эл аралык университети бар. Жергиликтүүлөр үчүн жылына 80 миң сом болсо, чет элдиктер 173 миң сом төлөшү керек.

0
Белгилер:
контракт, кымбат, Университет, Кыргызстан
Тема боюнча
Бишкектеги автомектептердин тизмеги. Шарты жана баалары