Тез жардам автоунааларынын архивдик сүрөтү

Маршруттук таксинин айынан таксиге отуруп жаткан кыздын билеги сынды

493
(жаңыланган 15:14 24.09.2016)
Кыз унаага отурарда, аны микроавтобус сүзүп кеткен. Азырынча айдоочу табыла элек.

БИШКЕК, 24-сен. — Sputnik. Микроавтобус менен болгон жол кырсыгында жаш кыздын билеги сынды. Бул тууралуу Sputnik Кыргызстан агенттигине борбордун мамлекеттик ички иштер башкармалыгындагы Кайгуул милициясынын маалымат кызматынан кабарлашты.

Кырсык Чүй проспектиси менен Фучик көчөлөрүнүн кесилишинде болгон. Милициянын маалыматына ылайык, 23 жаштагы кыз таксиге отурарда унааны микроавтобус сүзүп алган. Кыздын колу сынган.

"Айдоочу унаасын токтотуп, ооруканага баргыла деп айткан соң, окуя болгон жерден качып кеткен. Маршрутканын номерине эч ким көңүл бурган эмес. Микроавтобус ак түстө болгондугу жана ичинде жүргүнчүлөр бар экени гана белгилүү", — деп Кайгуул милициядан кабарлашты.

Жабырлануучунун жолдошу Гарик Лайко, кыздын чыпалагы жана билеги сынганын тастыктады.

"Келинчегим унаанын эшигин жаап жатканда унаа сүзүп кеткен. Ага операцияны төртүнчү шаардык ооруканада жасашты. Эл ага биринчи медициналык жардамын көргөзүп, бирок эч ким номерин эстеп калбаптыр. Айдоочу болсо келем деген боюнча жок", — деди Лайко.

Жабырлануучунун күйөөсү ошол унаанын ээсин издеп жатат. Жабыр тарткан кыздын абалы канаттандырарлык.

Бишкектеги травматология жана ортопедия илимий- изилдөө борборунда кыз колунан жаракат алгандыгын тастыкташты. Ага амбулатордук жардам көрсөтүлдү.

493
Белгилер:
унаа, кырсык, маршруттук такси
Тема боюнча
Ошто үч адамдын өмүрүн алган кырсык катталды
Чүйдө комбайн менен Audi сүзүшүп эки адам каза болду

Алматыдагы каргашадан кийин Токаев мыйзамдарды түзөтүүнү тапшырды. Видео

6
Казакстандын президенти Касым-Жомарт Токаев Алматыдагы ок атуудан каза болгон беш адамдын окуясы тууралуу комментарий берди.

Анын билдирүүсү мамлекет башчынын маалымат кызматынын YouTube каналына жүктөлдү.

"Адамдардын өлтүрүлүшүн актоого болбойт. Цивилизациялуу коомдо бардык талаш, көйгөйлөр укуктук талаада гана чечилиши керек. Аны менен катар эмнеге мындай окуя болуп кеткенин тыкыр текшерүү шарт. Бул — трагедия", — деди мамлекет башчысы.

Президент кредит берүүчүлөр менен көйгөй жараткан карыздар адамдардын мамилеси, өзгөчө турак жай өтө талуу маселе экенин, муну юридикалык жактан жакшыртуу талап кылынарын белгилеген.

Мындан улам президент өкмөткө, Улуттук банкка, Финансы рыногун көзөмөлдөө жана жөнгө салуу агенттигине, финансылык уюмдарга бир айдын ичинде мыйзамдык, ченемдик өзгөртүүлөрдүн пакетин даярдоо тапшырмасын берди.

"Мындан тышкары, өкмөт менен Алматынын акимчилигине бул трагедиядан жабыркагандарга бүт жагынан колдоо көрсөтүүнү тапшырды. Биринчи кезекте балдарга жардам берүү шарт. Балдардын күнөөсү жок, алар жалпы кайдыгерликтин жана укуктук калпыстыктын курмандыгы болду. Биздин коомдо балдар адилеттүүлүккө ишенүү менен чоңоюшу маанилүү", — деди Токаев.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

6
Белгилер:
Казакстан, Касым-Жомарт Токаев, трагедия, Алматы, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды
Алматыда үй ээси атып салган 5 киши: өлгөндөрдүн бири жаңы кожоюн болгон
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

181
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

181
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

0
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

0
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы